ۇلتتىق بانكتٸڭ مونەتارلىق وپەراتسييالار دەپارتامەنتٸنٸڭ ديرەكتورى نۇرجان تۇرسىنحانوۆ تەڭگەنٸڭ نە سەبەپتٸ قۇنسىزدانعانىن ايتتى, دەپ حابارلايدى Sputnik قازاقستان.
"18 قاراشادا قازاقستان قور بيرجاسىنداعى دوللار-تەڭگە ساۋدا-ساتتىعى كەزٸندە بٸر دوللار 431,60 تەڭگەگە دەيٸن جەتتٸ. سوڭعى رەت ونداي كٶرسەتكٸش جارتى جىل بۇرىن تٸركەلگەن. تەڭگە باعامىنىڭ قازٸرگٸ ديناميكاسى ەنەرگييا تاسىمالداۋشىلار نارىعىنداعى ٷردٸستەر مەن حالىقارالىق نارىقتاعى احۋالدى كٶرسەتٸپ وتىر", - دەيدٸ تۇرسىنحانوۆ.
بٷگٸن ۆاليۋتا ايىرباستاۋ پۋنكتەرٸندە دوللار 433-434 تەڭگەدەن ساتىلىپ جاتىر.
"بٸر جاعىنان, بايدەن ەكٸمشٸلٸگٸنٸڭ مۇناي باعاسىنىڭ ٶسۋٸن تەجەۋ جٶنٸندەگٸ ىقتيمال شارالارى, سونداي-اق وپەك پەن حالىقارالىق ەنەرگەتيكا اگەنتتٸگٸنٸڭ جاقىن ارادا ارتىق ۇسىنىستىڭ پايدا بولاتىنىنى تۋرالى بولجامدارىنا بايلانىستى قازاننىڭ سوڭىنان باستاپ مۇناي باعاسىن بەلگٸلەۋ سوڭعى 7 جىلداعى ەڭ جوعارى كٶرسەتكٸشتەن 5%-تەن استام كٶرسەتكٸشكە تٶمەندەدٸ. 16 قاراشادا اقش پەن قىتاي باسشىلارى اراسىنداعى كەلٸسسٶزدەر كەزٸندە ەكٸ ەلدٸڭ ستراتەگييالىق رەزەرۆتەرٸنەن مۇنايدى ساتۋ تۋرالى ايتىلدى. ول دا نارىق قاتىسۋشىلارىنىڭ الاڭداۋشىلىعىن تۋدىرادى", - دەپ تٷسٸندٸردٸ تۇرسىنحانوۆ.
ونىڭ ايتۋىنشا, اقش-تاعى ينفلياتسييا سوڭعى 30 جىلداعى ەڭ جوعارى كٶرسەتكٸشكە – 6,2 پروتسەنتكە جەتتٸ. دەمەك بۇل ەلدە مٶلشەرلەمەلەردٸ ٶسٸرۋ كەزەڭٸ جاقىنداپ قالدى. ال ونداي شەشٸم دامۋشى ەلدەر ۆاليۋتالارىنىڭ تارتىمدىلىعىن تٶمەندەتەدٸ جەنە تەڭگەنٸڭ ەلسٸرەۋٸن تۋدىراتىن قوسىمشا فاكتور بولادى.
قازاننىڭ سوڭىندا EMCI J.P. Morgan دامۋشى ەلدەرٸ ۆاليۋتالارىنىڭ يندەكسٸ 2,1%-كە ەلسٸرەگەن. سەبەبٸ ينۆەستورلار دامۋشى نارىقتاردان كاپيتال شىعارىلادى دەپ الاڭداپ وتىر. ال دامىعان ەلدەردٸڭ ورتالىق بانكتەرٸ قاتايتۋ كەزەڭٸن باستايدى. مەسەلەن تٷرٸك ليراسى 15,2%-كە, وڭتٷستٸك افريكا راندى 2,7%-كە, چيلي پەسوسى 2,2%-كە ەلسٸرەدٸ. تٷركييادا ليرانىڭ دەۆالۆاتسيياسى ۆاليۋتالىق داعدارىس سيپاتىندا كٶرٸنٸس الۋدا.
"دامۋشى ەلدەردٸڭ نارىقتارىنا قاتىستى سەنتيمەنتتٸڭ ٶزگەرۋٸ اياسىندا بٸز قازاقستاننىڭ مەملەكەتتٸك باعالى قاعازدارىنا بەيرەزيدەنتتەر قىزىعۋشىلىعىنىڭ تٶمەندەگەنٸن بايقاپ وتىرمىز, ولار ايدىڭ باسىنان بەرٸ ينۆەستيتسييالاردى 23 ميلليارد تەڭگەگە نەمەسە پوزيتسييادان 3%-كە قىسقارتتى", - دەيدٸ تۇرسىنحانوۆ.
رەسەي رۋبلٸ دە گەوساياسي تەۋەكەلدەر اياسىندا تەرٸس سەرپٸن كٶرسەتٸپ وتىر. پەنتاگوننىڭ باسپاسٶز حاتشىسى دجون كيربيدٸڭ رەسەي ەسكەرٸنٸڭ ۋكراينامەن شەكارالاس اۋداندارعا كٶشۋٸ تۋرالى مەلٸمدەمەسٸ ينۆەستورلاردىڭ الاڭداۋشىلىعىن تۋدىردى. اقش ەۋروپالىق وداقتاعى ەرٸپتەستەرٸنە رەسەيدٸڭ ۋكرايناعا باسىپ كٸرۋٸ جٶنٸندەگٸ ىقتيمال جوسپارلارى تۋرالى ەسكەرتتٸ جەنە رەسەيدٸ ٶز جوسپارىن تٷسٸندٸرۋگە شاقىردى. قاراشانىڭ باسىنان باستاپ رۋبلدٸڭ اقش دوللارىنا شاققانداعى باعامى 3,1%-كە ەلسٸرەپ, بٸر دوللار ٷشٸن 70,9 رۋبلدەن 73,1 رۋبلگە دەيٸن ەلسٸرەي باستادى.
"جالپى العاندا, تەڭگە ٸرگەلٸ فاكتورلاردىڭ ەسەرٸنەن قالىپتاسادى جەنە ەنەرگييا تاسىمالداۋشىلار نارىعىنداعى جەنە دامۋشى ەلدەر نارىقتارىنداعى نەگٸزگٸ ٷردٸستەردٸڭ سەرپٸنٸن كٶرسەتەدٸ دەپ ايتۋعا بولادى", - دەپ تٷيٸندەدٸ دەپارتامەنت ديرەكتورى.
