بۇل شوۋلار وسىلاي جالعاسا بەرە مە?
قازٸر تەلەارنا باعدارلامالارىنىڭ دەنٸ – شوۋ. شوۋدان ٶزگە باعدارلاما جوباسىن اپارساڭ ٸلۋدە بٸرٸ بولماسا ٸسكە اسپايدى. ال, شوۋدىڭ قانداي تٷرٸن اپارساڭ دا قانىن جەرگە تامىزباي ٸلٸپ ەكەتەدٸ. سول ٷشٸن سٸزبەن بٸزدٸڭ ٷيدەگٸ كٶك ساندىقتى اشىپ قالساق – بٸر ەرتٸستٸڭ ٸشكەن-جەگەنٸ, كٷلگەن-جٷرگەنٸ جايلى قىزىلشەكە تارتىس بولىپ جاتادى نەمەسە ورتاعا بٸر مەسەلەنٸ كٶلدەنەڭ سالىپ قويادى دا, ەكٸ جاققا بٶلٸنٸپ الىپ قىزىلٶڭەش داۋدى ساپىرادى-اي كەپ!
باعدارلامانىڭ سيپاتى شوۋ بولعاسىن مٸندەتتٸ تٷردە تارتىس بولۋى كەرەك. شوۋدىڭ شارتى – مىڭ ادام – مىڭ پٸكٸر. ول دۇرىس پا, تەرٸس پە ەسەپ ەمەس. تەك بٸرٸڭدٸ-بٸرٸڭ قايتالامايسىڭ, قارسى شىعاسىڭ.
مىسالى, ورتاعا كەدٸمگٸ اس ٸشەتٸن قاسىقتى تاستاپ قويدى دەلٸك, شوۋعا جينالعانداردىڭ بٸرٸ توبى ونى قاسىق دەپ اقيقي مەنٸن ايتسا, قالعانى ونى تەرٸسكە شىعارادى. ٶيتپەسە, شوۋ باعدارلاما شارتى بۇزىلادى.
دەل وسى تۇستا بٸلٸكتٸسٸ دە, بٸلٸمسٸزٸ دە بٸر-بٸرٸنە قارسى شابادى. ەكەسٸندەي كٸسٸگە بالا, بالاسىنداي كٸسٸگە ەكە سٶز بەرمەي, قىجىرتىپ, قىڭىرلاتىپ جۇرتتى بٸر كٷلدٸرٸپ, شاپالاق سوقتىرىپ تاستاسا, جەڭگەن يتتەي قۇيرىعىن قايقايتىپ, بەت-جٷزٸ البىراپ تويات تابا قالادى. ونىمەن دە توقتامايدى, كەلەسٸ بٸرٸ «بۇل قاسىق ەمەس, كٷرەكتٸڭ كٸشٸرەيگەن تٷرٸ, مۇنى بۇرىن ەسكٸ دەۋٸردە بٸر عالىم… بٸردەڭە دەگەن…» وسىلاي كەتە بەرەدٸ. مۇندايدا 50 جاستاعى عالىم بٸلٸمدٸلٸگٸنەن نە پايدا? 15 جاستاعى وقۋشىنىڭ بٸلمەيتٸندٸگٸنەن نە زييان? ويلانىپ قالادى ەكەنسٸڭ.
شوۋدى جٷرگٸزۋشٸلەر (ارنايى جاتتىققان ادام) جالىنى قايتقان شالانىڭ شوعىن قاعىستىرىپ كٶسەپ-كٶسەپ جٸبەردٸ. شوق ونان سايىن قىزارىپ, جالىنداپ كەتە جازداپ ەزەر تۇر.
سونىمەن نە دەيٸك, اقىرى باعدارلاماعا بەرٸلگەن ۋاقىت تا اياقتايدى. جارق-جۇرق ەتٸپ ەكران جابىلادى. جەۋدٸرەپ وتىرعان كٶرەرمەننٸڭ حالٸ نە بولدى? ەلگٸ تالقىعا تٷسكەن زاتىمىز قاسىق بولدى ما, كٷرەك پە, وجاۋ ما, ەلدە سىپىرعىش پا?
ەندٸ قىزىقتى قاراڭىز, قاسىقتى قاسىق دەپ تانيتىن بەيۋاز كٶرەرمەننٸڭ حالٸ نە بولدى? اڭ-تاڭ. تەلەديدارعا شىعىپ سٶيلەگەن كٸسٸلەردٸڭ بەرٸ بەكەر ادامدار ەمەس شىعار, شىنىدا بۇل ٶزٸ قاسىق پا? جوق انا بٸر كٸسٸنٸكٸ قيسىندى ما? قاراپتان قاراپ وتىرىپ باس قاتىراتىن مەسەلە شىقتى… مٸنە, كٶرەرمەننٸڭ ۋاقىتىن الىپ, الداندىرۋ.
قاسىقتىڭ كٷرەك ەمەس ەكەنٸ شىندىق. ەندەشە نەگە باس قاتىرۋ كەرەك?
قازاق ايتادى, «ٶتٸرٸكتٸڭ ٶزٸنە سەنبەيدٸ, ەبٸنە سەنەدٸ» -دەپ. مىڭ-ميلليون ٶتٸرٸك, بٸر اقيقاتتى بٷركەمەلەپ ەلەك...
ۇلاربەك نۇرعالىمۇلىنىڭ فەيسبۋكتەگٸ جازباسىنان
