بٷگٸن ورتالىق كوممۋنيكاتسييالار قىزمەتٸندە ەلٸمٸزدٸڭ تانىمال دەستٷرلٸ ەنشٸلەرٸ, جىرشى-تەرمەشٸلەرٸ مەن كٷيشٸلەرٸن توعىستىراتىن «ۇلى دالا سازى» اتتى جاڭا جوبانىڭ تانىستىرىلىمى ٶتتٸ.
باسپاسٶز مەجٸلٸسٸنە «قازاقستان» تەلەراديوكورپوراتسيياسىنىڭ باسقارما تٶراعاسى ەرلان قارين, قر ەڭبەك سٸڭٸرگەن قايراتكەرٸ, تەرمەشٸ, ەنشٸ ايگٷل ەلشٸباەۆا, قر ەڭبەك سٸڭٸرگەن قايراتكەرٸ, ەنشٸ ەرلان رىسقالي, قر ەڭبەك سٸڭٸرگەن قايراتكەرٸ, كٷيشٸ جانعالي جٷزباي قاتىستى.
مۋزىكالىق جوبانىڭ ماقساتى - اتادان-بالاعا مۇرا بولىپ كەلە جاتقان تٶل ٶنەرٸمٸز دەستٷرلٸ ەن, جىر-تەرمەلەردٸ, كٷيلەردٸ ودان ەرٸ دامىتىپ, ٶسكەلەڭ ۇرپاققا جەتكٸزۋ.
باسقارما تٶراعاسى ەرلان قارين: «ەر حالىقتىڭ رۋحاني, مەدەني ەلەمٸ بٸرٸنشٸ كەزەكتە دەستٷرلٸ ٶنەرٸنەن تانىلادى. دەستٷرلٸ ەن, تەرمە, كٷي بۇل بٸزدٸڭ اتا-بابالارىمىزدىڭ عاسىردان عاسىرعا جالعاسىپ كەلە جاتقان مەڭگٸلٸك ٷنٸ, شەجٸرەسٸ. ۇلتتىق ٶنەرٸمٸزدٸ بٷگٸنگٸ جەنە بولاشاق ۇرپاققا ناسيحاتتاۋ, رۋحاني مۇرا رەتٸندە ساقتاۋ بٸزدٸڭ پارىزىمىز. ۇلتتىق ارنادان جاقىندا شىعاتىن «ۇلى دالا سازى» جوباسى كٶرەرمەندەرٸمٸزدٸڭ ەستەتيكالىق تالعامى مەن دٷنيەتانىمىنىڭ دامۋىنا ٶز ٷلەسٸن قوساتىن بٸرەگەي جوبا بولاتىنى سٶزسٸز. جالپى مۋزىكالىق جوبا 17 كونتسەرتتەن تۇرادى, ۋزاقتىعى 1 ساعات. ۇلتتىق ارنادان 13 قاڭتاردان باستاپ, 28 شٸلدەگە دەيٸن اپتاسىنا بٸر رەت ەر جەكسەنبٸ كەشكٸ ساعات 21.05-تە كٶرسەتٸلەتٸن بولادى. «ۇلى دالا سازى» جوباسى 2018 جىلدىڭ قاراشا ايىندا تٷسٸرٸلگەن بولاتىن, بۇل جوبادا 177 شاقتى شىعارما جازىلىپ, ەلٸمٸزدٸڭ بارلىق ايماقتارىنان 91 ٶنەرپاز قاتىستى. ونىڭ ٸشٸندە 16 تەرمەشٸ, 34 كٷيشٸ, 39 ەنشٸ, 2 جىرشى ٶز ٶنەرٸن كٶرسەتتٸ. ەندٸگٸ كەزەكتە, وسى جىلدىڭ ناۋرىز ايىنىڭ باسىندا بٸرٸنشٸ تٷسٸرٸلٸمگە قاتىسا الماعان بٸرقاتار ٶنەرپازداردى تاعى دا تاسپاعا تٷسٸرۋدٸ جوسپارلاپ وتىرمىز. ەڭ باستىسى, بۇل جوباداعى بارلىق شىعارمالار «Qazaqstan» ۇلتتىق ارناسىنىڭ «التىن قورىنا» ەنەتٸن بولادى», - دەدٸ.
ايتا كەتەيٸك, ۇلتتىق ارناداعى «ۇلى دالا سازى» جوباسىنا ەلٸمٸزدٸڭ دەستٷرلٸ ٶنەر مايتالماندارى سەكەن تۇرىسبەكوۆ, قاجىبەك بەكبوسىنوۆ, بٸلەل ىسقاقوۆ, رامازان ستامعازيەۆ, سەۋلە جانپەيٸسوۆا جەنە ت.ب قاتىسادى. مۋزىكالىق جوبادا قازاق حالقىنىڭ ەندەرٸ مەن قازاق كومپوزيتورلارىنىڭ شىعارمالارى ورىندالاتىن بولادى.
