قىركٷيەكتٸڭ باسىنان بەرٸ 22 ەل نەگٸزگٸ ستاۆكانى ٶسٸرگەن. بۇل تۋرالى ٷكٸمەت وتىرىسىندا ەلدٸڭ اقشا-كرەديت ساياساتى تۋرالى مەلٸمەت بەرگەن قر ۇلتتىق بانكٸنٸڭ تٶراعاسى ەربولات دوساەۆ ايتتى, دەپ حابارلايدى قازاقپارات.
ونىڭ ايتۋىنشا, ەلەم ەكونوميكاسىنىڭ جىلدام قالپىنا كەلۋٸ فيسكالدىق ىنتالاندىرۋلار مەن جەڭٸل اقشا-كرەديت تالاپتارى ەسەبٸنەن مٷمكٸن بولىپ وتىر. بٸراق سونىڭ سالدارىنان شيكٸزات قىمباتتاپ جاتىر.
«بيىلعى تامىزدا قىتاي مەن دامىعان ەلدەردٸڭ سۇرانىسى بازالىق مەتالداردىڭ باعاسىن 42,6%-كە قىمباتتاتىپ, سونىڭ ەسەرٸنەن ٶنەركەسٸپتٸك شيكٸزات قۇنى 38,5%-كە ٶستٸ. وسى كەزەڭدە اۋىل شارۋاشىلىعى شيكٸزاتى 22,7%-كە قىمباتتادى.
ال قىركٷيەكتە ٶسٸمدٸك مايى, دەندٸ داقىلدار, سٷت ٶنٸمدەرٸ مەن قانت باعاسىنىڭ كٶتەرٸلۋٸ نەتيجەسٸندە فاو (بۇۇ-نىڭ ازىق-تٷلٸك جەنە اۋىل شارۋاشىلىعى ۇيىمى-رەد.) تٸزبەسٸندەگٸ ازىق-تٷلٸك باعالارىنىڭ يندەكسٸ 130,0-عا دەيٸن ٶستٸ. بٸر جىل ٸشٸندە فاو يندەكسٸ 32,8%-كە ٶستٸ», - دەدٸ ەربولات دوساەۆ.
ونىڭ ايتۋىنا قاراعاندا, ەلەمدە ينفلياتسييالىق قىسىمنىڭ ٶسۋٸ دامىعان ەلدەردٸ دە اقشا-كرەديت ساياساتىن كٷشەيتۋگە مەجبٷرلەي باستاعان.
«وسى جىلعى 22 قىركٷيەكتەگٸ وتىرىسىندا فەدەرالدىق رەزەرۆتەر جٷيەسٸ ستاۆكانى 2023 جىلدىڭ ورنىنا 2022 جىلدىڭ ٶزٸندە بارىنشا ەرتە ارتتىرۋ مەسەلەسٸن تالقىلادى. ەۋروپا ورتالىق بانكٸ ەۋرووداقتا ينفلياتسييانىڭ كيٸنگٸ 13 جىلداعى ەڭ جوعارى كٶرسەتكٸشكە دەيٸن – 3,4%-كە, ونىڭ ٸشٸندە گەرمانييادا 28 جىلداعى ەڭ جوعارى كٶرسەتكٸشكە دەيٸن – 4,1%-كە, فرانتسييادا 10 جىلدىق ەڭ جوعارى كٶرسەتكٸشكە دەيٸن – 2,7%-كە جەدەلدەتٸپ, وبليگاتسييالاردى ساتىپ الۋ كٶلەمٸن قىسقارتۋدا.
وسى جىلعى قىركٷيەكتٸڭ باسىنان باستاپ 22 ەل نەگٸزگٸ ستاۆكانى ٶسٸردٸ. ونىڭ ٸشٸندە رەسەيدە تاعى دا ينفلياتسييا بيىلعى جىلعى قىركٷيەكتە 5 جىلداعى ەڭ جوعارى كٶرسەتكٸشكە دەيٸن 7,4%-كە ٶسٸپ, مٶلشەرلەمە 6,75%-كە دەيٸن ۇلعايدى. جاڭا زەلاندييا مەن نورۆەگييانىڭ ورتالىق بانكتەرٸ دە نەگٸحگٸ مٶلشەرلەمەنٸ 25 بازالىق تارماققا ارتتىردى», - دەدٸ ۇلتتىق بانك تٶراعاسى.
