بارلىق ەكٸمدەر حالىقتى جاپپاي ۆاكتسينالاۋ باعىتىنداعى اقپاراتىق-تٷسٸندٸرۋ جۇمىستارىن جەكە باقىلاۋعا الۋى قاجەت. بۇل تۋرالى ٷكٸمەت وتىرىسىندا قر پرەمەر-مينيسترٸنٸڭ ورىنباسارى ەرالى توعجانوۆ ايتتى, دەپ حابارلايدى "ۇلت اقپارات".
«ەپيدەميولوگييالىق جاعداي ٷكٸمەتتٸڭ كٷندەلٸكتٸ باقىلاۋىندا. بٷگٸندە ٶڭٸرلەرگە جەتكٸلٸكتٸ كٶلەمدە ۆاكتسينا جەتكٸزٸلدٸ. دەگەنمەن, ٶڭٸرلەردەگٸ ەپيدەميولوگييالىق احۋالدى تۇراقتاندىرۋ ٷشٸن كەلەسٸ باعىتتار بويىنشا ناقتى ٸس-شارالار قابىلدانۋى قاجەت.
ب ٸرٸنشٸدەن, بارلىق ەكٸمدەردەن حالىقتى جاپپاي ۆاكتسينالاۋ باعىتىنداعى اقپاراتىق-تٷسٸندٸرۋ جۇمىستارىن جەكە باقىلاۋعا الۋدى سۇرايمىز. اي سوڭىنا دەيٸن حالىقتىڭ ۆاكتسينالاۋعا جاتاتىن بٶلٸگٸنٸڭ 20 پايىزىنا جەتكٸلٸكتٸ ۆاكتسينا كٶلەمٸ قامتاماسىز ەتٸلدٸ. ەكٸمدٸكتەر ازاماتتاردى ۆاكتسيناتسييامەن قامتۋ جۇمىسىن كٷشەيتۋٸ قاجەت.
ەكٸنشٸدەن, «Ashyq» جوباسى وڭ نەتيجە كٶرسەتۋدە. باعدارلاما قوعامدىق ورىندارعا كٸرمەك بولعان 809 اۋرۋ جۇقتىرعان جەنە 340 بايلانىستا بولعان ادامدى انىقتادى», - دەدٸ ول.
ۆيتسە-پرەمەردٸڭ ايتۋىنشا, سوندىقتان ەكٸمدەر كەسٸپكەرلٸك سۋبەكتٸلەرٸنە «Ashyq» جوباسىن ەنگٸزۋ بويىنشا جۇمىستى جەكە قاداعالاۋدا ۇستاۋ كەرەك. شۇعىل تٷردە وسى جۇمىستى ۇيىمداستىرۋى قاجەت.
«ٷشٸنشٸدەن, قابىلدانعان شەكتەۋ ٸس-شارالارىنىڭ قاتاڭ ساقتالۋىنا باقىلاۋدى كٷشەيتۋ كەرەك. بٷگٸندە الماتى, شىمكەنت قالالارىندا, شىعىس قازاقستان, تٷركٸستان, الماتى وبلىستارىندا بۇل جۇمىس نەتيجەلٸ جٷرگٸزٸلۋدە. الايدا اقمولا, باتىس قازاقستان, قاراعاندى, قىزىلوردا وبلىستارىندا مونيتورينگٸلٸك توپتاردىڭ جۇمىسى ەلٸ دە بەسەڭ. بۇل باعىتتا بارلىق ٶڭٸردە بەلسەندٸلٸك ارتۋى تيٸس», - دەدٸ ەرالى توعجانوۆ.
