ٷكٸمەت "2022-2024 جىلدارعا ارنالعان رەسپۋبليكالىق بيۋدجەت تۋرالى" زاڭ جوباسىن ماقۇلدادى, دەپ حابارلايدى Sputnik قازاقستان.
قارجى مينيسترٸ ەرۇلان جاماۋباەۆتىڭ ايتۋىنشا, زاڭ جوباسى حالىقتىڭ ەل-اۋقاتىن جاقسارتۋدى جەنە ەكونوميكانى بٸرتٸندەپ قالپىنا كەلتٸرۋدٸ كٶزدەيدٸ. قازٸرگٸ بولجام بويىنشا كەلەسٸ جىلى بيۋدجەتكە تٷسەتٸن قارجى 431 ميلليارد تەڭگەگە ۇلعايادى. وسىلايشا جالپى كٶلەمٸ 13 تريلليونعا جەتەدٸ. سونىڭ ٸشٸندە مۇنايدان باسقا سالالاردان الىناتىن تٷسٸمدەردٸ بارىنشا ارتتىرۋ جوسپارلانعان. ال مۇنايدان تٷسەتٸن اقشانى ۇلتتىق قورعا كٶبٸرەك سالۋ قاجەت. سوندىقتان قوردان الىناتىن قاراجاتتىڭ كٶلەمٸ بٸرتٸندەپ ازايادى.
"كەلەسٸ جىلى ۇلتتىق قوردان كەپٸلدەندٸرٸلگەن ترانسفەرت 2,4 تريلليون مٶلشەرٸندە بولادى. ول بٸرتٸندەپ 2024 جىلى 2 تريلليون تەڭگەگە دەيٸن تٶمەندەيدٸ", - دەدٸ جاماۋباەۆ ٷكٸمەتتٸڭ بٷگٸنگٸ وتىرىسىندا.
ال ترانسفەرتتەردٸ ەسەپتەمەگەندە رەسپۋبليكالىق بيۋدجەتتٸڭ تٷسٸمدەرٸ 2022 جىلى 9,2 تريلليون, 2023 جىلى 9,7 تريلليون, ال 2024 جىلى 10,4 تريلليون تەڭگەنٸ قۇرايدى.
"بيۋدجەت تاپشىلىعى 2022 جىلى جالپى ٸشكٸ ٶنٸمنٸڭ 3,3 پروتسەنتٸنەن كەزەڭ-كەزەڭٸمەن 2024 جىلى جالپى ٸشكٸ ٶنٸمنٸڭ 2,5 پروتسەنتٸنە دەيٸن تٶمەندەيدٸ دەگەن جوسپار بار. ال شىعىستار 2022 جىلى 577 ميلليارد تەڭگەگە ۇلعايا وتىرىپ, 15,9 تريلليوندى قۇرايدى", - دەپ اتاپ ٶتتٸ جاماۋباەۆ.
مينيستر ەلەۋمەتتٸك سالاعا بٶلٸنەتٸن بيۋدجەت قارجىسى سول كٷيٸندە ساقتالاتىنىن ەرەكشە اتاپ ٶتتٸ. ونىڭ كٶلەمٸ بارلىق شىعىستىڭ 50 پروتسەنتٸن قۇرايدى.
"وسىلايشا كەلەسٸ جىلى 2021 جىلدىڭ بيۋدجەتٸنە قاراعاندا ەلەۋمەتتٸك شىعىستار 515 ميلليارد تەڭگەگە ٶسە وتىرىپ, 8 تريلليون تەڭگە كٶلەمٸندە جوسپارلاندى. شىعىستىڭ ٶسۋٸ جىل سايىنعى يندەكستەۋگە, زەينەتاقى مەن جەردەماقى الۋشىلاردىڭ كٶبەيۋٸنە, سونداي-اق مۇعالٸمدەر مەن دەرٸگەرلەر جالاقىسىنىڭ كٶتەرٸلۋٸنە بايلانىستى بولىپ وتىر", - دەدٸ جاماۋباەۆ.
مينيسترلەر كابينەتٸ زاڭ جوباسىن بٸراۋىزدان ماقۇلدادى. ەندٸ قۇجات پارلامەنت مەجٸلٸسٸنٸڭ قاراۋىنا ەنگٸزٸلەدٸ.
