QR Premer-Ministri Asqar Maminniń tóraǵalyǵymen ótken Úkimet otyrysynda Memleket basshysy Qasym-Jomart Toqaevtyń memlekettik jáne kvazimemlekettik sektorlardyń basym emes shyǵystaryn qysqartý jónindegi tapsyrmasynyń oryndalý barysy qaraldy, dep habarlaidy "Ult aqparat" primeminister.kz saityna silteme jasap.
Memlekettik organdardyń, ákimdikterdiń, ulttyq holdingter men ulttyq kompaniialardyń júrgizgen jumystarynyń nátijeleri boiynsha qysqartýǵa usynylǵan shyǵystardyń jalpy somasy 128,6 mlrd teńgeni qurady, onyń ishinde ortalyq memlekettik organdardan – 23 mlrd teńge, óńirlerden – 26,6 mlrd teńge jáne kvazimemlekettik sektor sýbektilerinen – 79 mlrd teńge.
«Jergilikti biýdjetterdiń shyǵystary boiynsha ákimdikter máslihattar arqyly osy shyǵystardy qysqartý jóninde biýdjetterdiń tiisti deńgeilerinde sheshim qabyldaýy qajet», — dedi A. Mamin.
Úkimet basshysy ulttyq holdingter men kompaniialardyń basshylaryna direktorlar keńesteri men basqarma otyrystarynyń aiasynda usynylǵan shyǵystardy qysqartý jóninde tiisti korporativtik sheshimderdi qabyldaýdy tapsyrdy.
