قر پرەمەر-مينيسترٸ اسقار ماميننٸڭ تٶراعالىعىمەن ٶتكەن قر ٷكٸمەتٸنٸڭ وتىرىسىندا قر بٸلٸم جەنە عىلىم مينيسترٸ ا. ايماعامبەتوۆ تانىستىرعان «پەداگوگ مەرتەبەسٸ تۋرالى» زاڭ جوباسى ماقۇلداندى.
«پەداگوگ مەرتەبەسٸ تۋرالى» زاڭ جوباسى قر تۇڭعىش پرەزيدەنتٸ – ەلباسى ن. ە. نازارباەۆتىڭ باستاماسى بويىنشا ەزٸرلەنگەن.
سونداي-اق, ول مەملەكەت باسشىسى ق. ك. توقاەۆتىڭ ورتا بٸلٸم بەرۋ جٷيەسٸن دامىتۋ جەنە بٸلٸم ساپاسىن ارتتىرۋ جٶنٸندەگٸ العا قويعان مٸندەتتەرٸنە جاۋاپ بەرەدٸ.
زاڭ جوباسىن ەزٸرلەۋدٸڭ نەگٸزگٸ يدەياسى — مۇعالٸمدەردٸڭ جٷكتەمەسٸن ازايتۋ, ولاردى ٶزدەرٸنە تەن ەمەس جۇمىستاردى ورىنداۋدان بوساتۋ ارقىلى ٶزٸن-ٶزٸ دامىتۋعا جەنە شىعارماشىلىققا مٷمكٸندٸك بەرۋ.
بۇعان قوسا, مۇعالٸمدەردٸڭ جالاقىسىن ارتتىرۋعا, ەڭبەك دەمالىسىن ۇلعايتۋعا, پەداگوگتٸك شەبەرلٸك, تەلٸمگەرلٸك ٷشٸن قوسىمشا اقى تٶلەۋگە باعىتتالعان شارالار كٶزدەلۋدە. ايتا كەتۋ كەرەك, بۇل زاڭ جوباسى ٶڭٸرلەردٸڭ ەكٸمدەرٸنە بيۋدجەت مٷمكٸندٸگٸنە قاراي مۇعالٸمدەرگە ماتەريالدىق كٶمەك كٶرسەتۋ مەسەلەسٸن ٶزدٸگٸنەن شەشۋگە مٷمكٸندٸك بەرەدٸ.
مۇعالٸمدەردٸڭ كەسٸبي تۇرعىدان دامۋىنا جەنە بەسەكەگە قابٸلەتتٸلٸگٸن ارتتىرۋعا جاعداي جاساۋ جوسپارلانعان. پەداگوگ مەرتەبەسٸن ارتتىرۋ, ولاردى ىنتالاندىرۋ مٸندەتٸ دە كٶزدەلەدٸ», — دەدٸ اسقار مامين.
قر ٷكٸمەتٸ باسشىسىنىڭ ايتۋىنشا, جالپى زاڭ جوباسىن ٸسكە اسىرۋ مۇعالٸم ماماندىعىنىڭ مەرتەبەسٸن ارتتىرۋعا, ولاردىڭ ار-نامىسى مەن قادٸر-قاسيەتٸن قورعاۋعا, پەداگوگتار ٷشٸن ەلەۋمەتتٸك كەپٸلدٸكتەر جٷيەسٸن جاساۋعا جول اشادى.
مەسەلەنٸ قاراۋ قورىتىندىسى بويىنشا, قر پرەمەر-مينيسترٸ اسقار مامين وسى جىلدىڭ 1 قىركٷيەگٸنە قاراي پارلامەنت مەجٸلٸسٸنە «پەداگوگ مەرتەبەسٸ تۋرالى» جەنە «پەداگوگ مەرتەبەسٸ, وقۋشى مەن مۇعالٸم جٷكتەمەسٸن تٶمەندەتۋ مەسەلەلەرٸ جٶنٸندەگٸ كەيبٸر زاڭنامالىق اكتٸلەرگە ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوبالارىن ەنگٸزۋدٸ قامتاماسىز ەتۋدٸ تاپسىردى.
جيىندا الماتى وبلىسىنىڭ ەكٸمٸ ا. باتالوۆ پەن نۇر-سۇلتان ق. ەكٸمٸ ا. كٶلگٸنوۆ زاڭ جوباسىنىڭ ەرەجەلەرٸن پەداگوگيكالىق قوعامداستىق ٶكٸلدەرٸمەن تالقىلاۋ تۋرالى باياندادى. سونداي-اق, ٷكٸمەت وتىرىسىندا جوسپارلانعان جاڭالىقتاردى تالقىلاۋعا شاقىرىلعان اقمولا وبلىسى نيكولسك ورتا مەكتەبٸنٸڭ پەداگوگى ن. قۇتتىباەۆا سٶز سٶيلەدٸ.
