ۋكرايناداعى سوعىستا اقش-تىڭ تاعى بٸر ازاماتى قازا بولعانى انىقتالدى. بۇل جٶنٸندە The Washington Post جازدى, دەپ حابارلايدى ازاتتىق.
باسىلىم مەلٸمەتٸنە قاراعاندا, قازا بولعان 52 جاستاعى ادامنىڭ اتى-جٶنٸ — ستيۆەن زابەلسكي. ول 15 مامىردا زاپوروجە وبلىسىنداعى دوروجنيانكا سەلوسىنىڭ ماڭىنداعى ۇرىستا ٶلگەن. زابەلسكي ۋكراينا جاعىندا سوعىسقا قاتىسقان. Rolling Stone مەلٸمەتٸنە قاراعاندا, اقش ەسكەرٸنٸڭ ارداگەرٸ ميناعا تٷسكەن.
اقش مەملەكەتتٸك دەپارتامەنتتٸ زابەلسكييدٸڭ قازاسىن راستاپ, ونىڭ وتباسىمەن بايلانىسقانىن ايتقان.
ۋكرايناداعى سوعىستا اقش ازاماتىنىڭ ٶلگەنٸ تۋرالى اقپارات العاش رەت سەۋٸر ايىندا شىققان. ٶلگەن ادامنىڭ 22 جاستاعى بۇرىنعى تەڭٸز — جاياۋ ەسكەرٸ ۋيلل دجوزەف كەنسەل ەكەنٸ انىقتالعان.
اقش بيلٸگٸنٸڭ مەلٸمەتٸنە قاراعاندا, ۋكرايناداعى سوعىس كەزٸندە اقش-تىڭ كەمٸ ٷش ازاماتى حابارسىز كەتكەن. ونىڭ ەكەۋٸ — الەكساندر دريۋكە مەن ەندي حيۋن — 15 ماۋسىمدا حاركوۆ تٷبٸندەگٸ شايقاستا قولعا تٷسكەن. "ينتەرفاكس" امەريكالىقتار دونەتسك اباقتىسىندا وتىرعانىن حابارلاعان.
كرەمل ٶكٸلٸ دميتريي پەسكوۆتىڭ سٶزٸنشە, سەپاراتيستٸك "دحر-دٸڭ" ولاردى ٶلٸم جازاسىنا كەسپەيتٸنٸنە مەسكەۋ كەپٸلدٸك بەرە المايدى. رەسەي بيلٸگٸ اقش-تىڭ بۇل ازاماتتارىنا سوعىس تۇتقىندارى تۋرالى جەنەۆا كونۆەنتسيياسى جٷرمەيتٸنٸن, ٶيتكەنٸ ولاردىڭ ۋكراينا قارۋلى كٷشتەرٸنٸڭ قاتارىندا بولماعانىن ايتىپ وتىر.
