ۇلاندىق پەن پوليتسييا قىزمەتكەرلەرٸ وتقا ورانعان كوتتەدجدەن 15 ادامدى الىپ شىقتى, دەپ حاباارلايدى "ۇلت اقپارات" قر ۇلتتىق ۇلانىنىڭ باسپاسٶز قىزمەتٸنە سٸلتەمە جاساپ.
ەسكەري قىزمەتشٸ تٷنگٸ كەزەكشٸلٸكتەن ٷيٸنە قايتىپ بارا جاتقان جولدا ٷش قاباتتى كوتتەجدٸڭ تٶبەسٸنەن قويۋ تٷتٸندٸ بايقايدى.
«22 سەۋٸر ساعات 02.30 شاماسىندا ۇلتتىق ۇلان 6697 ەسكەري بٶلٸمٸ جەدەل ماقساتتاعى باتالونىنىڭ ەسكەري جاساق باستىعى كٸشٸ سەرجانت ماقسات بورامباەۆ قوعامدىق تەرتٸپ پەن قاۋٸپسٸزدٸكتٸ كٷزەتۋ بويىنشا قىزمەتتەن كەيٸن ٷيٸنە بارا جاتقان. التىنسارين كٶشەسٸندە ۇلاندىق بۋداقتاعان قارا تٷتٸندٸ بايقايدى»,- دەلٸنگەن حابارلامادا.
102 نٶمٸرٸنە حابارلاپ, ەسكەري قىزمەتشٸ پوليتسييا قىزمەتكەرلەرٸمەن بٸرگە ٷي تۇرعىندارىن ەۆاكۋاتسييالاۋعا كٸرٸستٸ.
- باستاپقىدا مەن بٸرەۋلەر دالادا وت جاعىپ وتىر ما دەپ ويلادىم. جاقىنداي كەلە تٷتٸن كوتتەدجدٸڭ دەل شاتىرىنان شىعىپ جاتقانىن كٶردٸم. وقيعا ورنىندا پوليتسييا قىزمەتكەرلەرٸ جٷر ەكەن, ولار ٷيدٸڭ اۋلاسىنا كٸرە الماي تۇرعانىن بايقادىم. قول كٷشٸن پايدالانۋ ارقىلى بٸرەۋٸن ٸشكە كٸرگٸزدٸك. ول قاقپانىڭ ارعى بەتٸنەن بٸزگە ەسٸكتٸ اشتى. بٸز تەز ارادا ٷيگە كٸردٸك. وندا 15 ادام, ونىڭ ٸشٸندە 2 جاسار بالا بار بولىپ شىقتى. ەۆاكۋاتسييالاۋ كەزٸندە ٷيدٸڭ ٷشٸنشٸ قاباتى تولىعىمەن جانىپ جاتتى, وندا ەكٸ ادام ەس-تٷسسٸز جاتقان. بٸز ولاردى جانىپ جاتقان ٷيدەن دەر كەزٸندە الىپ شىقتىق. ابىروي بولعاندا, ەشكٸم زارداپ شەكپەدٸ. ٶرت سٶندٸرۋشٸلەر كەلگەنشە بٸز تٸلسٸز جاۋدى ٶز كٷشٸمٸزبەن سٶندٸرگٸمٸز كەلدٸ, الايدا جالىن ۇلعايىپ كەتكەننەن سوڭ اۋىزدىقتاي المادىق», - دەدٸ ۇلاندىق.
