قر پرەمەر-مينيسترٸنٸڭ ورىنباسارى - قارجى مينيسترٸ ەليxان سمايىلوۆ پرەزيدەنتتٸك سايلاۋعا جۇمسالاتىن قارجىنىڭ ناقتى سوماسىن اتادى, دەپ حابارلايدى Sputnik اگەنتتٸگٸ.
بٷگٸن ٷكٸمەت كەزەكتەن تىس پرەزيدەنت سايلاۋىن ٶتكٸزۋگە ٷكٸمەت رەزەرۆٸنەن 9,4 ميلليارد تەڭگە بٶلۋ تۋرالى شەشٸم قابىلدادى. سمايىلوۆتىڭ ايتۋىنشا, قاراجاتتىڭ نەگٸزگٸ بٶلٸگٸ رەسپۋبليكا بويىنشا قۇرىلاتىن 10 مىڭ سايلاۋ ۋچاسكەسٸنٸڭ جۇمىسىن ۇيىمداستىرۋعا باعىتتالماق.
"سايلاۋ ۋچاسكەلەرٸنە 70 مىڭعا تارتا ادام تارتىلادى. بۇل اقشا, نەگٸزٸنەن, سايلاۋ ۋچاسكەلەرٸندە ٸستەيتٸندەردٸڭ جالاقىسىنا جۇمسالادى", - دەدٸ ول ٷكٸمەت كۋلۋارىندا.
بۇعان دەيٸن ورتالىق سايلاۋ كوميسسيياسى ٷكٸمەتتەن 12 ميلليارد تەڭگە سۇراعان بولاتىن. قارجى مينيسترٸ بۇل سومانىڭ نەگە ازايتىلعانىن تٷسٸندٸردٸ.
"و باستا ٶتٸنٸمدەر ٶڭٸرلەردەن كەلدٸ. بٸز ەر ايماق بويىنشا سايلاۋ ۋچاسكەلەرٸنٸڭ سانى مەن وعان تارتىلاتىن ادامداردىڭ سانىن ناقتىلادىق. سول كەزدە كەيبٸر ادامداردىڭ سايلاۋ ناۋقانىنىڭ سوڭىنا دەيٸن ٸستەمەيتٸنٸ انىقتالدى. تاعى دا باسقا جاعدايلار بار. سونىڭ بەرٸن ەسكەرٸپ, ناقتىلاپ, 9,4 ميلليارد تەڭگەگە تٷزەتتٸك", - دەدٸ سمايىلوۆ.
ايتا كەتسەك, وسى جىلدىڭ 9 ماۋسىمىندا قازاقستاندا مەرزٸمٸنەن بۇرىن پرەزيدەنت سايلاۋى ٶتەدٸ. پرەزيدەنتتٸككە كانديداتتاردى ۇسىنۋ 28 سەۋٸرگە دەيٸن جالعاسادى. ٷمٸتكەرلەردٸ ەلٸمٸزدە رەسمي تٸركەلگەن پارتييالار مەن رەسپۋبليكالىق قوعامدىق بٸرلەستٸكتەر ۇسىنۋعا قۇقىلى.
