قازاقستان پرەزيدەنتٸ نۇرسۇلتان نازارباەۆ ٶزٸنٸڭ ٶمٸرلٸك جولىندا كەسٸپتٸك-تەحنيكالىق وقۋ ورنىندا العان «بولات قورىتۋشى» ماماندىعى ٶزٸن قالاي العا جەتەلەگەنٸن ايتىپ بەردٸ, دەپ حابارلايدى قازاقپارات تٸلشٸسٸ.
«بٸر ادامنىڭ قانداي دا بٸر كٷردەلٸ جايعا دۋشار بولىپ, مٷگەدەك بولۋى - ٷلكەن قايعى. الايدا وسى قاسٸرەتكە بوي بەرمەي, ادام ەڭسەسٸن تٸكتەپ, ون رەت قۇلاسا دا, العا ۇمتىلاتىن ادامدار - بٸزدٸڭ بٷگٸنگٸ باتىرلارىمىز. ولار ورنىنان تۇرۋ بىلاي تۇرسىن, ٶزٸ قاتارلى ادامداردى دا وقىتىپ جاتىر. بٸزدە قازاقستاندا بەرٸنە جۇمىس تابىلادى. مەن ەردايىم وسىنى ايتىپ وتىرامىن. كەز كەلگەن جەردە ۆاكانسييا بولعاندىقتان, قازاقستاندا جۇمىسسىزدار بولماۋى كەرەك. مەسەلە - كەيبٸر ادامداردا ماماندىقتارىنىڭ بولماۋىندا. ماماندىعى بار ادامداردا جۇمىسسىز قالۋ قاۋپٸ جوق. استانادا مەسەلەن قۇرىلىسشىلار, دەنەكەرلەۋشٸلەر جەتٸسپەيدٸ. سوندىقتان مەن جاستارعا بٸرٸنشٸ كەزەكتٸ جۇمىسشى ماماندىعى تەگٸن بەرٸلۋٸ كەرەك يدەيا كٶتەرٸپ, ٷكٸمەت ونى جٷزەگە اسىرىپ جاتىر», - دەدٸ مەملەكەت باسشىسى ەلوردادا ٶتٸپ جاتقان VIII ازاماتتىق فورۋمدا.
نۇرسۇلتان نازارباەۆ جاستاردىڭ بٸر بٶلٸگٸ قازٸرگٸ تاڭدا ۋنيۆەرسيتەت, كوللەدجدەرگە بارىپ جاتسا دا, كەيبٸرٸ ەشقايدا ورنىن تاپپاي قالاتىرىن تٸلگە تيەك ەتتٸ.
«مٸنە, وسى جاستاردى كەسٸپتٸك بٸلٸم بەرەتٸن وقۋ ورىندارىندا مەملەكەتتٸڭ ەسەبٸنەن وقۋ وقىپ الۋعا شاقىرامىز. بۇدان ارتىق جاستارعا نە ۇسىنۋعا بولادى. ياعني, ٷكٸمەتتٸك ەمەس ۇيىمدار جەرگٸلٸكتٸ ورىنداردا جۇمىسسىز جٷرگەن جاستاردى سۇرانىسى بار 17 وبلىسقا جٸبەرەتٸن بولسا, مەسەلە شەشٸلەدٸ. مەن دە ٶمٸر جولىن وسىلاي باستاعانمىن. وندايلار كٶپ. كەسٸپتٸك-تەحنيكالىق وقۋ ورنىندا العان «بولات قورىتۋشى» ماماندىعى مەنٸ العا جەتەلەدٸ. مەن سوعىستان كەيٸن كەدەيشٸلٸكتە ٶمٸر سٷرگەن اۋىل بالاسىمىن. كيەرگە كيٸمٸمٸز جوق ەدٸ. 15 جاسقا دەيٸن تويىپ تاماق ٸشكەن كەزٸم ەسٸمدە جوق. بەلكٸم, وسىدان كەيٸن دەنەمٸز ٸرٸ بولعان دا شىعار», - دەپ سٶزٸن ەزٸلمەن اياقتادى نۇرسۇلتان نازارباەۆ.
مەملەكەت باسشىسى بالا كەزدەگٸ وسى ورتادان كەيٸن اۋىر جۇمىسقا تٷسكەنٸن ەسكە الدى.
«پەشتٸڭ جانىندا كٷرەك ۇستاپ جۇمىس ٸستەدٸك. الدىڭ - 1500 گرادۋستىق مەتالل, ارتىڭ - 40 گرادۋس سۋىقتا ەڭبەك ەتتٸك. وسىنىڭ بەرٸنە شىداۋ كەرەك بولدى. سوندىقتان, جاستار ەڭبەككە دەن قويۋى تيٸس. مىناۋ ەلەم ەدٸلەتتٸلٸككە تولى دەپ سەنبەۋ كەرەك. ەدٸلەتسٸزدٸكتٸ ەڭسەرۋ كەرەك. بەلكٸم, كەننەدي مە ەكەن بٸر كٸسٸنٸڭ: «ٷكٸمەت ماعان قالاي كٶمەكتەستٸ دەپ ەمەس, مەن ٷكٸمەتكە قالاي كٶمەكتەستٸم» دەگەنٸندەي وي جٷرۋٸ كەرەك. ٷكٸمەتتٸ بٸز ٶزٸمٸزدٸڭ نەمەرەلەرٸمٸز بەن شٶبەرەلەرٸمٸز ٷشٸن قۇرىپ جاتىرمىز. سول سەبەپتٸ, ٷكٸمەتتٸك ەمەس ۇيىمدار پاتريوت بولۋى كەرەك», - دەدٸ پرەزيدەنت.
