سكرينشوت: نوۆيني LIVE
ۋكراينا پرەزيدەنتٸ ۆلاديمير زەلەنسكيي, ەگەر بۇل ۋكرايناعا بەيبٸتشٸلٸك ەكەلەتٸن بولسا, ٶز قىزمەتٸنەن كەتۋگە دايىن ەكەنٸن مەلٸمدەدٸ. نەمەسە «ناتو-عا مٷشەلٸككە ايىرباستاۋعا» ەزٸر ەكەنٸن ايتىپ, بيلٸكتە ونداعان جىلدار بويى قالۋدى جوسپارلامايتىنىن جەتكٸزدٸ, دەپ حابارلايدى «ۋكراينسكايا پراۆدا».
بۇل مەلٸمدەمەنٸ زەلەنسكيي «ۋكراينا. 2025 جىل» فورۋمىندا ٶتكەن باسپاسٶز مەسليحاتى بارىسىندا جاسادى. سونىمەن قاتار, ول ۋكرايناداعى پرەزيدەنتتٸك سايلاۋ ەسكەري جاعداي اياقتالعاننان كەيٸن ٶتەتٸنٸن ايتتى.
زەلەنسكييدٸڭ سٶزٸنشە, ەرتەڭ كيەۆتە ەۋروپالىق كٶشباسشىلاردىڭ قاتىسۋىمەن سامميت ٶتەدٸ. ول ماڭىزدى بەتبۇرىس كەزەڭٸ بولۋى مٷمكٸن جەنە كەلٸسسٶزدەرگە ۋكراينا, اقش, رەسەي جەنە ەو قاتىسۋى تيٸس.
ۋكراينا باسشىسىنىڭ ايتۋىنشا, اقش قاۋٸپسٸزدٸك كەپٸلدٸكتەرٸنسٸز اتىستى توقتاتۋدى تالاپ ەتٸپ وتىر. ال ۋكراينا مىنانداي كەپٸلدٸكتەردٸ تالاپ ەتەدٸ: ەو-عا مٷشە بولۋ, باتىس قارجىلاندىراتىن 800 مىڭدىق ۋكراين ارميياسىن قامتاماسىز ەتۋ جەنە ەل اۋماعىندا شەتەلدٸك كونتينگەنتتٸڭ بولۋى.
پرەزيدەنت اقش-تىڭ ۋكراينادان سيرەك كەزدەسەتٸن مەتالدار تۋرالى كەلٸسٸمگە قول قويۋىن تالاپ ەتۋٸنە دە تٷسٸنٸكتەمە بەردٸ. كەيبٸر دەرەككٶزدەردە بۇل كەلٸسٸمگە سەيكەس كيەۆتٸڭ اقش-قا 500 ميلليارد دوللار تٶلەۋ مٸندەتٸ بار دەپ ايتىلۋدا. اقش پرەزيدەنتٸ دونالد ترامپ بۇل سومانى ۆاشينگتوننىڭ ۋكرايناعا كەمٸندە 350 ميلليارد دوللار كٶمەك كٶرسەتكەنٸمەن تٷسٸندٸرەدٸ جەنە ونى ٶتەمەك نيەتتە.
زەلەنسكييدٸڭ ايتۋىنشا, ترامپ اقش بەرگەن كٶمەكتٸڭ ٷستٸنە 100% ٷستەمە اقى العىسى كەلەدٸ. سوندىقتان ۋكراينا اقش-قا 500 ميلليارد نەمەسە 100 ميلليارد دوللار قارىز ەكەنٸن مويىنداۋدان باس تارتادى.
«ۋكراينا اقش-تان 100 ميلليارد دوللار كٶمەك الدى, بٸراق 350, 500 نەمەسە 700 ميلليارد ەمەس. تٸپتٸ 100 ميللياردتى دا قارىز دەپ مويىنداۋعا دايىن ەمەسپٸن, سەبەبٸ گرانت – بۇل قارىز ەمەس. مەن بۇل تۋرالى بايدەنمەن كەلٸسٸپ قويعانمىن. بٸز مۇنى قارىز دەپ تانىمايمىز», – دەدٸ پرەزيدەنت.
زەلەنسكيي سونداي-اق «ۋكراين حالقىنىڭ 10 بۋىنى تٶلەيتٸن كەلٸسٸمگە» قول قويمايتىنىن اتاپ ٶتتٸ.
وسى ارادا اقش پرەزيدەنتٸنٸڭ ارنايى ٶكٸلٸ ستيۆەن ۋيتكوفف CNN تەلەارناسىنىڭ ەفيرٸندە اقش ۋكراينامەن سيرەك كەزدەسەتٸن ەلەمەنتتەر بويىنشا كەلٸسٸمگە كەلەسٸ اپتادا قول قويادى دەپ كٷتٸپ وتىرعانىن مەلٸمدەدٸ.
