قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا مەملەكەت باسشىسى قاسىم-جومارت توقاەۆتىڭ مەملەكەتتٸك جەنە كۆازيمەملەكەتتٸك سەكتورلاردىڭ باسىم ەمەس شىعىستارىن قىسقارتۋ جٶنٸندەگٸ تاپسىرماسىنىڭ ورىندالۋ بارىسى قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
مەملەكەتتٸك ورگانداردىڭ, ەكٸمدٸكتەردٸڭ, ۇلتتىق حولدينگتەر مەن ۇلتتىق كومپانييالاردىڭ جٷرگٸزگەن جۇمىستارىنىڭ نەتيجەلەرٸ بويىنشا قىسقارتۋعا ۇسىنىلعان شىعىستاردىڭ جالپى سوماسى 128,6 ملرد تەڭگەنٸ قۇرادى, ونىڭ ٸشٸندە ورتالىق مەملەكەتتٸك ورگانداردان – 23 ملرد تەڭگە, ٶڭٸرلەردەن – 26,6 ملرد تەڭگە جەنە كۆازيمەملەكەتتٸك سەكتور سۋبەكتٸلەرٸنەن – 79 ملرد تەڭگە.
«جەرگٸلٸكتٸ بيۋدجەتتەردٸڭ شىعىستارى بويىنشا ەكٸمدٸكتەر مەسليحاتتار ارقىلى وسى شىعىستاردى قىسقارتۋ جٶنٸندە بيۋدجەتتەردٸڭ تيٸستٸ دەڭگەيلەرٸندە شەشٸم قابىلداۋى قاجەت», — دەدٸ ا. مامين.
ٷكٸمەت باسشىسى ۇلتتىق حولدينگتەر مەن كومپانييالاردىڭ باسشىلارىنا ديرەكتورلار كەڭەستەرٸ مەن باسقارما وتىرىستارىنىڭ اياسىندا ۇسىنىلعان شىعىستاردى قىسقارتۋ جٶنٸندە تيٸستٸ كورپوراتيۆتٸك شەشٸمدەردٸ قابىلداۋدى تاپسىردى.
