ۇلتتىق بانك ينفلياتسييانى ماقساتتى دەلٸزگە قالاي جەنە ەڭ باستىسى قاشان قايتارادى? ەلٸمٸزدە اقشا-كرەديت ساياساتى كٷشەيتٸلە مە? بۇل سۇراققا قر ۇلتتىق بانكٸ تٶراعاسىنىڭ ورىنباسارى اقىلجان بايماعامبەتوۆ قازاقپارات تٸلشٸسٸنە بەرگەن ەكسكليۋزيۆتٸ سۇحباتىندا جاۋاپ قاتتى.
«ينفلياتسييانى ماقساتتى دەلٸزگە قايتارۋ ٷشٸن بٸزگە بٸر مەزگٸلدە ەكٸ باعىت بويىنشا ەرەكەت ەتۋ قاجەت. بٸرٸنشٸدەن, بۇل – ۇلتتىق بانكتٸڭ ورتا مەرزٸمدٸ كەلەشەكتە ينفلياتسييا بويىنشا ماقساتتى كٶرسەتكٸشتەرگە قول جەتكٸزۋگە بارىنشا كٷش سالۋى. ينفلياتسييانى جوسپارلى تٷردە تٶمەندەتۋ ٷشٸن ۇلتتىق بانك پايىزدىق ساياساتقا باسا نازار اۋدارا وتىرىپ اقشا-كرەديت ساياساتىن جالعاستىرادى. ۇلتتىق بانكتٸڭ پايىزدىق ساياساتى نارىقتىق مٶلشەرلەمەلەردٸ بازالىق مٶلشەرلەمەنٸڭ پايىزدىق دەلٸزٸ شەگٸندە ۇستاپ تۇرۋعا باعىتتالادى»,- دەدٸ ا. بايماعامبەتوۆ سۇحبات بەرە وتىرىپ.
سونداي-اق, تٶراعا ورىنباسارى ۇلتتىق بانكتە اقشا نارىعىنداعى پايىزدىق مٶلشەرلەمەلەردٸ رەتتەۋگە ارنالعان اقشا-كرەديت ساياساتى قۇرالدارىنىڭ تۇتاس جيىنتىعى بارىن ايتتى.
«ونىڭ ٸشٸندە بازالىق مٶلشەرلەمە نەگٸزگٸسٸ بولىپ وتىر. قازٸرگٸ ۋاقىتتا پايىزدىق ارنانىڭ ينفلياتسييالىق پروتسەستەرگە ەسەرٸ ەلٸ دە شەكتەۋلٸ ەكەنٸن مويىنداۋ كەرەك جەنە بٸز ونىڭ تيٸمدٸلٸگٸن ارتتىرۋعا ۇمتىلامىز. اقشا-كرەديت ساياساتىنىڭ 2030 جىلعا دەيٸنگٸ ستراتەگيياسىندا بٸز مونەتارلىق نەگٸزدەردٸ كٷشەيتۋگە, قارجى نارىعىن دامىتۋعا باعىتتالعان بٸرقاتار باستامالاردى جەنە ماكروەكونوميكالىق ساياساتتىڭ تيٸمدٸلٸگٸن ارتتىرۋ ٷشٸن قۇرىلىمدىق رەفورمالاردى كٶزدەدٸك. ەكٸنشٸ باعىت - بۇعان دەيٸن ايتقانىمىزداي, نەگٸزٸنەن اقشا-كرەديت ساياساتىنىڭ ىقپالىنان تىس جاتقان ۇسىنىس جاعىنان كٶپتەگەن فاكتورلار بار», - دەيدٸ ول.
ونىڭ سٶزٸنشە, ينفلياتسييانىڭ نىسانالى كٶرسەتكٸشٸنە قول جەتكٸزۋ ٷشٸن ٷكٸمەت تاراپىنان جٷيەلٸ شارالاردى قابىلداۋ تالاپ ەتٸلەدٸ.
ودان بٶلەك, ا. بايماعامبەتوۆ ەكونوميكانى ەرتاراپتاندىرۋ, تۇتىنۋ نارىعىن وتاندىق تاۋارلارمەن تولتىرۋ, شيكٸزاتقا جاتپايتىن ەكسپورتتى كەڭەيتۋ, سونداي-اق فيسكالدىق تەرتٸپتٸ ارتتىرۋ مٸندەت ەكەنٸن باسا ايتتى.
جەنە ۇلتتىق بانك ٶكٸلٸ ينفلياتسيياعا قارسى ەرەكەت ەتۋ شارالارى كەشەنٸن قابىلداۋ جۇمىسى مەملەكەت باسشىسىنىڭ بيىلعى 10 شٸلدەدە ٷكٸمەتتٸڭ كەڭەيتٸلگەن وتىرىسىندا بەرگەن تاپسىرماسىنا سەيكەس جٷرگٸزٸلٸپ جاتقانىن العا تارتتى.
«ٷكٸمەت پەن ۇلتتىق بانكتٸڭ تيٸستٸ شارالاردى بٸرلەسٸپ ٸسكە اسىرۋى – باعا ٶسٸمٸن باقىلاۋدى كٷشەيتۋگە جەنە 2022 جىلى ينفلياتسييانى ماقساتتى دەلٸز دەڭگەيٸنە دەيٸن تٶمەندەتۋگە مٷمكٸندٸك بەرەدٸ. بۇل رەتتە مەملەكەت باسشىسى تاپسىرعان بٸزدٸڭ ورتا مەرزٸمدٸ مٸندەتٸمٸز – 2025 جىلى 3-4% ينفلياتسيياعا قول جەتكٸزۋ», - دەيدٸ ۇلتتىق بانك باسشىسىنىڭ ورىنباسارى.
