فوتو: Gov.kz
باتىس قازاقستان وبلىسى ورال قالاسىنىڭ 3,9 شاقىرىم ماگيسترالدى جىلۋ جەلٸلەرٸن رەكونسترۋكتسييالاۋ جۇمىستارىن اياقتاۋ ٷشٸن ٷكٸمەت رەزەرۆٸنەن شامامەن 2,5 ملرد تەڭگە بٶلٸندٸ. تيٸستٸ قاۋلىعا پرەمەر-مينيستر ولجاس بەكتەنوۆ قول قويدى, دەپ حابارلايدى Ult.kz.
№2 جىلۋ ماگيسترالٸن رەكونسترۋكتسييالاۋ جوباسى شەڭبەرٸندە جەو كوللەكتورىنان باستاپ «سيتي تسەنتر» ساۋدا ٷيٸ ماڭايىنا دەيٸن تٶمەنگە تٷسٸرۋ بويىنشا قۇرىلىس-مونتاجداۋ جۇمىستارى 2024 جىلى باستالدى. جىلۋ ماگيسترالٸنٸڭ بۇل ۋچاسكەسٸ 1987 جىلى پايدالانۋعا بەرٸلگەن. وسى كەزەڭدە كٶتەرگٸش تەمٸربەتون كونسترۋكتسييالارى, بەكٸتۋ ارماتۋراسى بٸرشاما توزدى.
وبلىس ەكٸمدٸگٸنٸڭ مەلٸمەتٸنشە, اتالعان ۋچاسكەدە رەكونسترۋكتسييالاۋ جۇمىستارى 2025-2026 جىلدارى جىلىتۋ ماۋسىمى باستالعانعا دەيٸن اياقتالادى.
جوبانى جٷزەگە اسىرۋ جىلۋ جەلٸلەرٸنٸڭ توزۋىن ازايتۋعا, ىستىق سۋ بەرۋدٸڭ ٶتكٸزۋ قابٸلەتٸن ارتتىرۋعا جەنە پايدالانۋ شىعىندارىن ازايتۋعا مٷمكٸندٸك بەرەدٸ.
جالپى, ورال قالاسىنىڭ جىلۋ ماگيسترالدى جەلٸلەرٸنٸڭ ۇزىندىعى – 249 شاقىرىم. نىسان ٶتكەن عاسىردىڭ 70-80 جىلدارى پايدالانۋعا بەرٸلگەن. قازٸرگٸ ۋاقىتتا توزۋ دەڭگەيٸ 50%-دى قۇرايدى. ينفراقۇرىلىمدى جاڭعىرتۋعا ەرەكشە كٶڭٸل بٶلٸنۋدە. جٶندەۋ جۇمىستارى جالعاسۋدا.
