Foto: primeminister.kz
Memleket basshysynyń tapsyrmasy boiynsha QR Úkimeti tabiǵi sipattaǵy TJ saldarynan Jambyl oblysynyń agrarlaryna keltirilgen shyǵyndy óteýge rezervten 3,6 mlrd teńgeden astam qarajat bóldi. QR Premer-ministri Álihan Smaiylov tiisti qaýlyǵa qol qoidy, dep habarlaidy "Ult aqparat" Úkimet basshysynyń baspasóz qyzmetine silteme jasap.
Biyl Jambyl oblysynyń aýyl sharýashylyǵy taýaryn óndirýshileri sý tapshylyǵy saldarynan shyǵynǵa batty. Óńir ákimdiginiń habarlaýynsha, Baizaq, Jambyl, Qordai, Merki, Turar Rysqulov jáne Talas aýdandaryndaǵy 400 AÓK sýbektisiniń 9 myń ga alqaptaǵy egisi qýańshylyqtan zardap shekken. Bul jaǵdaiǵa bailanysty Premer-Ministrdiń ókimimen oblysta tabiǵi sipattaǵy tótenshe jaǵdai jariialandy.
"Úkimet rezervinen bólingen qarajat sharýalarǵa shyǵynnyń ornyn toltyryp, kelesi jyldyń kóktemgi dala jumystaryna tolyq daiyndalýǵa múmkindik beredi.
Qaýly qol qoiylǵan kúninen bastap kúshine enedi" - delingen habarlamada.
