«ۋكرايندىقتارعا انا تٸلٸ ساۋىت پەن قىلىش سيياقتى» - سۆەتلانا لوبودامەن ەكسكيۋزيۆ سۇحبات

فوتو: سۆەتلانا لوبودانىڭ جەكە مۇراعاتىنان

قازٸر سۆەتلانا لوبودا ٶز تىڭدارماندارىن قۋانتىپ, جاڭا ەندەر جازىپ, گوسترولدٸك ساپارلارعا شىعىپ, كونتسەرت بەرٸپ تۇرادى. جاقىندا سۆەتلانانىڭ "ليۋبوۆ دو كونتسا سۆەتا" دەگەن جاڭا ەنٸ شىقتى. 

ورايى تۋىپ, سۆەتلانا لوبودا ULT.KZ تٸلشٸسٸنە شىعارماشىلىعى مەن قازاقستان تۋرالى پٸكٸرٸن ايتىپ, سۇحبات بەردٸ.

سۆەتلانا سەرگەەۆنا, سٸز ٶزٸڭٸزدٸڭ تۋعان كٷنٸڭٸزدە "ليۋبوۆ دو كونتسا سۆەتا" دەپ اتالاتىن جاڭا كٷزگٸ حيتٸڭٸزبەن تانىستىردىڭىز. ايتىڭىزشى, قازٸر سٸز ٷشٸن كٸم نەمەسە نە "جارىق دٷنيەنٸڭ سوڭىنا دەيٸن ماحاببات" جەنە ەن كٸمگە ارنالادى?

ماحاببات مٸندەتتٸ تٷردە بەلگٸلٸ بٸر ادام تۋرالى ەمەس, بۇل ٸشكٸ كٷي دەپ ايتار ەدٸم. ول سٸزدٸڭ ٸشٸڭٸزگە كٸرٸپ, بويىڭىزعا تارايتىن سەزٸم.

“ليۋبوۆ دو كونتسا سۆەتا” دەپ اتالاتىن كٷزگٸ سينگل ٶمٸردە بولاتىن كەز كەلگەن جاعدايدان مىقتىراق سەزٸم تۋرالى. ول - بٷتكٸل ەلەم كٶز الدىمىزدا قيراپ جاتقاندا بٸزبەن بٸرگە قالاتىن سەزٸم. ول بٸزدٸ العا جەتەلەيتٸن ەنەرگييا سيياقتى نەمەسە بارلىعى جوق بولىپ كەتكەندە قالاتىن سىعىرايعان جارىق سەۋلەسٸ ٸسپەتتەس... كٷرەس پەن اۋىرتپاشىلىق  جەنە بۇل ٶمٸردە بارلىعى ساعان قارسى سيياقتى كٶرٸنگەندە ٸشٸڭنەن تابىلاتىن كٷش تۋرالى. بۇل ەن دەل مەن سيپاتتاپ وتىرعانداي ماحاببات جايىندا — ەشقانداي تالاپسىز, سوڭىنا دەيٸن... مەنٸڭ ويىمشا, ەسٸرەسە بٸزدٸڭ دەۋٸرٸمٸزدە مۇنى سەزٸنۋ ٶتە ماڭىزدى.  

فوتو: سۆەتلانا لوبودانىڭ جەكە مۇراعاتىنان

«مەنٸڭ جاڭا نۇسقام – ٶزٸمنٸڭ جەنە ەلەم الدىنداعى ادالدىق تۋرالى»

 «ەر ەرتٸستٸڭ ٶمٸرٸندە ٶسۋٸ ٷشٸن ٶزٸنٸڭ جاڭا نۇسقاسىن ەلەمگە تانىستىرۋى قاجەت بولاتىن سەت تۋىندايدى. قازٸر مەنٸڭ شىعارماشىلىعىمدا دەل وسى كەزەڭ» -دەپ جازىپسىز ينستاگرام پاراقشاڭىزدا.  سٸزدٸڭ جاڭا نۇسقاڭىز قانداي? بٸز سوعىس ادامنىڭ بولمىسىنا ەسەر ەتەتٸنٸن بٸلەمٸز, بٸراق ول سٸزدٸڭ ساناڭىزعا قالاي ەسەر ەتتٸ جەنە شىعارماشىلىق مانسابىڭىزدى جالعاستىرۋعا كٷش-قايراتتى قايدان الدىڭىز?  

ادامعا كٷش-قايرات سىرتتان كەلمەيدٸ. ول سٸزدٸ سىندىرۋى كەرەك سيياقتى كٶرٸنەتٸن, بٸراق سىندىرا المايتىن جاعدايمەن بەتپە-بەت كەلگەن كەزدە پايدا بولادى. وسىنداي سەتتەردە ٶزٸڭنٸڭ شىنايى جٷرەتٸن جولىڭدى ناقتى تٷسٸنەسٸڭ. تٸپتٸ اينالاڭنىڭ بەرٸ قارا تٷنەك سيياقتى كٶرٸنسە دە, سەن ارى قاراتاي جٷرە بەرەسٸڭ, سەبەبٸ باسقاشا جاساي المايسىڭ. مەنٸڭ جاڭا نۇسقام – ٶزٸمنٸڭ جەنە ەلەم الدىنداعى ادالدىق تۋرالى. مەنٸڭ كٷشٸم – وتباسىم, جاقىندارىم, سوسىن ەرينە جانكٷيەرلەرٸم.

فوتو: سۆەتلانا لوبودانىڭ جەكە مۇراعاتىنان

«تٸل – مىقتى قۇرال»

سوعىسقا دەيٸن ۋكراينالىقتاردىڭ كٶبٸ ورىسشا سٶيلەيتٸن, قازٸر ۋكراين تٸلٸندە سٶيلەيدٸ. ۋكراينا حالقىنا جەنە سٸز ٷشٸن انا تٸلٸنٸڭ قۇندىلىعى قانداي? 

بۇل ۇلتتىق بٸرەگەيلٸكتٸڭ ٶتە ماڭىزدى اتريبۋتى ەكەنٸ سٶزسٸز. ۋكراينا حالقى ٷشٸن انا تٸلٸ ساۋىت پەن قىلىش سيياقتى. ۋكراين تٸلٸن بٸلەمٸن جەنە ٶتە قاتتى جاقسى كٶرەمٸن, ول تٸلدە ٶز كوماندامنىڭ ابىرويى ٷشٸن سٶيلەيمٸن.  

قازاقستاندا دا باسقا بۇرىنعى سوۆەت ٷكٸمەتٸنٸڭ قۇرامىندا بولعان ەلدەر سيياقتى ورىس تٸلٸندە كٶپ سٶيلەيدٸ. تٸلدٸڭ ەش جازىعى جوق, ەلەمدەگٸ ەر تٸل ٶزٸنشە ەرەكشە, ٶزٸنشە سۇلۋ. بٸراق كەيدە بٸزدە قازاق تٸلٸندە, ياعني مەملەكەتتٸك تٸلدە سٶيلەيتٸندەردٸ كەلەكە ەتٸپ جاتادى. مىسالى جاقىندا قازاقستان فۋتبول فەدەراتسيياسىنىڭ باس باپكەرٸ چەرچەسوۆ دەگەن ازامات قازاق تٸلٸندە سۇراق قويعان جۋرناليستٸ كەلەكە ەتتٸ. بۇل قوعامدا ٷلكەن داۋ تۋدىرىپ, وعان ايىپپۇل سالىندى. مۇنداي جاعدايدى قالاي باعالار ەدٸڭٸز? 

بٸرەۋدٸ انا تٸلٸندە سٶيلەگەنٸ ٷشٸن كەلەكە ەتۋ – ادامنىڭ تۇلعالىق ەرەكشەلٸگٸن جوققا شىعارۋمەن تەڭ. بۇل جەردە مەسەلە تٸل كٸنەلٸ مە, جوق پا دەگەن سۇراقتا ەمەس, بٸز ونى قالاي قابىلدايتىنىمىزدا. تٸل – مىقتى قۇرال. ول نە ادامداردى بٸرٸكتٸرەدٸ, نە بولماسا الشاقتاتادى. ەگەر بٸرەۋ باسقا ادامنىڭ تۋعان تٸلٸن كەلەكە ەتسە, بۇل تٸل تۋرالى ەمەس. ول ادامنىڭ شىنايى قۇندىلىعىن تٷسٸنۋدە قانشالىقتى الىستاعانىن كٶرسەتەدٸ.

سٸز قازاقستانعا جيٸ كەلەتٸنٸڭٸزدٸ بٸلەمٸز. سٸزگە بٸزدٸڭ ەل ۇناي ما جەنە سٸز ٷشٸن قازاقستاننىڭ ەرەكشەلٸگٸ نەدە? 

مەن ٷشٸن قازاقستان راسىمەن دە ەرەكشە مەملەكەت جەنە بۇل وسىندا جيٸ بولاتىندىعىمنان ەمەس. مۇندا ەر كەلگەن سايىن جىلۋلىق پەن قۋانىش جەنە سٶزبەن ايتىپ جەتكٸزە المايتىن عاجايىپ ەنەرگييا سەزٸنەمٸن. بۇل ەلدە كٷش پەن تەرەڭدٸك بار, سونىمەن قاتار ەلدٸڭ كەرەمەت قوناقجايلىعىن سەزٸنەسٸڭ. بٸزدٸڭ دەستٷرٸمٸز بەن مەدەنيەتٸمٸز ۇقساماسا دا, قازاقستاندا مەن ٶزٸمدٸ ەرقاشان ٷيدەگٸدەي سەزٸنەمٸن. بٸراق بٸر ۇقساستىق بار: ول – ٶز تاريحىڭ مەن شىققان تەگٸڭە قۇرمەت. ٶتكەنٸڭ مەن بولاشاعىڭنىڭ اراسىندا بالانس ۇستاۋ - بۇل سيرەك كەزدەسەتٸن ارتىقشىلىق. 

 قازاقستاندا ٷلكەن تۋر-كونتسەرت ۇيىمداستىرۋ جوسپارىڭىزدا جوق پا? 

مٸندەتتٸ تٷردە بولاتىنىنا سەنەمٸن. جاڭالىقتاردى باقىلاپ وتىرىڭىزدار!

سۇحباتىڭىزعا راحمەت!

ايتا كەتەيٸك, سۇحبات 2024 جىلى 18 قازاندا الىندى. قازٸر سۆەتلانا لوبودا قازاقستاندا ٷلكەن گاسترولدٸك تۋرمەن ايماقتاردى ارالاپ جٷر.  ول قازاقستاندىق ەنشٸلەرمەن بٸرلەسٸپ ەن شىرقاپ, تۇرعىنداردىڭ ٷيٸنە قوناققا بارىپ, قازاقتىڭ ۇلتتىق تاعامىنان دەم تاتىپ جٷرگەنٸن ٶزٸنٸڭ ەلەۋمەتتٸك جەلٸدەگٸ پاراقشاسىندا بٶلٸسٸپ جاتىر.

سۇحباتتاسقان: بالجان جەڭٸسقىزى