ۋكراينا شىعىسىنداعى قاقتىعىس ايماعىندا جاڭا جىل مەرەكەسٸنە وراي ۋاقىتشا بٸتٸم جاسالدى. 29 جەلتوقساننان باستاپ اتىس توقتاتىلادى. بۇل جٶنٸندە جانجالدى رەتتەۋ جٶنٸندەگٸ ٷشجاقتى بايلانىس توبىنا قاتىسۋشىلار مەلٸمدەدٸ.
ۋكراينا ٶكٸلٸ ەۆگەنيي مارچۋك ٷكٸمەت بٸتٸمدٸ پايدالانىپ, زالال كەلگەن عيماراتتاردى جٶندەيتٸنٸن مەلٸمدەدٸ. مويىندالماعان لۋگانسك حالىق رەسپۋبليكاسىنىڭ ٶكٸلٸ اندرەي ماروچكو دا بٸتٸم شارتىن ورىنداۋعا ۋەدە بەردٸ. بايلانىس توبىنداعى رەسەي ٶكٸلٸ بوريس گرىزلوۆ مەسكەۋ وق اتۋدى توقتاتۋ شارتىن بۇزعانداردى جاۋاپقا تارتۋدى تالاپ ەتەتٸنٸن ايتتى.
بىلتىر دونباسستا 23 جەلتوقساندا بٸتٸم جاسالعان. بٸراق 2018 جىلى رەسەيمەن شەكتەسەتٸن ايماقتا ەسكەري جاعداي قايتا شيەلەنٸسكەن. بۇعان كەرچ بۇعازىنداعى وقيعا سەبەپ بولدى. قاراشا ايىنىڭ 25-ٸ كٷنٸ رەسەي شەكاراشىلارى ۋكراينانىڭ ٷش ەسكەري كەمەسٸنە وق اتىپ, تەڭٸزشٸلەرٸمەن بٸرگە ۇستاعان. قاراشانىڭ 28-ٸ كٷنٸ ۋكراينانىڭ رەسەيمەن شەكتەس وبلىستارىندا بٸر ايعا ەسكەري جاعداي جارييالانىپ, 26 جەلتوقساندا ونىڭ كٷشٸ جويىلعان.
ۋكراينا شىعىسىندا 2014 جىلى كٶكتەمدە رەسەيشٸل سەپاراتيستەر مەن ٷكٸمەت ەسكەرٸ اراسىندا باستالعان قاقتىعىستاردان جالپى 10 مىڭنان استام ادام قۇربان بولىپ, جٷزدەگەن مىڭ ادام ٷيٸن تاستاپ كەتۋگە مەجبٷر بولدى.
