ۋكراينانىڭ جەمقورلىقپەن كٷرەس جٶنٸندەگٸ ۇلتتىق بيۋروسى بۇرىنعى پرەزيدەنت پەتر پوروشەنكونىڭ ساياسي سەرٸگٸ ولەگ حلادكوۆسكييدٸ ۇستادى. ول "قىزمەتتٸك ٶكٸلەتٸن اسىرا پايدالاندى" دەگەن كٷدٸككە ٸلٸندٸ.
بيۋرو Facebook-تاعى پاراقشاسىندا ۇلتتىق قاۋٸپسٸزدٸك جەنە قورعانىس كەڭەسٸ حاتشىسىنىڭ بۇرىنعى ورىنباسارى ولەگ حلادكوۆسكييدٸڭ كٸنەسٸ دەلەلدەنسە, سەگٸز جىلعا دەيٸن باس بوستاندىعىنان ايرىلۋى مٷمكٸن ەكەنٸن حابارلادى. تەرگەۋ قۇپييالىلىعىنا بايلانىستى ٸستٸڭ جاي-جاپسارى ايتىلمايدى.
بۇعان دەيٸن پارلامەنتتٸڭ بۇرىنعى دەپۋتاتى سەرگەي لەششەنكو ەلەۋمەتتٸك جەلٸدە جەمقورلىقپەن كٷرەس ۇلتتىق بيۋروسىنىڭ ولەگ گلادكوۆسكييدٸ كيەۆ ەۋەجايى ماڭىنداعى مەيرامحانادا ۇستاعانىن حابارلاعان.
ۋكراينانىڭ ۇلتتىق قاۋٸپسٸزدٸك جەنە قورعانىس كەڭەسٸ حاتشىسىنىڭ ورىنباسارى قىزمەتٸن اتقارعان ولەگ گلادكوۆسكييدٸ پوروشەنكو ناۋرىز ايىندا وتستاۆكاعا جٸبەرگەن. ول كەزدە جەمقورلىق تۋرالى جۋرناليستٸك زەرتتەۋ جارييالانىپ, شەنەۋنٸكتٸڭ "ٸرٸ اقشا جىمقىرۋ ٸسٸنە" قاتىسى بولۋى مٷمكٸن ەكەنٸ ايتىلعان. ۋكرايناداعى پرەزيدەنت سايلاۋىنا بٸر اي قالعان كەزدە داۋ-داماي ٶرشٸپ, پوروشەنكونىڭ سايلاۋ كامپانيياسىنا دە كەرٸ ەسەرٸن تيگٸزگەن.
