فوتو: پرەمەر-مينيستردٸڭ باسپاسٶز قىزمەتٸنەن
قازاقستان پرەمەر-مينيسترٸ ولجاس بەكتەنوۆ مەملەكەت باسشىسى قاسىم-جومارت توقاەۆتىڭ تاپسىرمالارىنىڭ ورىندالۋ بارىسىمەن تانىسۋ ٷشٸن سولتٷستٸك قازاقستان وبلىسىنا جۇمىس ساپارىمەن باردى دەپ حابارلايدى "ۇلت اقپارات" پرەمەر-مينيستردٸڭ رەسمي سايتىنا سٸلتەمە جاساپ.
ٷكٸمەت باسشىسى باعدارلاما شەڭبەرٸندە كوممۋنالدىق-ەنەرگەتيكالىق سەكتور جەنە جول ينفراقۇرىلىمى نىساندارىنىڭ, سونداي-اق بٸرقاتار جەڭٸل جەنە ٶڭدەۋ ٶنەركەسٸبٸنٸڭ, اتاپ ايتقاندا, اۋىل شارۋاشىلىعى ماشينا جاساۋ كەسٸپورىندارىنىڭ جۇمىسىمەن تانىساتىن بولادى.
جۇمىس ساپارى بارىسىندا ٶڭٸردەگٸ سۋ قويمالارىنىڭ جاي-كٷيٸ مەن سۋ تاسقىنىنا قارسى ٸس-شارالاردى ساپالى ەرٸ ۋاقتىلى جٷرگٸزۋ جۇمىسىنا ەرەكشە نازار اۋدارىلدى. سولتٷستٸك قازاقستان وبلىسى سۋ تاسقىنى قاۋپٸ بار ايماققا كٸرەدٸ. وبلىستىڭ نەگٸزگٸ سۋ كٶزٸ – ەسٸل ٶزەنٸ ٷش سۋ قويماسى: استانا, سەرگەەۆ جەنە پەتروپاۆل سۋ توراپتارىمەن رەتتەلەدٸ.
ٷكٸمەت باسشىسى پەتروپاۆل سۋ تورابىنا بارىپ, سۋ قويماسىنىڭ اعىمداعى جاعدايىن تەكسەردٸ. قازٸرگٸ ۋاقىتتا ول قالىپتى جاعدايدا جەنە شتاتتىق رەجيمدە جۇمىس ٸستەپ تۇر. سۋ تاسقىنى كەزەڭٸندە سۋ قويماسى الگوريتمگە سەيكەس جۇمىستىڭ «ترانزيتتٸك رەجيمٸنە» اۋىستىرىلادى جەنە تاسقىن سۋلاردىڭ ٶتۋٸنە ەسەر ەتپەيدٸ.
سونىمەن قاتار ولجاس بەكتەنوۆ ٶتكەن جىلدىڭ سەۋٸر ايىندا شامادان تىس تولىپ كەتكەن سەرگەەۆ سۋ قويماسىنىڭ جاعدايىنا نازار اۋداردى.
«سۋ قويمالارى بار سەرگەەۆ جەنە پەتروپاۆل سۋ توراپتارى - رەسپۋبليكالىق مەنشٸكتەگٸ سۋ شارۋاشىلىعى قۇرىلىستارىنىڭ تٸزبەسٸنە ەنگٸزٸلگەن جەنە ەرەكشە ستراتەگييالىق ماڭىزى بار سۋ شارۋاشىلىعى قۇرىلىستارى. سەرگەەۆ سۋ قويماسىنداعى جينالعان سۋدىڭ كٶلەمٸ 82%-دى قۇرايدى. بۇل جەرلەردە ساياجاي ۋچاسكەلەرٸن ەرەكشە نازاردا ۇستاۋدى تاپسىرامىن», — دەپ اتاپ ٶتتٸ پرەمەر-مينيستر.
«قازسۋشار» رمك سقوف ديرەكتورى شۇعايىپ يباتۋلليننٸڭ ايتۋىنشا, وسى كەزەڭدە سەرگەەۆ جەنە پەتروپاۆل سۋ توراپتارى شتاتتىق رەجيمدە جۇمىس ٸستەپ تۇر. الايدا, اۆتوجولداعى كٶپٸرلەردٸڭ جەكەلەگەن كونسترۋكتسييالارى اپاتتى جاعدايدا. وسىعان بايلانىستى ٶزگە بالامالى جولدار ارقىلى كٶلٸك اعىنىن قايتا باعىتتاۋ مەسەلەلەرٸ قاراستىرىلۋدا. جالپى, ٶڭٸردە سۋ تاسقىنىنا بەيٸم 87 ەلدٸ مەكەن ەسەپكە الىندى. 24 قاڭتاردان باستاپ وبلىس كٷشەيتٸلگەن دايىندىق رەجيمٸنە اۋىستىرىلدى, 26 ناۋرىزدان باستاپ جەدەل شتاب جۇمىلدىرىلدى.
پرەمەر-مينيستر سولتٷستٸك قازاقستان وبلىسىنىڭ ەكٸمدٸگٸنە جوسپارلانعان بارلىق الدىن الۋ ٸس-شارالارىن اياقتاۋدى, ال تجم-عا سۋ تاسقىنى جاعدايى ۋشىققان جاعدايدا كٷشتەر مەن تەحنيكانى جۇمىلدىرۋدى تاپسىردى.
«ٶزدەرٸڭٸز كٶرٸپ وتىرعانداي, ەلٸمٸزدٸڭ بٸرقاتار ٶڭٸرلەرٸندە سۋ دەڭگەيٸ كٶتەرٸلٸپ, سۋ تاسقىنى ورىن الدى. بارلىق كٷشتەر جۇمىلدىرىلدى. رەسپۋبليكالىق جەنە ٶڭٸرلٸك جەدەل شتابتار تەۋلٸك بويى جۇمىس ٸستەۋدە. قازٸرگٸ تاڭدا تٶتەنشە جاعدايلار, ٸشكٸ ٸستەر, قورعانىس مينيسترلٸكتەرٸ مەن ۇلتتىق قاۋٸپسٸزدٸك كوميتەتٸنٸڭ ارناۋلى كٷشتەرٸ مەن قۇرالدارى — بارلىعى 4 مىڭعا جۋىق ادام, 1,3 مىڭنان استام تەحنيكا سۋ تاسقىنىنا قارسى جۇمىستارعا تارتىلدى. جول قاتىناسى قيىن جەرلەردە ادامدار تٸكۇشاقتارمەن ەۆاكۋاتسييالانۋدا. جۇمىستار قاۋٸپ تولىق سەيٸلگەنشە جالعاساتىن بولادى. جاعداي قاتاڭ باقىلاۋدا. زارداپ شەككەندەرگە ٷكٸمەت جەنە ەكٸمدٸك تاراپىنان قاجەتتٸ كٶمەك كٶرسەتٸلەدٸ», — دەپ اتاپ ٶتتٸ ولجاس بەكتەنوۆ.
سقو-عا جۇمىس ساپارى الدىندا ٷكٸمەت باسشىسى ولجاس بەكتەنوۆ ٶڭٸرلەردٸڭ ەكٸمدەرٸ مەن تٶتەنشە جاعدايلار مينيسترٸ شىڭعىس ەرٸنوۆتٸڭ سۋ تاسقىنى جاعدايىن باقىلاۋ بويىنشا جٷرگٸزٸلٸپ جاتقان جۇمىستار تۋرالى ەسەپتەرٸن تىڭدادى.
