فوتو: اقوردانىڭ باسپاسٶز قىزمەتٸ
مەملەكەت باسشىسى ۇلتتىق قاۋٸپسٸزدٸك كوميتەتٸنٸڭ تٶراعاسى ەرمەك ساعىمباەۆتى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنتكە ۆەدومستۆونىڭ بيىلعى ٷشٸنشٸ توقساننىڭ باسىنان بەرٸ اتقارعان جۇمىستارىنىڭ نەگٸزگٸ نەتيجەسٸ مەن بۇعان دەيٸن بەرٸلگەن تاپسىرمالارىنىڭ ورىندالۋ بارىسى جەنە الداعى كەزەڭگە ارنالعان جوسپارى تۋرالى مەلٸمەت بەرٸلدٸ.
قاسىم-جومارت توقاەۆقا قازاقستان اۋماعىندا لاڭكەستٸك ەرەكەت جاساۋدى جوسپارلاعان راديكالدى توپتىڭ قۇرىقتالعانى تۋرالى باياندالدى. تەرروريستٸك قىلمىستار بويىنشا 7 سوتقا دەيٸنگٸ تەرگەۋ امالدارى باستالدى جەنە 3 ەكسترەميست سوتتالدى.
ەرمەك ساعىمباەۆتىڭ ايتۋىنشا, تەرروريزمگە قارسى ٸس-قيمىل شارالارىن جەتٸلدٸرۋ ماقساتىندا ۇقك تەرروريزمگە قارسى ورتالىعى 103 وقۋ-جاتتىعۋ جيىنىن ۇيىمداستىردى.
سونىمەن قاتار مەملەكەت باسشىسىنا كريمينوگەندٸك احۋالدى جاقسارتۋ جۇمىستارىنىڭ نەتيجەلەرٸ تۋرالى باياندالدى. اتاپ ايتقاندا, قوعامعا قاۋٸپ تٶندٸرگەن 5 قىلمىستىق توپ ەرەكەتٸنٸڭ جولى كەسٸلدٸ. زاڭسىز قارۋ اينالىمىنا قاتىسى بار 2 ارنا جويىلدى. ۇلتتىق قاۋٸپسٸزدٸك ورگاندارى پوليتسييامەن بٸرلەسٸپ, قارۋ جاسىرىلعان 12 ورىندى انىقتادى. جالپى سانى 59 قارۋ, 3 گراناتا جەنە 3 339 وق-دەرٸ تەركٸلەندٸ.
ەسٸرتكٸگە قارسى كٷرەس بارىسىندا 7 زەرتحانا, 8 حالىقارالىق جەنە ايماقتىق ەسٸرتكٸ تاسىمالىنىڭ جولى كەسٸلدٸ. 660 كەلٸدەن استام ەسٸرتكٸ جەنە 17 توننادان اسا پرەكۋرسور تەركٸلەندٸ.
بۇدان بٶلەك, مەملەكەتتٸك شەكارانى قورعاۋ جەنە زاڭسىز كٶشٸ-قونمەن كٷرەس سالاسىندا 4 257 قۇقىق بۇزۋشى ۇستالدى. قۇنى 3,8 ميلليارد تەڭگەدەن اساتىن ۆاليۋتا مەن تاۋارلاردىڭ زاڭسىز تاسىمالدانۋىنا جول بەرٸلمەدٸ. سونداي-اق قارۋ, وق-دەرٸ جەنە ەسٸرتكٸ الىپ ٶتۋگە قاتىستى 120 ەرەكەتكە توسقاۋىل قويىلدى.
اقپاراتتىق قاۋٸپسٸزدٸكتٸ قامتاماسىز ەتۋ بارىسىندا ەلٸمٸزدٸڭ اسا ماڭىزدى ينفراقۇرىلىم نىساندارىنا جاسالعان 36 ميلليوننان استام كيبەرشابۋىل مەن 866 DDoS-شابۋىل تويتارىلدى.
كەزدەسۋ سوڭىندا قاسىم-جومارت توقاەۆ ۇلتتىق قاۋٸپسٸزدٸك ورگاندارىنىڭ جۇمىس باعىتتارى بويىنشا بٸرقاتار ناقتى تاپسىرما بەردٸ.
