پرەزيدەنت تاپسىرماسىن جٷزەگە اسىرۋدىڭ ٸس-شارالار جوسپارىن دايىنداعان سوڭ ەربٸر مەملەكەتتٸك ورگان ٶزٸنە جٷكتەلگەن تاپسىرمالار تۋرالى تولىق مەلٸمەت بەرەدٸ. بۇل تۋرالى ونلاين بريفينگتە قر اقپارات جەنە قوعامدىق دامۋ مينيسترٸ دەۋرەن اباەۆ ايتتى, دەپ حابارلايدى قازاقپارات.
«بٷگٸن قاراعاندى قالاسىندا 62 جاستاعى ازامات كوروناۆيرۋستان قايتىس بولدى. وسىعان بايلانىستى مارقۇمنىڭ وتباسى مەن جاقىندارىنا كٶڭٸل ايتامىن. بولعان ٸسكە سابىر ەتٸڭٸزدەر», - دەدٸ قر اقپارات جەنە قوعامدىق دامۋ مينيسترٸ دەۋرەن اباەۆ.
سونداي-اق, ول كەشەگٸ مەملەكەت باسشىسى قاسىم-جومارت توقاەۆتىڭ حالىققا جولداعان ٷندەۋٸ جايلى ايتتى.
«پرەزيدەنت ٶز ٷندەۋٸندە داعدارىسقا قارسى شارالاردىڭ ەكٸنشٸ پاكەتٸمەن تانىستىردى. بۇل شارالار بۇقارالىق اقپارات قۇرالدارىندا كەڭ كٶلەمدە جارييالانۋدا. سونىمەن بٸرگە, ٷكٸمەت پرەزيدەنت تاپسىرماسىن جٷزەگە اسىرۋدىڭ ٸس-شارالار جوسپارىن دايىنداپ جاتىر. دايىن بولعان كەزدە ەربٸر مەملەكەتتٸك ورگان ٶزٸنە جٷكتەلگەن تاپسىرمالار تۋرالى تولىق مەلٸمەت بەرەدٸ. ياعني مەملەكەتتٸڭ كٶمەگٸن, قالاي, قاي جەردە, قانداي تەرتٸپپەن الۋ كەرەك ەكەنٸ ناقتى تٷسٸندٸرٸلەدٸ. قازٸر بۇل مەحانيزمدەر پىسىقتالۋدا. سوندىقتان ٷلگەرمەي قالامىز دەپ ۋايىمداۋدىڭ قاجەتٸ جوق. كٶمەككە مۇقتاج بارلىق ادامعا جەردەم بەرٸلەدٸ, مەملەكەت ەشكٸمدٸ قامقورلىقسىز قالدىرمايدى», - دەيدٸ ول.
