Foto: premer-ministrdiń baspasóz qyzmetinen
Qazaqstan Premer-Ministri Oljas Bektenov Memleket basshysy Qasym-Jomart Toqaevtyń tapsyrmalarynyń oryndalý barysymen tanysý úshin Soltústik Qazaqstan oblysyna jumys saparymen bardy dep habarlaidy "Ult Aqparat" premer-ministrdiń resmi saityna silteme jasap.
Úkimet basshysy baǵdarlama sheńberinde kommýnaldyq-energetikalyq sektor jáne jol infraqurylymy nysandarynyń, sondai-aq birqatar jeńil jáne óńdeý ónerkásibiniń, atap aitqanda, aýyl sharýashylyǵy mashina jasaý kásiporyndarynyń jumysymen tanysatyn bolady.
Jumys sapary barysynda óńirdegi sý qoimalarynyń jai-kúii men sý tasqynyna qarsy is-sharalardy sapaly ári ýaqtyly júrgizý jumysyna erekshe nazar aýdaryldy. Soltústik Qazaqstan oblysy sý tasqyny qaýpi bar aimaqqa kiredi. Oblystyń negizgi sý kózi – Esil ózeni úsh sý qoimasy: Astana, Sergeev jáne Petropavl sý toraptarymen retteledi.
Úkimet basshysy Petropavl sý torabyna baryp, sý qoimasynyń aǵymdaǵy jaǵdaiyn tekserdi. Qazirgi ýaqytta ol qalypty jaǵdaida jáne shtattyq rejimde jumys istep tur. Sý tasqyny kezeńinde sý qoimasy algoritmge sáikes jumystyń «tranzittik rejimine» aýystyrylady jáne tasqyn sýlardyń ótýine áser etpeidi.
Sonymen qatar Oljas Bektenov ótken jyldyń sáýir aiynda shamadan tys tolyp ketken Sergeev sý qoimasynyń jaǵdaiyna nazar aýdardy.
«Sý qoimalary bar Sergeev jáne Petropavl sý toraptary - respýblikalyq menshiktegi sý sharýashylyǵy qurylystarynyń tizbesine engizilgen jáne erekshe strategiialyq mańyzy bar sý sharýashylyǵy qurylystary. Sergeev sý qoimasyndaǵy jinalǵan sýdyń kólemi 82%-dy quraidy. Bul jerlerde saiajai ýchaskelerin erekshe nazarda ustaýdy tapsyramyn», — dep atap ótti Premer-Ministr.
«Qazsýshar» RMK SQOF direktory Shuǵaiyp Ibatýllinniń aitýynsha, osy kezeńde Sergeev jáne Petropavl sý toraptary shtattyq rejimde jumys istep tur. Alaida, avtojoldaǵy kópirlerdiń jekelegen konstrýktsiialary apatty jaǵdaida. Osyǵan bailanysty ózge balamaly joldar arqyly kólik aǵynyn qaita baǵyttaý máseleleri qarastyrylýda. Jalpy, óńirde sý tasqynyna beiim 87 eldi meken esepke alyndy. 24 qańtardan bastap oblys kúsheitilgen daiyndyq rejimine aýystyryldy, 26 naýryzdan bastap Jedel shtab jumyldyryldy.
Premer-Ministr Soltústik Qazaqstan oblysynyń ákimdigine josparlanǵan barlyq aldyn alý is-sharalaryn aiaqtaýdy, al TJM-ǵa sý tasqyny jaǵdaiy ýshyqqan jaǵdaida kúshter men tehnikany jumyldyrýdy tapsyrdy.
«Ózderińiz kórip otyrǵandai, elimizdiń birqatar óńirlerinde sý deńgeii kóterilip, sý tasqyny oryn aldy. Barlyq kúshter jumyldyryldy. Respýblikalyq jáne óńirlik jedel shtabtar táýlik boiy jumys isteýde. Qazirgi tańda Tótenshe jaǵdailar, Ishki ister, Qorǵanys ministrlikteri men Ulttyq qaýipsizdik komitetiniń arnaýly kúshteri men quraldary — barlyǵy 4 myńǵa jýyq adam, 1,3 myńnan astam tehnika sý tasqynyna qarsy jumystarǵa tartyldy. Jol qatynasy qiyn jerlerde adamdar tikushaqtarmen evakýatsiialanýda. Jumystar qaýip tolyq seiilgenshe jalǵasatyn bolady. Jaǵdai qatań baqylaýda. Zardap shekkenderge Úkimet jáne ákimdik tarapynan qajetti kómek kórsetiledi», — dep atap ótti Oljas Bektenov.
SQO-ǵa jumys sapary aldynda Úkimet basshysy Oljas Bektenov óńirlerdiń ákimderi men tótenshe jaǵdailar ministri Shyńǵys Árinovtiń sý tasqyny jaǵdaiyn baqylaý boiynsha júrgizilip jatqan jumystar týraly esepterin tyńdady.
