Barlyq ákimder halyqty jappai vaktsinalaý baǵytyndaǵy aqparatyq-túsindirý jumystaryn jeke baqylaýǵa alýy qajet. Bul týraly Úkimet otyrysynda QR Premer-Ministriniń orynbasary Eraly Toǵjanov aitty, dep habarlaidy "Ult aqparat".
«Epidemiologiialyq jaǵdai Úkimettiń kúndelikti baqylaýynda. Búginde óńirlerge jetkilikti kólemde vaktsina jetkizildi. Degenmen, óńirlerdegi epidemiologiialyq ahýaldy turaqtandyrý úshin kelesi baǵyttar boiynsha naqty is-sharalar qabyldanýy qajet.
B irinshiden, barlyq ákimderden halyqty jappai vaktsinalaý baǵytyndaǵy aqparatyq-túsindirý jumystaryn jeke baqylaýǵa alýdy suraimyz. Ai sońyna deiin halyqtyń vaktsinalaýǵa jatatyn bóliginiń 20 paiyzyna jetkilikti vaktsina kólemi qamtamasyz etildi. Ákimdikter azamattardy vaktsinatsiiamen qamtý jumysyn kúsheitýi qajet.
Ekinshiden, «Ashyq» jobasy oń nátije kórsetýde. Baǵdarlama qoǵamdyq oryndarǵa kirmek bolǵan 809 aýrý juqtyrǵan jáne 340 bailanysta bolǵan adamdy anyqtady», - dedi ol.
Vitse-premerdiń aitýynsha, sondyqtan ákimder kásipkerlik sýbektilerine «Ashyq» jobasyn engizý boiynsha jumysty jeke qadaǵalaýda ustaý kerek. Shuǵyl túrde osy jumysty uiymdastyrýy qajet.
«Úshinshiden, qabyldanǵan shekteý is-sharalarynyń qatań saqtalýyna baqylaýdy kúsheitý kerek. Búginde Almaty, Shymkent qalalarynda, Shyǵys Qazaqstan, Túrkistan, Almaty oblystarynda bul jumys nátijeli júrgizilýde. Alaida Aqmola, Batys Qazaqstan, Qaraǵandy, Qyzylorda oblystarynda monitoringilik toptardyń jumysy áli de báseń. Bul baǵytta barlyq óńirde belsendilik artýy tiis», - dedi Eraly Toǵjanov.
