Foto: Gov.kz
Batys Qazaqstan oblysy Oral qalasynyń 3,9 shaqyrym magistraldy jylý jelilerin rekonstrýktsiialaý jumystaryn aiaqtaý úshin Úkimet rezervinen shamamen 2,5 mlrd teńge bólindi. Tiisti qaýlyǵa Premer-ministr Oljas Bektenov qol qoidy, dep habarlaidy Ult.kz.
№2 jylý magistralin rekonstrýktsiialaý jobasy sheńberinde JEO kollektorynan bastap «Siti Tsentr» saýda úii mańaiyna deiin tómenge túsirý boiynsha qurylys-montajdaý jumystary 2024 jyly bastaldy. Jylý magistraliniń bul ýchaskesi 1987 jyly paidalanýǵa berilgen. Osy kezeńde kótergish temirbeton konstrýktsiialary, bekitý armatýrasy birshama tozdy.
Oblys ákimdiginiń málimetinshe, atalǵan ýchaskede rekonstrýktsiialaý jumystary 2025-2026 jyldary jylytý maýsymy bastalǵanǵa deiin aiaqtalady.
Jobany júzege asyrý jylý jelileriniń tozýyn azaitýǵa, ystyq sý berýdiń ótkizý qabiletin arttyrýǵa jáne paidalaný shyǵyndaryn azaitýǵa múmkindik beredi.
Jalpy, Oral qalasynyń jylý magistraldy jelileriniń uzyndyǵy – 249 shaqyrym. Nysan ótken ǵasyrdyń 70-80 jyldary paidalanýǵa berilgen. Qazirgi ýaqytta tozý deńgeii 50%-dy quraidy. Infraqurylymdy jańǵyrtýǵa erekshe kóńil bólinýde. Jóndeý jumystary jalǵasýda.
