كەسٸپورىندار اراسىندا ۇلتتىق بانك جٷرگٸزگەن ساۋالناما نەتيجەسٸ بويىنشا, 2021 جىلدىڭ ٸI توقسانىندا تاۋ-كەن ٶنەركەسٸبٸنەن جەنە كٶلٸك پەن قويمادا ساقتاۋ سالاسىنان بٶلەك بارلىق سالادا دايىن ٶنٸمگە دەگەن سۇرانىستىڭ بٸرشاما ناشارلاعانىن اڭعارۋعا بولادى.
بۇل تۋرالى 2021 جىلدىڭ ٸI توقسانىندا ەكونوميكانىڭ ناقتى سەكتورىنداعى كەسٸپورىنداردا جٷرگٸزٸلگەن ساۋالناما نەتيجەسٸ تۋرالى (سالالىق كونيۋنكتۋرالىق شولۋ) بايانداعان قر ۇلتتىق بانكٸنٸڭ اقشا-كرەديت ساياساتى دەپارتامەنتٸنٸڭ ديرەكتورى جاندوس شايماردانوۆتىڭ تٷسٸندٸرمەسٸنە ايتىلعان.
سۇرانىستىڭ ٶسۋ قارقىنىنىڭ باياۋلاۋى ٶڭدەۋ ٶنەركەسٸبٸندە, ساۋدادا, قۇرىلىستا بايقالدى. اۋىل شارۋاشىلىعى بويىنشا سۇرانىس كٶرسەتكٸشٸ تەرٸس ايماققا اۋىستى. 2021 جىلدىڭ 3-توقسانىندا سۇرانىس ٶسسە, ول تەك اۋىل شارۋاشىلىعىندا ٶسەدٸ دەگەن بولجام بار, ال باسقا سالالاردا ٶسۋ باياۋلاپ, تٸپتٸ تٶمەندەپ كەتۋٸ دە مٷمكٸن.
2021 جىلدىڭ 2-توقسانىندا شيكٸزات, ماتەريالدار مەن دايىن ٶنٸم باعاسىنىڭ ٶسۋ قارقىنى جەدەلدەي تٷسكەنٸ بارلىق سالادا بايقالدى. 2021 جىلدىڭ 3-توقسانىندا باعانىڭ ٶسۋ قارقىنى باياۋلايدى دەپ كٷتٸلۋدە.
«سٶز بولىپ وتىرعان سالالاردا ٶندٸرٸس كٶلەمٸ ۇلعايىپ, ديففۋزييالىق يندەكس ٶسۋ سالاسىنا ٶتتٸ. ٶڭدەۋ ٶنەركەسٸبٸندە ەڭ جوعارى ٶسٸم بار. 2021 جىلدىڭ 3-توقسانىندا بۇل سالادا دا ٶسۋ قارقىنى بەسەڭدەيدٸ دەپ كٷتٸلۋدە»,-دەيدٸ ۇلتتىق بانك ٶكٸلٸ.
ونىڭ دەرەكتەرٸنشە, اتالعان سالالاردا بەسەكەلەستٸكتٸڭ ماڭىزدىلىعى جوعارى دەڭگەيدە, ياعني, بۇرىنعىسىنشا ساقتالىپ وتىر. ساۋدا كەسٸپورىندارى نارىقتىق بەسەكەلەستٸكتٸڭ ىقپالىنان شىعا الار ەمەس, مۇندا كەسٸپورىنداردىڭ 40,1%-ى ٶز بيزنەسٸنە قاتىستى بەسەكەلەستٸكتٸڭ ەسەرٸن سەزدٸ. ٶڭدەۋ ٶنەركەسٸبٸندە مۇنداي كەسٸپورىنداردىڭ ٷلەسٸ 31,6%-عا, كٶلٸك سالاسىندا 25,6%-عا, قۇرىلىس سالاسىندا 24,9%-عا جەتەدٸ. اۋىل شارۋاشىلىعى مەن تاۋ-كەن ٶنەركەسٸبٸندە ەڭ از ٷلەس (تيٸسٸنشە 18,2% جەنە 16,1%) بايقالدى.
كەسٸپورىنداردىڭ ەدەۋٸر بٶلٸگٸ (34,1%) ٷشٸن ولاردىڭ ٸسكەرلٸك بەلسەندٸلٸگٸن تەجەيتٸن باستى كەدەرگٸ قازاقستان ەكونوميكاسىنىڭ جاي-كٷيٸنە قاناعاتتانباۋ بولىپ تابىلادى. بۇل رەتتە ٶڭدەۋ ٶنەركەسٸبٸ مەن ساۋدا سالاسى ٶنٸمگە دەگەن سۇرانىسقا بايلانىستى ەلەۋلٸ پروبلەمالاردى (تيٸسٸنشە 30,9% جەنە 27,6%) باستان كەشٸپ وتىر, اۋىل شارۋاشىلىعى مەن ٶڭدەۋشٸ كەسٸپورىندار بٸلٸكتٸ كادرلاردىڭ تاپشى ەكەنٸن (تيٸسٸنشە 26,8% جەنە 25,2%) العا تارتتى.
كەلەسٸ 12 ايدا بارلىق سالا بويىنشا قارجىلاندىرۋ كٶلەمٸ بۇرىنعى قالپىندا ساقتالادى. بۇل رەتتە ٶڭدەۋ جەنە تاۋ-كەن ٶندٸرۋ ٶنەركەسٸبٸ بارىنشا مولىراق قارجىلاندىرىلىپ, كەرٸسٸنشە, قۇرىلىس پەن ساۋدادا از قارجى بٶلٸنەدٸ دەگەن جوسپار بار.
«ساۋالناماعا بارلىعى 2,6 مىڭنان استام ٶندٸرۋشٸ مەن ٶڭدەۋشٸ ٶنەركەسٸپ, قۇرىلىس, ساۋدا, اۋىل شارۋاشىلىعى, كٶلٸك جەنە قويما ۇستاۋشى كەسٸپورىندار قاتىستى»,-دەلٸنگەن حابارلامادا.
