ٷكٸمەت باسشىسى سەمەي جۇرتشىلىعىمەن پرەزيدەنت جولداۋىن تالقىلادى

قر پرەمەر-مينيسترٸ باقىتجان ساعىنتاەۆ پرەزيدەنتتٸڭ بيىلعى قازان ايىنداعى جولداۋىندا العا قويىلعان مٸندەتتەردٸ تٷسٸندٸرۋ ماقساتىندا سەمەي قالاسىنىڭ اكتيۆٸمەن جەنە جۇرتشىلىعىمەن كەزدەستٸ, دەپ حابارلايدى "ۇلت اقپارات"  primeminister.kz سايتىنا سٸلتەمە جاساپ.

اتاپ ايتقاندا, حالىق كٸرٸسٸنٸڭ دەڭگەيٸن ارتتىرۋ, مەديتسينالىق قىزمەت كٶرسەتۋ جەنە بٸلٸم بەرۋ ساپاسىن جاقسارتۋ, شاعىن جەنە ورتا بيزنەستٸ دامىتۋدىڭ قوسىمشا قۇرالدارى, سونداي-اق يندۋسترييالىق دامۋ كەلەشەگٸ مەسەلەلەرٸ تالقىلاندى. 

كەڭەستٸ اشقان قر پرەمەر-مينيسترٸ باقىتجان ساعىنتاەۆ جاڭا جولداۋدىڭ نەگٸزگٸ اسپەكتٸسٸ حالىقتىڭ ٶمٸر ساپاسىن جاقسارتۋ ەكەنٸن اتاپ ٶتتٸ. مەكتەپكە دەيٸنگٸ جاستان باستاپ بٸلٸم بەرۋ ساپاسىن ارتتىرۋ مەسەلەسٸنە ەرەكشە كٶڭٸل بٶلٸندٸ. بۇل بەسەكەگە قابٸلەتتٸ ازاماتتى قالىپتاستىرۋعا ىقپال ەتەدٸ. ازاماتتاردىڭ جايلى ٶمٸر سٷرۋٸن قامتاماسىز ەتۋ اياسىندا, ەسٸرەسە جىلىتۋ ماۋسىمىنىڭ باستالۋىنا وراي, تۇرعىن ٷي-كوممۋنالدىق جاعدايلاردى جاقسارتۋدىڭ ماڭىزدىلىعى اتالىپ ٶتتٸ.

پرەزيدەنت جولداۋىنىڭ بارلىق باعىتتارىن ٸسكە اسىرۋعا ٷشجىلدىق كەزەڭگە 1,75 ترلن تەڭگە قاراستىرىلعان. ولار قازاقستاندىقتاردىڭ ٶمٸر ساپاسىن ارتتىرۋعا قاجەتتٸ جاعدايلاردى جاساۋعا باعىتتالادى. وسىلايشا, 2019 جىلعى 1 قاڭتاردان باستاپ ەڭ تٶمەنگٸ جالاقى مٶلشەرٸ 1,5 ەسەگە ٶسەدٸ - 28 مىڭنان 42,5 مىڭ تەڭگەگە دەيٸن. بۇدان ٶزگە, 275 مىڭ ازاماتتىق قىزمەتكەر ورتا ەسەپپەن 35% جوعارى ەڭبەكاقى الادى. بۇل, بٸرٸنشٸ كەزەكتە, بٸلٸم بەرۋ مەن دەنساۋلىق ساقتاۋ جٷيەلەرٸنٸڭ قىزمەتكەرلەرٸ.

سونداي-اق, ەڭ تٶمەنگٸ جالاقى كٶلەمٸنٸڭ ۇلعايۋىمەن جۇمىسپەن قامتىلعان حالىقتىڭ سالىق جٷكتەمەسٸ بارلىق جالدامالى جۇمىسكەرلەردٸڭ تابىسىنان سالىق شەگەرٸمدەرٸنٸڭ ۇلعايۋىنا قاراي ازايادى. سالىق جٷكتەمەسٸن تٶمەندەتۋ 6 ميلليوننان استام جالدامالى جۇمىسكەرگە قاتىستى.

اتالعان مەسەلە بويىنشا ەڭبەك جەنە حالىقتى ەلەۋمەتتٸك قورعاۋ مينيسترٸ مەدينا ەبٸلقاسىموۆا بايانداما جاسادى. ونىڭ ايتۋىنشا, مەملەكەت باسشىسىنىڭ ەڭ تٶمەنگٸ ەڭبەكاقى مٶلشەرٸن ارتتىرۋ جٶنٸندەگٸ تاپسىرماسىن ٸسكە اسىرۋ ماقساتىندا ٷكٸمەت قولدانىستاعى زاڭناماعا ٶزگەرٸستەر ەنگٸزٸپ جاتىر. جالپى, ەڭ تٶمەنگٸ ەڭبەكاقىنى ٶسٸرۋ ەكونوميكانىڭ بارلىق سالالارىندا جالاقى مٶلشەرٸ از قىزمەتتەردە جۇمىس ٸستەيتٸن 1,3 ملن ادامنىڭ ەڭبەكاقىسىن ٶسٸرۋگە جول اشادى. جەرگٸلٸكتٸ بيۋدجەتتٸڭ جەكە تابىس جەنە ەلەۋمەتتٸك سالىقتاردىڭ جەتكٸلٸكتٸ مٶلشەردە تٷسپەۋٸنەن بولاتىن شىعىندارىن ٶتەۋ ٷشٸن رەسپۋبليكالىق بيۋدجەتتە 10,5 ملرد تەڭگە قاراستىرىلادى.

«جولداۋدا قاراستىرىلعان بارلىق شارالاردى ٸسكە اسىرۋ حالىقتىڭ ناقتى كٸرٸستەرٸنٸڭ ٶسٸمٸ, حالىقتىڭ تٶلەمگە قابٸلەتتٸگٸنٸڭ ارتۋى, ٸشكٸ جيىنتىق سۇرانىستىڭ ارتۋى مەن كٶلەڭكەلٸ ەكونوميكا كٶلەمٸنٸڭ تٶمەندەۋٸ تٷرٸندە مىقتى ەلەۋمەتتٸك-ەكونوميكالىق تيٸمدٸلٸكتٸ قامتاماسىز ەتەدٸ», - دەدٸ م. ەبٸلقاسىموۆا.

بٸلٸم جەنە عىلىم مينيسترٸ ەرلان ساعاديەۆ ٶز كەزەگٸندە ەلباسى تاپسىرمالارىن ٸسكە اسىرۋ اياسىندا مۇعالٸمدەردٸڭ مەرتەبەسٸ مەن ەڭبەكاقىسىن ارتتىرۋ, بٸلٸم بەرۋ ساپاسىن جاقسارتۋ سالاسىندا ەلەۋلٸ جۇمىستار اتقارىلىپ جاتقانىن, بالالار مەن پەداگوگتەرگە قاجەتتٸ جاعدايلار جاسالىپ, مەكتەپكە دەيٸنگٸ بٸلٸممەن قامتۋ بويىنشا جۇمىستار جٷرگٸزٸلٸپ جاتقانىن اتاپ ٶتتٸ.

«مەملەكەت باسشىسىنىڭ تاپسىرماسى بويىنشا «پەداگوگ مەرتەبەسٸ تۋرالى» زاڭ ەزٸرلەنەدٸ. زاڭدا پەداگوگتەردٸڭ ەلەۋمەتتٸك مەرتەبەسٸن ارتتىرۋ, وقۋ جٷكتەمەسٸن قىسقارتۋ جەنە قاجەتسٸز تەكسەرٸستەردەن قورعاۋ جەنە ت.ب. شارالار قاراستىرىلادى. زاڭ جوباسى 2-3 اي ٸشٸندە ەزٸرلەنٸپ, قوعامدىق تالقىلاۋعا شىعارىلادى. پەداگوگتەردەن, اتا-انالار مەن بارلىق نيەت بٸلدٸرۋشٸلەردەن اتالعان جۇمىسقا بەلسەنە قاتىسۋدى سۇرايمىن», - دەدٸ مينيستر.

سونىمەن قاتار, بٷگٸندە ٶڭٸردە رەسپۋبليكالىق بيۋدجەتتەن ٷش مەكتەپتٸ سالۋعا 2,5 ملرد تەڭگە بٶلٸنگەن. قوسىمشا بٶلٸنگەن 50 ملرد تەڭگە الدىمەن اپاتتى مەكتەپتەردٸ ازايتۋعا جۇمسالادى.

«جالپى, مەملەكەت باسشىسى بەرگەن تاپسىرمالار پەداگوگتەر قاۋىمىمەن جەنە اتا-انالارمەن بٸرگە تالقىلانىپ, تٷسٸندٸرٸلٸپ, سودان كەيٸن بارىپ جٷزەگە اسىرىلادى. بارلىق جاڭاشىلدىقتار تەك ولاردىڭ قولداۋىمەن ەنگٸزٸلەدٸ», - دەدٸ ە. ساعاديەۆ قالا جۇرتشىلىعىنا باعىتتاپ.

دەنساۋلىق ساقتاۋ مينيسترٸ ەلجان بٸرتانوۆ العاشقى مەديتسينالىق-سانيتارلىق كٶمەك ساپاسىن ارتتىرۋ بويىنشا قابىلدانىپ جاتقان شارالارعا نازار اۋداردى. ول اۋرۋدىڭ الدىن الۋ جەنە ەرتە باستان كٷرەسۋ ٷشٸن ۇلتتىق دەنساۋلىق ساقتاۋدىڭ ورتالىق بۋىنىنا اينالۋعا شاقىرادى. وبلىس بويىنشا العاشقى مەديتسينالىق-سانيتارلىق كٶمەكتٸڭ 2261 مامانىن وقىتۋ كٶزدەلگەن, ونىڭ ٸشٸندە 611 - دەرٸگەر, 1650 - مەيٸربيكە.

ە. بٸرتانوۆ 2019 جىلدان باستاپ قاعاز تٷرٸندەگٸ قۇجات اينالىمى توقتاتىلىپ, بارلىق دەنساۋلىق ساقتاۋ ۇيىمدارى ەلەكتروندى فورماتقا كٶشەتٸنٸن مەلٸمدەدٸ. ونىڭ ايتۋىنشا, بۇل دەرٸگەرلەردٸ ارتىق قۇجات تولتىرۋدان بوساتادى - بارلىق اقپارات دەنساۋلىقتىڭ ەلەكتروندى پاسپورتتارىندا ساقتالادى. 2019 جىلعى قاراشاعا دەيٸن حالىقتىڭ 100%-ىندا دەنساۋلىقتىڭ ەلەكتروندى پاسپورتى بولادى, وندا ازاماتتىڭ قايدا جٷگٸنگەنٸنە قاراماستان, ەربٸر ازاماتتىڭ دەنساۋلىعى تۋرالى وبەكتيۆتٸ دەرەكتەر قولجەتٸمدٸ بولادى. بۇدان ٶزگە, دەرٸ-دەرمەكپەن قامتاماسىز ەتۋدە بارلىق تەگٸن دەرٸ-دەرمەكتەردٸ بەرۋدٸڭ دەربەستەندٸرٸلگەن ەلەكتروندى ەسەبٸ جٷرگٸزٸلٸپ, دەرٸلٸك قامتاماسىز ەتۋدٸ جوسپارلاۋ جٷيەسٸ اۆتوماتتاندىرىلادى. دەنساۋلىق ساقتاۋ مينيسترٸنٸڭ ايتۋىنشا, اتالعان شارالار دەرٸ-دەرمەكتەردٸ ساتىپ الۋ ٶتٸنٸمدەرٸن دۇرىس قالىپتاستىرۋعا مٷمكٸندٸك بەرەدٸ.

جىل سوڭىنا دەيٸن زاڭنامالىق ٶزگەرٸستەر قابىلدانادى. مەملەكەت باسشىسىنىڭ تاپسىرمالارىنا سەيكەس, بارلىق دەرٸ-دەرمەكتەردٸڭ باعالارىن رەتتەۋ جٷيەسٸ ەزٸرلەندٸ, ولاردى ساتىپ الۋ 2019 جىلعا جوسپارلانعان. سونداي-اق, دەرٸ-دەرمەكتەردٸ قاداعالايتىن پيلوتتىق جٷيە ەزٸرلەندٸ, ول جالپى ەلٸمٸز بويىنشا بٸردەي دەرٸ-دەرمەكتەردٸڭ باعالارىن بٸردەي دەڭگەيدە قويۋعا مٷمكٸندٸك بەرەدٸ.

ينۆەستيتسييالار جەنە دامۋ مينيسترٸ جەڭٸس قاسىمبەك ٶز بايانداماسىندا ەلباسىنىڭ «قازاقستاندىقتاردىڭ ەل-اۋقاتىنىڭ ٶسۋٸ: تابىس پەن تۇرمىس ساپاسىن ارتتىرۋ» جولداۋىندا ٶمٸر سٷرۋگە جايلى ورتا قۇرۋ, كٶلٸك ينفراقۇرىلىمىن دامىتۋ, جەرگٸلٸكتٸ جولداردىڭ ساپاسىن ارتتىرۋ, ەكسپورتقا باعدارلانعان ٶندٸرٸستەردٸ دامىتۋ ەسەبٸنەن جۇمىس ورىندارىن قۇرۋ مٸندەتتەرٸ اتالىپ ٶتكەنٸن ايتتى. 

ازاماتتاردى ساپالى ەرٸ قولجەتٸمدٸ باسپانامەن قامتاماسىز ەتۋ مەسەلەسٸنە باسا نازار اۋدارىلعان.

«شىعىس قازاقستان وبلىسىندا ٶتكەن جىلى 3638 تۇرعىن ٷي سالىندى, سونىڭ ٸشٸندە 1347 - جەكە تۇرعىن ٷي. بيىل 410,5 مىڭ م2, سونىڭ ٸشٸندە "نۇرلى جەر" باعدارلاماسى اياسىندا مەملەكەتتٸك قارجى كٶزدەرٸ ەسەبٸنەن 126,4 مىڭ م2 پايدالانۋعا بەرۋ كٶزدەلگەن. جالپى, رەسپۋبليكا بويىنشا 1294 مىڭ م2 (22 623 پەتەر) قۇرىلىسىنا 172,5 ملرد تگ مەملەكەتتٸك ينۆەستيتسييا باعىتتالعان. سەمەي قالاسى بويىنشا "نۇرلى جەر" باعدارلاماسى اياسىندا 28,5 مىڭ م2 تۇرعىن ٷي (486 پەتەر) قۇرىلىسىنا 3,5 ملرد تگ باعىتتالعان - بۇل نەسيەلٸك تۇرعىن ٷيدٸڭ سەگٸز ٷيٸنٸڭ قۇرىلىسى», - دەدٸ ج. قاسىمبەك.

سونىمەن قاتار, ەلباسىنىڭ تاپسىرماسىنا سەيكەس, الداعى بەس جىلدا «نۇرلى جەر» مەملەكەتتٸك باعدارلاماسى اياسىندا 650 مىڭنان استام تۇرعىن ٷي سالۋ جوسپارلانىپ وتىر. بۇل شامامەن 2 ملن ازامات باسپانالى بولادى دەگەن سٶز. بٷگٸندە حالىقتىڭ باسپاعا قولجەتٸمدٸلٸگٸن ارتتىرعان ەلباسىنىڭ «7-20-25» باستاماسى بولىپ وتىر. باعدارلاما ارقاسىندا الداعى بەس جىل ٸشٸندە شامامەن 103 مىڭ ادامنىڭ تۇرعىن ٷي ساتىپ الۋعا مٷمكٸندٸگٸ بولادى. 

«جىل سوڭىنا دەيٸن پاۆلودار وبلىسىنان سەمەيگە ودان ەرٸ قالباتاۋعا دەيٸنگٸ جولدى اشۋدى جوسپارلاپ وتىرمىز. 2019 جىلى «تاسكەسكەن - باقتى» جەنە «ٶسكەمەن - زىريان - راحمان قاينارلارى» ۋچاسكەسٸنٸڭ جۇمىسى اياقتالادى. 2017 جىلدان باستاپ ۇزىندىعى 415 كم «قالباتاۋ - مايقاپشاعاي» جەنە 449 كم بولاتىن «تالدىقورعان - ٶسكەمەن» اۆتوجولى جٶندەلٸپ جاتىر. جوسپار بويىنشا جٶندەۋ جۇمىسى 2020 جىلى اياقتالۋى تيٸس. جالپى, 2021 جىلعا قاراي وبلىس ارقىلى ٶتەتٸن نەگٸزگٸ حالىقارالىق باعىتتاعى اۆتوجولدار تولىعىمەن قايتا جاڭعىرتىلادى», - دەدٸ ج. قاسىمبەك.

شىعىس قازاقستان وبلىسىندا يندۋستريالاندىرۋ جىلدارىندا مەتاللۋرگييا, ماشينا جاساۋ سالالارى قارقىندى دامىعان. قۇنى 224,6 ملرد تەڭگەلٸك 57 جوبا ٸسكە قوسىلىپ, 7,1 مىڭ ادام تۇراقتى جۇمىس ورنىن تاپقان. جالپى ٶڭدەۋ ٶنەركەسٸ سالاسىنداعى وبلىستىڭ ٷلەسٸ 14% قۇرايدى, ەكسپورتتىڭ جالپى كٶلەمٸندە - 15%. شىعىس قازاقستان وبلىسىنىڭ 40-تان استام كەسٸپورنى ٶز ٶنٸمدەرٸن ەكسپورتقا شىعارادى. بۇل - نەگٸزٸنەن مەتاللۋرگييا, حيمييا جەنە ماشينا جاساۋ سالالارىنىڭ ٶنٸمدەرٸ.

اۋىل شارۋاشىلىعى بٸرٸنشٸ ۆيتسە-مينيسترٸ ارمان ەۆنيەۆ مەملەكەت باسشىسى قويعان مٸندەتتەردٸ شەشۋ ٷشٸن اٶك-تٸڭ بەسەكەگە قابٸلەتتٸلٸگٸن ارتتىرۋ جەنە ونى تەحنولوگييالىق قايتا جاراقتاندىرۋ بويىنشا قاجەتتٸ شارالار قابىلداناتىنىن جەتكٸزدٸ. بۇل ماقساتتارعا قوسىمشا جىل سايىن 100 ملرد. تەڭگەدەن كەم ەمەس قارجى بٶلٸنەتٸن بولادى, نەتيجەسٸندە, اٶك الدىنا قويىلعان مٸندەتتەردٸ تولىق ٸسكە اسىرۋعا مٷمكٸندٸك تۋادى.

ونىڭ ايتۋىنشا, اٶك سۋبەكتٸلەرٸ ٷشٸن قارجىلاندىرۋدىڭ قولجەتٸمدٸلٸگٸن ارتتىرۋ ماقساتىندا قولدانىستاعى قارجى تەتٸكتەرٸن جەتٸلدٸرۋ جەنە جاڭا قارجى تەتٸكتەرٸن ەنگٸزۋ بويىنشا جۇمىستار جٷرگٸزٸلٸپ جاتىر. ونىڭ ٸشٸندە - اگرارلىق قولحات ەنگٸزۋ, اگروساقتاندىرۋدى جەتٸلدٸرۋ, سونىمەن قاتار نەسيەلٸك سەرٸكتەستٸكتەر جٷيەسٸن دامىتۋ بار.

كەزدەسۋ بارىسىندا «اتامەكەن» ۇكپ باسقارما تٶراعاسى ابىلاي مىرزاحمەتوۆ جولداۋدا شاعىن جەنە ورتا بيزنەستٸ دامىتۋعا ەرەكشە كٶڭٸل بٶلٸنگەنٸن اتاپ ٶتتٸ. كەلەسٸ جىلدان باستاپ مەملەكەت باسشىسىنىڭ تاپسىرماسىنا سەيكەس رەسپۋبليكالىق بيۋدجەت اياسىندا «بيزنەستٸڭ جول كارتاسى-2020» باعدارلاماسىن ودان ەرٸ ٸسكە اسىرۋ ٷشٸن قوسىمشا 30 ملرد تگ قاراستىرىلاتىن بولادى. بۇل ٷش جىل ٸشٸندە تاعى دا 22 مىڭنان كەم ەمەس جاڭا جۇمىس ورنىن قۇرۋعا مٷمكٸندٸك بەرەدٸ.

ٶز كەزەگٸندە سەمەي قالاسىنىڭ جۇرتشىلىق ٶكٸلدەرٸ سٶز سٶيلەپ, مەملەكەت باسشىسىنىڭ «قازاقستاندىقتاردىڭ ەل-اۋقاتىنىڭ ٶسۋٸ: تابىس پەن تۇرمىس ساپاسىن ارتتىرۋ» جولداۋىندا ايتىلعان باستامالارىنا قولداۋ بٸلدٸردٸ.

«مەملەكەت باسشىسى قولايلى ٶمٸر سٷرۋ ورتاسىن قۇرۋ قاجەتتٸگٸن ەرەكشە اتاپ ٶتتٸ. ول - ەڭ الدىمەن, ٶمٸر سٷرۋ جەنە جۇمىس ٸستەۋ ٷشٸن قولايلى ەلدٸ مەكەندەگٸ ساپالى ينفراقۇرىلىمى بار تۇرعىن ٷيدٸڭ قولجەتٸمدٸلٸگٸ, ەدەمٸ ەرٸ قاۋٸپسٸز اۋلانىڭ بولۋى. كٶپجىلدىق تەجٸريبەسٸ بار قۇرىلىسشى رەتٸندە مەنٸڭشە, جاڭا جولداۋ جاڭا مٷمكٸندٸكتەر اشادى. بٸز پرەزيدەنت جولداۋىنداعى مٸندەتتەردٸ ٸسكە اسىرۋعا ەزٸرمٸز. كەلەسٸ جىلدان باستاپ بٸز ٶز كەسٸپورنىمىزدا جالاقىنى 50%-عا كٶتەرەمٸز», - دەدٸ «فيرما «ازييا» جشس قۇرىلتايشىسى ە. دوسقوجانوۆ.

«فيرما «ازييا» جشس «نۇرلى جەر» باعدارلاماسىن ٸسكە اسىرۋعا قاتىساتىنىن ايتا كەتكەن جٶن.

«پرەزيدەنت جولداۋىندا ٶڭٸرلٸك جەنە قالالىق ورتانى جٷيەلٸ دامىتۋ مٸندەتٸ قويىلعان. ناقتى وسى تەسٸل اياسىندا, سەمەيدە "قاراعايلى" زاماناۋي ىقشاماۋداننىڭ قۇرىلىسى جٷرگٸزٸلٸپ جاتىر, بارلىق ينفراقۇرىلىمدىق مەسەلەلەرٸ شەشٸلگەن. بۇل "ادامدارعا ينفراقۇرىلىم قاجەت" مودەلٸن ٸسكە اسىرۋدىڭ كٶرنەكتٸ مىسالى. شامامەن 100 كٶپپەتەرلٸ ٷي سالۋ جوسپارلانعان», - دەدٸ ە. دوسقوجانوۆ.

سەمەي قالاسىنداعى №38 مەكتەپتٸڭ تاريح پەنٸنٸڭ مۇعالٸمٸ ۆ. گالۋشكو بٸلٸم بەرۋگە جۇمسالاتىن شىعىنداردىڭ ارتۋى الداعى ۋاقىتتا تيٸمدٸ نەتيجەلەر بەرەتٸنٸنە سەنٸمدٸ.

«پرەزيدەنتتٸڭ قازاقستان حالقىنا جىل سايىنعى جولداۋى - بۇل ەلٸمٸزدٸڭ كەز كەلگەن ازاماتى ٷشٸن ماڭىزدى وقيعا. ەرقايسىمىز ودان ٶزٸمٸزگە باستى باعىت تابامىز. ۇستاز رەتٸندە مەن ٷشٸن جاڭا جولداۋدا بٸلٸم بەرۋ سالاسىنا باسا كٶڭٸل بٶلٸنگەنٸ ماڭىزدى. ياعني, كەلەسٸ جىلى پەداگوگتاردىڭ مەرتەبەسٸ تۋرالى زاڭنىڭ قابىلدانۋى, 2019 ج. 1 قاڭتارىنان باستاپ ەڭ تٶمەنگٸ جالاقىنىڭ 1,5 ەسەگە - ورتا ەسەپپەن 35%-عا كٶتەرٸلۋٸ اسا ماڭىزدى», - دەدٸ تاريح پەنٸنٸڭ مۇعالٸمٸ.

ۆ. گالۋشكو مۇعالٸمدەردٸڭ جاڭارتىلعان بٸلٸم مازمۇنى, جاراتىلىستانۋ-ماتەماتيكا تسيكلدەرٸ پەندەرٸن اعىلشىن تٸلٸندە جٷرگٸزگەنٸ, جاڭا فورماتتاعى اتتەستاتتاۋدى راستاعانى ٷشٸن ٷستەمە اقى الىپ وتىرعانىن ايتتى.

سەمەي قالاسىنداعى جەدەل مەديتسينالىق جەردەم اۋرۋحاناسىنىڭ فۋنكتسيونالدىق دياگنوستيكا دەرٸگەرٸ ي. راحيموۆا دەنساۋلىق ساقتاۋ جٷيەسٸن جاڭعىرتۋ مەديتسينالىق قىزمەتتەر كٶرسەتۋ ساپاسىن بٸرشاما جاقسارتاتىنىن,ال تسيفرلاندىرۋدى ەنگٸزۋ دەرٸگەرلەردٸ قاعازباستىلىقتان ارىلتىپ, تٸكەلەي مٸندەتتەرٸنە كٶبٸرەك كٶڭٸل بٶلۋلەرٸنە مٷمكٸندٸك بەرەتٸنٸن جەتكٸزدٸ.

شەكەرٸم اتىنداعى مەملەكەتتٸك ۋنيۆەرسيتەتتٸڭ پروفەسسورى, فيلولوگييا عىلىمدارىنىڭ دوكتورى ا.ەسپەنبەتوۆ مەملەكەت باسشىسىنىڭ جىل سايىنعى جولداۋىندا پەداگوگتاردىڭ مەرتەبەسٸن ارتتىرۋ بويىنشا قويىلعان مٸندەتتەردٸڭ ماڭىزدىلىعى مەن ۋاقىتىلى كٶتەرٸلگەنٸن اتاپ ٶتتٸ.

«بٸز ەلٸمٸزدٸڭ جاھاندىق جەتٸستەرٸنٸڭ كۋەسٸ بولىپ وتىرمىز. تاريحي قۇجات - پرەزيدەنتتٸڭ قازاقستان حالقىنا جولداۋى شىنىمەن دە ادام كاپيتالىنىڭ ساپاسىن كٶتەرۋگە, بارلىق قاجەتتٸ جاعدايلاردى جاساۋعا باعىتتالعان», - دەدٸ ا. ەسپەنبەتوۆ ەلباسىنا العىسىن بٸلدٸرە وتىرىپ.