ۋكراينا قاۋٸپسٸزدٸك قىزمەتٸ رەسەيدٸڭ NEYMA اتتى كەمەسٸن ۇستادى. بۇل تانكەر رەسەيلٸك شەكاراشىلار ۋكراينالىق ٷش كەمەنٸ ۇستاعاندا كەرچ بۇعازىن جاۋىپ تۇرعان. بۇل تۋرالى ۆەدومستۆو ٶزٸنٸڭ Facebook پاراقشاسىندا حابارلادى, دەپ جازادى ازاتتىق.
قاۋٸپسٸزدٸك قىزمەتٸنٸڭ جازۋىنشا, كەمە 24 شٸلدە كٷنٸ ودەسسا وبلىسىنداعى يزمايل پورتىنا NIKA SPIRIT دەگەن اتپەن كٸرگەن. ۆەدومستۆو مەن ەسكەري پروكۋراتۋرا "[رەسەيلٸكتەر] تانكەر اتىن كەمەنٸڭ زاڭسىز ەرەكەتكە ەرٸ اگرەسسيياعا قاتىسى بارىن جاسىرۋ ٷشٸن ەدەيٸ ٶزگەرتكەن" دەيدٸ. ۋكراينالىقتار تانكەردٸڭ شىن اتىن حالىقارالىق اقپاراتتىق جٷيە كٶمەگٸمەن انىقتاعان.
ۆەدومستۆو حابارىنا قاراعاندا, كەمەدەن قۇجاتتار مەن جۋرنالدار, راديوحابار جازبالارى تەركٸلەنٸپ, ەكيپاج تەرگەلگەن.
ۋكراينا كەمەنٸ قاماۋعا الۋعا شاعىم دايىنداپ جاتىر. قاۋٸپسٸزدٸك قىزمەتٸنٸڭ مەلٸمدەۋٸنشە, كەرچ بۇعازىنداعى جاعدايعا قاتىسى بار دەپ جوعارى شەندٸ 15 رەسەيلٸك ەسكەري قىزمەتكەر كٷدٸككە ٸلٸنگەن.
رەسەي سىرتقى ٸستەر مينيسترلٸگٸ مەسكەۋ تانكەردٸڭ ۇستالۋى جايلى اقپاراتتى تەكسەرٸپ جاتقانىن ايتتى. ۆەدومستۆو "رەسەيلٸكتەردٸڭ ۇستالىپ, ولاردىڭ كەپٸلگە الىنعانى راس بولسا, بۇل حالىقارالىق قۇقىقتى ٶرەسكەل بۇزۋ بولىپ سانالادى. [ۋكراينا] كٶپ كٷتتٸرمەي سالدارىن تارتادى" دەدٸ.
2018 جىلى 25 قاراشادا رەسەي اننەكسييالاپ العان قىرىمدا رەسەيلٸك شەكاراشىلار ۋكراينالىق ٷش ەسكەري كەمەنٸ باسىپ الىپ, 24 تەڭٸزشٸنٸ ۇستاعان. تەڭٸزشٸلەرگە "رەسەي شەكاراسىن زاڭسىز كەسٸپ ٶتتٸ" دەگەن ايىپ تاعىلعان. بۇل باپ بويىنشا التى جىلعا دەيٸن جازا مەرزٸمٸ قاراستىرىلعان. بيىل 17 شٸلدەدە مەسكەۋ سوتى 2018 جىلى قاراشا ايىندا قىرىم جاعالاۋىندا رەسەي ەسكەريلەرٸ ۇستاعان ۋكراين تەڭٸزشٸلەرٸنٸڭ قاماۋ مەرزٸمٸن ٷش ايعا ۇزارتتى.
كيەۆ بۇل ەرەكەتتٸ اگرەسسييا رەتٸندە باعالاپ, تەڭٸزشٸلەردٸ ەسكەري تۇتقىندار دەپ اتادى. ۋكراينا ۇستانىمىن اقش, ناتو جەنە ەۋرووداق قولدادى.
بۇۇ-نىڭ حالىقارالىق تريبۋنالى رەسەيدٸ 25 ماۋسىمعا دەيٸن ۋكراينالىق تەڭٸزشٸلەردٸ بوساتۋعا مٸندەتتەگەن. بٸراق مەسكەۋ بۇل شەشٸمدٸ ورىندامادى.
