فوتو: قر پرەزيدەنتٸنٸڭ باسپاسٶز قىزمەتٸ
ٷكٸمەت اۋىل شارۋاشىلىعى تاۋارىن ٶندٸرۋشٸلەرگە قولداۋ كٶرسەتۋ ٷشٸن رەزەرۆتەن 30 ملرد تەڭگە بٶلدٸ. پرەمەر-مينيستر ەليحان سمايىلوۆ تيٸستٸ قاۋلىعا قول قويدى, - دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
بۇل شارا مال ٶسٸرۋشٸلەر الدىنداعى سۋبسيدييالار بويىنشا بەرەشەكتٸ ٶتەۋگە مٷمكٸندٸك بەرەدٸ.
قۇجاتتا اۋىل شارۋاشىلىعى مينيسترلٸگٸنە اباي, جەتٸسۋ, اقمولا, الماتى, شىعىس قازاقستان, جامبىل, باتىس قازاقستان, ماڭعىستاۋ, پاۆلودار جەنە سولتٷستٸك قازاقستان وبلىستارىنىڭ بيۋدجەتتەرٸنە اسىل تۇقىمدى مال شارۋاشىلىعىن دامىتۋ, ٶنٸمدٸلٸك پەن ٶنٸم ساپاسىن ارتتىرۋدى سۋبسيدييالاۋعا نىسانالى ترانسفەرتتەر تٷرٸندە 30 ملرد تەڭگە بٶلۋ تۋرالى جازىلعان.
"وسى قاۋلىنىڭ قوسىمشاسىنا سەيكەس, اقمولا وبلىسىنىڭ ەكٸمدٸگٸنە ەڭ كٶپ قاراجات – 7,8 ملرد تەڭگە بٶلٸندٸ. جامبىل وبلىسىنا - 5 ملرد تەڭگە, شقو-عا - 4,5 ملرد تەڭگە, بقو مال ٶسٸرۋشٸلەرٸنە 1 ملرد تەڭگە باعىتتالدى.
اۋىل شارۋاشىلىعى مينيسترلٸگٸنە قاجەتتٸ شارالاردى قابىلداۋ, ال قارجى مينيسترلٸگٸنە بٶلٸنگەن قاراجاتتىڭ ماقساتتى پايدالانىلۋىن باقىلاۋ تاپسىرىلدى.
جالپى بيىل اگروٶنەركەسٸپ كەشەنٸن سۋبسيدييالاۋعا ٷكٸمەت بارلىق كٶزدەردەن 494 ملرد تەڭگە بٶلدٸ. جاقىن ارادا ينۆەستيتسييالىق سۋبسيدييالاۋعا جەنە نەسيەلەر مەن ليزينگ بويىنشا پايىزدىق مٶلشەرلەمەنٸ سۋبسيدييالاۋعا قوسىمشا 30 ملرد تەڭگە بٶلۋ جوسپارلانىپ وتىر" - دەلٸنگەن حابارلامادا.
