ۋكرايناداعى ۇرىس كەزٸندە رەسەي قورعانىس مينيسترلٸگٸنٸڭ باسپاسٶز قىزمەتكەرٸ, پولكوۆنيك ۆلاديمير يۆانوۆ ٶلگەن. بۇل جٶنٸندە رەسەيدٸڭ مەلٸمەتتەر بازاسىنا سٷيەنگەن "مەديازونا" حابارلادى, دەپ جازادى ازاتتىق.
پولكوۆنيكتٸڭ ٶلٸمٸ تۋرالى بۇعان دەيٸن جۋرناليست ەۆگەنيي پوددۋبنىي جازىپ, 9 مامىردا "اجالسىزدار پولكٸنٸڭ" اكتسيياسىنا يۆانوۆتىڭ پورترەتٸن ۇستاپ شىققان. پوددۋبنىي ونىڭ ەسكەرٸ شەنٸ پولكوۆنيك ەكەنٸن, فيلوسوفييا فاكۋلتەتٸن بٸتٸرٸپ ەسكەري قىزمەتكە كەتكەنٸن عانا كٶرسەتكەن.
مۇراگەرلٸك ٸستەر رەەسترٸنٸڭ مەلٸمەتٸنە قاراعاندا, 41 جاستاعى ۆلاديمير يۆانوۆ 25 ناۋرىزدا ٶلگەن. مۇراگەرلٸك ٸستٸ رەسٸمدەگەن نوتاريۋس ٶلگەن پولكوۆنيكتٸڭ تۇرعىلىقتى مەكەن-جايى رەتٸندە قورعانىس مينيسترلٸگٸنٸڭ مەسكەۋدەگٸ باس عيماراتىن كٶرسەتكەن.
Getcontact قوسىمشاسىنىڭ مەلٸمەتتەرٸنە قاراعاندا, پولكوۆنيكتٸڭ تەلەفون نٶمٸرٸن كەيبٸر قولدانۋشىلار "ۆلاديمير, قورعانىس مينيسترلٸگٸنٸڭ باسپاسٶز قىزمەتٸ" دەپ ساقتاعان. ۋكراينانىڭ "ميروتۆورەتس" جوباسى "يۆانوۆتىڭ رەسەي قورعانىس مينيسترلٸگٸنٸڭ ۋكرايناعا قارسى اقپاراتتىق سوعىسىنا تٸكەلەي قاتىسى بار" دەپ مەلٸمدەدٸ.
رەسەي قورعانىس مينيسترلٸگٸ باسپاسٶز قىزمەتكەرٸنٸڭ ٶلگەنٸن, قانداي وقيعا كەزٸندە وققا ۇشقانىن حابارلاعان جوق.
"مەديازونا" مەن بي-بي-سي مەلٸمەتتەرٸنە قاراعاندا, اشىق دەرەككٶزدەر ارقىلى رەسەي ەسكەرٸنٸڭ ۋكراينادا 2500-دەن استام جاۋىنگەرٸ, ەسكەري شەنٸ پودپولكوۆنيكتەن جوعارى 60-قا جۋىق وفيتسەرٸ ٶلگەنٸن راستاۋدىڭ سەتٸ تٷسكەن. رەسەي قورعانىس مينيسترلٸگٸ ناۋرىز ايىنىڭ سوڭىندا ۋكراينادا 1300 جاۋىنگەرٸ ٶلگەنٸن مويىنداعان, ودان كەيٸن ٶلگەندەر تۋرالى اقپارات بەرگەن ەمەس.
