قازاقستاندا قاڭتار ايىندا ٶتەتٸن ۇبت باستالدى. قاتىسۋشىلاردان 104 مىڭعا جۋىق ٶتٸنٸم تٷستٸ. ۇلتتىق بٸرىڭعاي تەستٸلەۋ 2022 جىلدىڭ 22 اقپانىنا دەيٸن جالعاسادى. وسى ۋاقىتقا دەيٸن ۇبت-نى 10 قاڭتار مەن 10 اقپان ارالىعىندا ٶتكٸزۋ جوسپارلانعان بولاتىن. الايدا, ەلدە تٶتەنشە جاعداي رەجيمٸنٸڭ ەنگٸزٸلۋٸنە بايلانىستى مەرزٸمٸ كەيٸنگە شەگەرٸلدٸ. قاجەتتٸلٸگٸنە قاراي تەستٸلەۋگە قوسىمشا كٷندەر ەنگٸزٸلدٸ, دەپ حابارلايدى بعم باسپاسٶز قىزمەتٸ.
بيىل مينيسترلٸك تالاپكەرلەرگە قولايلى جاعداي جاساۋ ٷشٸن, سونداي-اق تەستٸلەۋ تاپسىرۋ پروتسەسٸنٸڭ اشىقتىعى مەن ترانسپارەنتتٸلٸگٸن كٷشەيتۋ ٷشٸن بٸرقاتار ٶزگەرٸس ەنگٸزدٸ.
«مىسالى, ەرەكشە بٸلٸم بەرۋ قاجەتتٸلٸكتەرٸ بار تٷلەكتەرگە 2022 جىلى قوسىمشا ۋاقىت بەرٸلدٸ. كٶرۋ, ەستۋ, تٸرەك-قيمىل اپپاراتىنىڭ فۋنكتسييالارى بۇزىلعان تالاپكەرلەرگە تەستٸلەۋ تاپسىرمالارىن ورىنداۋ ٷشٸن نەگٸزگٸ 240 مينۋتتان بٶلەك قوسىمشا 40 مينۋت بەرٸلەدٸ. ياعني, ولار ۇبت-نى 4 ساعات 40 مينۋت ٸشٸندە, باسقالارعا قاراعاندا ۇزاعىراق تاپسىرا الادى. سونىمەن قاتار ەرەكشە قاجەتتٸلٸكتەرٸ بار تالاپكەرلەرگە ارنالعان تاپسىرمالاردىڭ مازمۇنىنا دا ٶزگەرٸستەر ەنگٸزٸلدٸ. ولار ٷشٸن سۋرەتسٸز, سىزبالارسىز جەنە دياگراممالارسىز تەست نۇسقالارى جاسالدى. بۇل ٶزگەرٸستەر ۇبت تاپسىرۋدى ايتارلىقتاي جەڭٸلدەتەدٸ», – دەپ اتاپ ٶتتٸ قر بعم ۇلتتىق تەستٸلەۋ ورتالىعىنىڭ ديرەكتورى رۋسلان ەمەلباەۆ.
تەستٸلەۋ «1 كومپيۋتەر - 2 كامەرا - 1 تەستٸلەنۋشٸ» قاعيداتى بويىنشا جٷرگٸزٸلەدٸ. وقۋعا تٷسۋشٸنٸڭ تەست تاپسىرۋ ورنىندا نەگٸزگٸ كامەرادان باسقا, تەستٸلەنۋشٸنٸڭ دىبىسىن جازۋ جەنە قوزعالىسىن تٸركەۋ ٷشٸن الدىڭعى ۆەب-كامەرا ورناتىلادى. فرونتالدى ۆەب-كامەرا تالاپكەردٸڭ جەكە باسىن سەيكەستەندٸرۋگە جەنە ۇبت كەزٸندە بٶگدە ادامداردىڭ كٸرۋٸن بولدىرماۋعا مٷمكٸندٸك بەرەدٸ. سونداي-اق بۇل قاعيدات ەمتيحان تاپسىرۋ بارىسىنا باقىلاۋ جٷرگٸزۋ جەنە تەستٸلەۋدٸڭ اشىقتىعىن قامتاماسىز ەتۋ ٷشٸن قاجەت.
تاپسىراتىن پەندەر سانى ٶزگەرگەن جوق – ەكٸ بەيٸندٸ جەنە ٷش مٸندەتتٸ پەن قامتىلادى. تەست تاپسىرمالارانىڭ سانى – 120. ونىڭ ٸشٸندە قازاقستان تاريحى بويىنشا – 15, ماتەماتيكالىق ساۋاتتىلىق بويىنشا – 15, وقۋ ساۋاتتىلىعى – 20 جەنە ەكٸ بەيٸندٸ پەننەن 35 تاپسىرمادان بەرٸلەدٸ. تەستٸلەۋدٸ ٶتكٸزۋ ۋاقىتى – 4 ساعات (240 مينۋت). ۇبت نەتيجەسٸ بويىنشا تالاپكەرلەر ەڭ جوعارى 140 بالل جيناي الادى.
تەستٸلەۋگە كٸرەر كەزٸندە قولمەن تەكسەرەتٸن جەنە رامالىق مەتالل ٸزدەگٸشتەر قولدانىلادى. بۇل تالاپكەرلەردٸڭ قاۋٸپسٸزدٸگٸ ٷشٸن, ەرەجەلەردٸ بۇزۋدىڭ جەنە تىيىم سالىنعان زاتتاردى (تەلەفوندار, شپارگالكالار جەنە ت.ب.) الىپ ٶتۋدٸڭ الدىن الۋ ٷشٸن دە قاجەت. قاتىسۋشىلاردان تىيىم سالىنعان زاتتار تابىلعان جاعدايدا تەستٸلەۋ اۆتوماتتى تٷردە توقتاتىلادى.
تەستٸلەۋ كەزٸندە موبيلدٸ جەنە راديوەلەكتروندىق بايلانىس سيگنالدارىن باساتىن قۇرىلعىلار پايدالانىلادى. ول اۋديتورييانىڭ (كومپيۋتەرلٸك سىنىپتىڭ) جەنە بەينەباقىلاۋ كامەرالارىنىڭ اۋدانىنا بايلانىستى جۇمىس ٸستەيدٸ.
ۇبت-2022 اياقتالعاننان كەيٸن كٷنتٸزبەلٸك جىلدىڭ سوڭىنا دەيٸن بەينەجازبالارعا تالداۋ جٷرگٸزٸلەدٸ. تىيىم سالىنعان زاتتاردى پايدالانۋ جەنە ەرەجەلەردٸ بۇزۋ فاكتٸلەرٸ انىقتالعان جاعدايدا, وقۋعا تٷسۋشٸنٸڭ ۇبت نەتيجەلەرٸ جويىلادى.
ايتا كەتسەك, قاڭتار ايىنداعى ۇبت قورىتىندىسى بويىنشا اقىلى نەگٸزدە وقۋعا بولادى. تٷلەكتەر جازعى تەستٸلەۋ نەگٸزٸندە گرانتقا ٷمٸتكەر بولا الادى.
سونداي-اق بارلىق سانيتارلىق-ەپيدەميولوگييالىق تالاپ قاتاڭ ساقتالادى.
