قر ۇلتتىق بانكٸنٸڭ تٶراعاسى ەربولات دوساەۆ قازاقستان قارجىگەرلەرٸنٸڭ IX كونگرەسٸندە ەكونوميكانى قولداۋ باعدارلامالارىن ٸسكە اسىرۋ جۇمىستارى تۋرالى ايتىپ بەردٸ, دەپ حابارلايدى قازاقپارات.
«ۇلتتىق بانك ەكونوميكانىڭ نەعۇرلىم زارداپ شەككەن سالالارىندا كەسٸپكەرلەردٸ قولداۋ ماقساتىندا كەسٸپكەرلٸك سۋبەكتٸلەرٸن جەڭٸلدٸكپەن كرەديتتەۋ باعدارلاماسىن قارجىلاندىرا باستادى. باعدارلامانى ٸسكە اسىرۋ كەزٸندە 1,5 مىڭنان استام كەسٸپكەرلٸك سۋبەكتٸلەرٸ 1,1 ترلن تەڭگە سومادا قارىز الدى. كٶرٸپ وتىرعانداي, بٷگٸنگٸ كٷنٸ ەكونوميكانىڭ شامامەن بارلىق سەكتورلارى ٶسۋ ايماعىندا تۇر, وسىعان بايلانىستى باعدارلاما وسى جىلعى 31 جەلتوقسانعا دەيٸن اياقتالادى», - دەدٸ ە. دوساەۆ.
ونىڭ ايتۋىنشا, حالىقتى جۇمىسپەن قامتاماسىز ەتٸپ, جۇمىسسىزدىقتىڭ ٶسۋٸنە جول بەرمەۋ ماقساتىندا ۇلتتىق بانك قايتارىمدى نەگٸزدە جەرگٸلٸكتٸ اتقارۋشى ورگانداردى قارجىلاندىرۋ ارقىلى 900 ملرد تەڭگە بولاتىن جۇمىسپەن قامتۋدىڭ جول كارتاسىن ٸسكە اسىرۋعا قاتىستى. بۇل باعدارلاما دا بيىل اياقتالادى.
«ۇزاق مەرزٸمدٸ تۇرعىن ٷيدٸ كرەديتتەۋدٸ ىنتالاندىرۋ ٷشٸن باستالعان «باسپانا حيت» نارىقتىق يپوتەكالىق ٶنٸمٸ دە بيىل اياقتالادى. بٷگٸندە وسى باعدارلاماعا بٶلٸنگەن 600 ملرد جۋىق تەڭگە تولىق يگەرٸلدٸ», - دەپ اتاپ ٶتتٸ سپيكەر.
سونداي-اق, مەملەكەت باسشىسىنىڭ تاپسىرماسىمەن ۇلتتىق بانك 2022 جىلى «قاراپايىم زاتتار ەكونوميكاسى» باعدارلاماسىن جەنە 7-20-25 جەڭٸلدٸگٸ بار يپوتەكا باعدارلاماسىن ٸسكە اسىرۋدى جالعاستىرادى.
«قازٸرگٸ كەزدە «قاراپايىم زاتتار ەكونوميكاسى» اياسىندا 940 ملرد تەڭگەگە قارىز بەرٸلدٸ, «7-20-25» باعدارلاماسى بويىنشا 1 ترلن تەڭگەدەن 400 ملرد تەڭگەدەن استام سوما بٶلٸندٸ», - دەدٸ ەربولات دوساەۆ.
