QR Ulttyq bankiniń tóraǵasy Erbolat Dosaev Qazaqstan qarjygerleriniń IX kongresinde ekonomikany qoldaý baǵdarlamalaryn iske asyrý jumystary týraly aityp berdi, dep habarlaidy QazAqparat.
«Ulttyq bank ekonomikanyń neǵurlym zardap shekken salalarynda kásipkerlerdi qoldaý maqsatynda Kásipkerlik sýbektilerin jeńildikpen kreditteý baǵdarlamasyn qarjylandyra bastady. Baǵdarlamany iske asyrý kezinde 1,5 myńnan astam kásipkerlik sýbektileri 1,1 trln teńge somada qaryz aldy. Kórip otyrǵandai, búgingi kúni ekonomikanyń shamamen barlyq sektorlary ósý aimaǵynda tur, osyǵan bailanysty baǵdarlama osy jylǵy 31 jeltoqsanǵa deiin aiaqtalady», - dedi E. Dosaev.
Onyń aitýynsha, halyqty jumyspen qamtamasyz etip, jumyssyzdyqtyń ósýine jol bermeý maqsatynda Ulttyq bank qaitarymdy negizde jergilikti atqarýshy organdardy qarjylandyrý arqyly 900 mlrd teńge bolatyn Jumyspen qamtýdyń jol kartasyn iske asyrýǵa qatysty. Bul baǵdarlama da biyl aiaqtalady.
«Uzaq merzimdi turǵyn úidi kreditteýdi yntalandyrý úshin bastalǵan «Baspana hit» naryqtyq ipotekalyq ónimi de biyl aiaqtalady. Búginde osy baǵdarlamaǵa bólingen 600 mlrd jýyq teńge tolyq igerildi», - dep atap ótti spiker.
Sondai-aq, Memleket basshysynyń tapsyrmasymen Ulttyq bank 2022 jyly «Qarapaiym zattar ekonomikasy» baǵdarlamasyn jáne 7-20-25 jeńildigi bar ipoteka baǵdarlamasyn iske asyrýdy jalǵastyrady.
«Qazirgi kezde «Qarapaiym zattar ekonomikasy» aiasynda 940 mlrd teńgege qaryz berildi, «7-20-25» baǵdarlamasy boiynsha 1 trln teńgeden 400 mlrd teńgeden astam soma bólindi», - dedi Erbolat Dosaev.
