قر ۇلتتىق بانكٸ تٶراعاسىنىڭ ورىنباسارى ەلييا مولدابەكوۆا اقپان ايىندا ۇلتتىق قوردان اۋدارىمدار تۋرالى مەلٸمەتتەردٸ جارييالادى. سونداي-اق ۇلتتىق بانكتٸڭ التىن ساتىپ الۋ جوسپارلارى تۋرالى ايتىپ بەردٸ, دەپ حابارلايدى "ۇلت اقپارات".
«اقپان ايىندا ۇلتتىق قوردان بيۋدجەتكە الىناتىن ترانسفەرت 263 ملرد تەڭگەنٸ قۇرادى. كەپٸلدەندٸرٸلگەن ترانسفەرتتٸ قامتاماسىز ەتۋ ٷشٸن 462,5 ميلليون دوللار نەمەسە 175 ميلليارد تەڭگە ساتىلدى. بارلىق كٶلەمدٸ بٸر ايدىڭ ٸشٸندە بيرجادا ساتتىق», - دەدٸ ۇلتتىق بانك تٶراعاسىنىڭ ورىنباسارى.
سونداي-اق, ول ۆاليۋتالىق ينتەرۆەنتسييانىڭ ەسەرٸ تۋرالى ايتتى.
«الدىن الا مەلٸمەتتەر بويىنشا, رەزەرۆتەر بٸر ايدا 550 ملن دوللارعا ارتىپ, 29,9 ملرد دوللاردى قۇرادى. قورلاردىڭ ۆاليۋتالىق بٶلٸگٸ 104 ملن دوللاردان 9,6 ملرد دوللارعا تٶمەندەدٸ. بۇل التىن پورتفەلٸنٸڭ قۇنىن 658 ملن دوللاردان 20,3 ملرد دوللارعا دەيٸن ۇلعايتۋمەن تولىقتى. ٶز كەزەگٸندە, التىن اكتيۆتەرٸ 1580 دوللاردان 1626 دوللارعا دەيٸن ٶستٸ. بۇل ەلەمدٸك ەكونوميكانىڭ باياۋلاۋىنا جەنە تازارتىلعان التىننىڭ فيزيكالىق كٶلەمٸنٸڭ 1,7 تونناعا ارتۋىنا بايلانىستى بولدى», - دەدٸ ەلييا مولدابەكوۆا.
اقپان ايىندا جەرگٸلٸكتٸ ٶندٸرۋشٸلەردەن 3,6 تونناعا جۋىق التىن ساتىپ الىندى, ونىڭ ٸشٸندە جاڭا تۇجىرىمداما اياسىندا 1,9 توننا ۇلتتىق قورعا ساتىلدى.
«ٶزٸمٸزدٸڭ ەلدە ٶندٸرٸلگەن التىندى ساتىپ الۋدى جالعاستىرامىز. 2019 جىلى شامامەن 57 توننا التىن ساتىپ الىندى, بيىل 60 تونناعا جۋىعىن ساتىپ الۋدى جوسپارلاپ وتىرمىز. ەلەمدٸك قارجى نارىعىنداعى بەلگٸسٸزدٸك جاعدايىندا قازٸر التىن حالىقارالىق رەزەرۆتەردٸڭ ساقتالۋىن قامتاماسىز ەتەتٸن قاۋٸپسٸز اكتيۆتٸڭ بٸرٸ ەكەنٸن كٶرسەتەدٸ», - دەدٸ ە.مولدابەكوۆا.
سونىمەن قاتار, ول التىن ۆاليۋتا اكتيۆتەرٸ مەن ۇلتتىق قورعا ارنالعان ينۆەستيتسييالىق ستراتەگييالاردىڭ جوباسى تۋرالى ايتىپ بەردٸ.
«التىن ۆاليۋتا اكتيۆتەرٸ تۇرعىسىنان العاندا اقش دوللارىنىڭ ٷلەسٸ 52% -دان 62% دەيٸن ٶستٸ. بۇل كورەي ۆونى مەن جاپون يەناسىنا سالىنعان ينۆەستيتسييالاردىڭ ازايۋىنا بايلانىستى بولىپ وتىر. جاڭا ۆاليۋتانى بٶلۋ تەۋەكەلدٸڭ قالىپتى دەڭگەيٸندە اكتيۆتەردٸڭ كٸرٸستٸلٸگٸن ارتتىرادى. ۇلتتىق قور جيناق پورتفەلٸنٸڭ 1% دەيٸن قىتايدىڭ مەملەكەتتٸك وبليگاتسييالارىن ينۆەستيتسييالاۋدى جوسپارلاپ وتىر. يۋان ەلەمدٸك كاپيتال نارىعىنىڭ اجىراماس بٶلٸگٸنە اينالۋدا. ەلەمدٸك يندەكستەرگە قىتايدىڭ باعالى قاعازدارىن قوسۋ ينستيتۋتسيونالدى ينۆەستورلار تاراپىنان سۇرانىستىڭ ارتۋىنا ەكەلۋٸ مٷمكٸن. بۇل ٶزگەرٸستەر رەنتابەلدٸلٸكتٸ ارتتىرىپ قانا قويماي, اكتيۆتەردٸ ستراتەگييالىق بٶلۋدٸ وڭتايلاندىرادى», - دەدٸ ۇلتتىق بانك تٶراعاسىنىڭ ورىنباسارى.
