31 ناۋرىزعا قاراعان تٷنٸ ۋكراينا جوعارعى راداسى جەر ساتۋ تۋرالى زاڭدى قابىلدادى.
كوروناۆيرۋسقا قاراماستان شاقىرىلعان پارلامەنتتٸك سەسسييا وتىرىسى شامامەن 12 ساعاتقا سوزىلىپ, جارىم تٷندە اياقتالدى. وتىرىستىڭ سوڭى داۋعا ۇلاستى. زاڭ جوباسىنا قارسى شىققان "وپپوزيتسيوننايا پلاتفورما – زا جيزن" فراكتسيياسى پارلامەنت جۇمىسىن توقتاتۋعا تىرىستى. پرەزيدەنت ۆلاديمير زەلەنسكيي دەپۋتاتتاردى زاڭدى قولداپ داۋىس بەرۋگە ٷگٸتتەۋ ٷشٸن راداعا ەكٸ رەت كەلٸپ كەتتٸ. بۇعان دەيٸن دەپۋتاتتار قۇجاتقا تٶرت مىڭنان استام ٶزگەرٸس ەنگٸزۋ مەسەلەسٸن قاراستىرعان.
اقىرى جەر ساتۋ تۋرالى زاڭعا 259 دەپۋتات قولداپ داۋىس بەرٸپ, قابىلداندى. پرەزيدەنتتٸك "سلۋگا نارودا" فراكتسيياسىنىڭ باسىم بٶلٸگٸ قۇجاتتى قولداعان. وعان سونىمەن بٸرگە بۇرىنعى پرەزيدەنت پەتر پوروشەنكونىڭ "ەۆروپەيسكايا سوليدارنوست" جەنە سۆياتوسلاۆ ۆاكارچۋكتٸڭ "گولوس" فراكتسيياسى قولداپ داۋىس بەرگەن. يۋلييا تيموشەنكونىڭ "باتكيۆششينا" جەنە "وپپوزيتسيوننايا پلاتفورما – زا جيزن" فراكتسيياسى عانا قارسى شىققان.
قابىلدانعان جاڭا زاڭعا سەيكەس, 2021 جىلدىڭ 1 شٸلدەسٸنەن باستاپ جەر ساتىلىمعا شىعارىلادى. 2024 جىلعا دەيٸن جەردٸ تەك جەكە تۇلعالار ساتىپ الادى, بٸر ادامعا 100 گەكتاردان ارتىق جەر بەرٸلمەيدٸ. كەيٸنٸرەك زاڭدى تۇلعالار 10 مىڭ گەكتارعا دەيٸن جەر ساتىپ الا الادى.
بٸراق سوعان قاراماستان قۇجات مەملەكەت مەنشٸگٸندەگٸ جەردٸ جەكەشەلەندٸرۋگە تىيىم سالادى. شەتەلدٸكتەرگە جەر ساتۋ مەسەلەسٸ جالپىحالىقتىق رەفەرەندۋمنان كەيٸن بەلگٸلٸ بولادى. جەردٸ وفشورلىق كومپانييالار, بەنەفيتسيارى رەسەي ازاماتى بولاتىن زاڭدى تۇلعالار ساتىپ الا المايدى.
بۇعان دەيٸن ۋكراينا پرەزيدەنتٸ ۆلاديمير زەلەنسكيي پارلامەنتتٸك فراكتسييا جەتەكشٸلەرٸمەن جەكە كەزدەسٸپ, زاڭدى قولداۋعا ٷگٸتتٸگەن. كەلٸسسٶزدەن كەيٸن قۇجاتقا قارسى بولىپ كەلگەن "ەۆروپەيسكايا سوليدارنوست" فراكتسيياسى قولداعان.
حالىقارالىق ۆاليۋتا قورى جەنە بٸرنەشە ەۋروپالىق نەسيە بەرۋ ۇيىمدارى اۋىل شارۋاشىلىق ماقساتىنداعى جەردٸ نارىققا شىعارۋدى قولداپ, بۇل رەفورما جولىنداعى ماڭىزدى قادام دەپ اتاپ ٶتتٸ. جەر ساتۋ تۋرالى زاڭ قابىلدانعان جاعدايدا ۋكراينانىڭ 10 ملرد دوللار كٶلەمٸندە نەسيە الۋعا مٷمكٸندٸگٸ پايدا بولادى دەپ ايتىلادى. زەلەنسكيي مۇنى راستاعانمەن "جەتٸ ميلليون ۋكراينالىقتى باسىبايلى قۇقىقتان ايىرۋ ٷشٸن" زاڭدى قولداعانىن ايتقان.
