Ulandyq pen politsiia qyzmetkerleri otqa oranǵan kottedjden 15 adamdy alyp shyqty, dep habaarlaidy "Ult aqparat" QR Ulttyq ulanynyń baspasóz qyzmetine silteme jasap.
Áskeri qyzmetshi túngi kezekshilikten úiine qaityp bara jatqan jolda úsh qabatty kottejdiń tóbesinen qoiý tútindi baiqaidy.
«22 sáýir saǵat 02.30 shamasynda Ulttyq ulan 6697 áskeri bólimi jedel maqsattaǵy batalonynyń áskeri jasaq bastyǵy kishi serjant Maqsat Borambaev qoǵamdyq tártip pen qaýipsizdikti kúzetý boiynsha qyzmetten keiin úiine bara jatqan. Altynsarin kóshesinde ulandyq býdaqtaǵan qara tútindi baiqaidy»,- delingen habarlamada.
102 nómirine habarlap, áskeri qyzmetshi politsiia qyzmetkerlerimen birge úi turǵyndaryn evakýatsiialaýǵa kiristi.
- Bastapqyda men bireýler dalada ot jaǵyp otyr ma dep oiladym. Jaqyndai kele tútin kottedjdiń dál shatyrynan shyǵyp jatqanyn kórdim. Oqiǵa ornynda politsiia qyzmetkerleri júr eken, olar úidiń aýlasyna kire almai turǵanyn baiqadym. Qol kúshin paidalaný arqyly bireýin ishke kirgizdik. Ol qaqpanyń arǵy betinen bizge esikti ashty. Biz tez arada úige kirdik. Onda 15 adam, onyń ishinde 2 jasar bala bar bolyp shyqty. Evakýatsiialaý kezinde úidiń úshinshi qabaty tolyǵymen janyp jatty, onda eki adam es-tússiz jatqan. Biz olardy janyp jatqan úiden der kezinde alyp shyqtyq. Abyroi bolǵanda, eshkim zardap shekpedi. Órt sóndirýshiler kelgenshe biz tilsiz jaýdy óz kúshimizben sóndirgimiz keldi, alaida jalyn ulǵaiyp ketkennen soń aýyzdyqtai almadyq», - dedi ulandyq.
