فوتو: primeminister.kz
مەملەكەت باسشىسىنىڭ تاپسىرماسى بويىنشا قر ٷكٸمەتٸ تابيعي سيپاتتاعى تج سالدارىنان جامبىل وبلىسىنىڭ اگرارلارىنا كەلتٸرٸلگەن شىعىندى ٶتەۋگە رەزەرۆتەن 3,6 ملرد تەڭگەدەن استام قاراجات بٶلدٸ. قر پرەمەر-مينيسترٸ ەليحان سمايىلوۆ تيٸستٸ قاۋلىعا قول قويدى, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
بيىل جامبىل وبلىسىنىڭ اۋىل شارۋاشىلىعى تاۋارىن ٶندٸرۋشٸلەرٸ سۋ تاپشىلىعى سالدارىنان شىعىنعا باتتى. ٶڭٸر ەكٸمدٸگٸنٸڭ حابارلاۋىنشا, بايزاق, جامبىل, قورداي, مەركٸ, تۇرار رىسقۇلوۆ جەنە تالاس اۋداندارىنداعى 400 اٶك سۋبەكتٸسٸنٸڭ 9 مىڭ گا القاپتاعى ەگٸسٸ قۋاڭشىلىقتان زارداپ شەككەن. بۇل جاعدايعا بايلانىستى پرەمەر-مينيستردٸڭ ٶكٸمٸمەن وبلىستا تابيعي سيپاتتاعى تٶتەنشە جاعداي جارييالاندى.
"ٷكٸمەت رەزەرۆٸنەن بٶلٸنگەن قاراجات شارۋالارعا شىعىننىڭ ورنىن تولتىرىپ, كەلەسٸ جىلدىڭ كٶكتەمگٸ دالا جۇمىستارىنا تولىق دايىندالۋعا مٷمكٸندٸك بەرەدٸ.
قاۋلى قول قويىلعان كٷنٸنەن باستاپ كٷشٸنە ەنەدٸ" - دەلٸنگەن حابارلامادا.
