وتاندىق ازىق-تٷلٸكپەن يمپورت الماستىرۋ ماقساتىندا قازاقستاندا قۇس فابريكالارىن, ەت كومبيناتتارىن, سٷت زاۋىتتارىن, قانت جەنە بالىق زاۋىتتارىن قۇرۋ, سونداي-اق قارقىندى الما باقتارىن دامىتۋ بويىنشا 44 جوبا ٸسكە اسىرىلماق. بۇل تۋرالى ورتالىق كوممۋنيكاتسييالار قىزمەتٸندە ۇلتتىق ەكونوميكا مينيسترلٸگٸنٸڭ باسشىسى رۋسلان دەلەنوۆ مەلٸمدەدٸ, دەپ حابارلايدى ort.com.
وسى ماقساتتا 10 باعىت بويىنشا قارجىلىق جەنە قارجىلىق ەمەس شارالار قاراستىرىلعان 2020 جىلدىڭ سوڭىنا دەيٸن ەكونوميكالىق ٶسۋدٸ قالپىنا كەلتٸرۋ جٶنٸندەگٸ كەشەندٸ جوسپار ٸسكە اسىرىلۋدا. وندا سالىقتىق ىنتالاندىرۋلارمەن قاتار نەسيەلەندٸرۋدٸ كەڭەيتۋ, ينفراقۇرىلىمدى دامىتۋ, ٸشكٸ ٶندٸرٸستٸ, كەسٸپكەرلٸكتٸ قولداۋ جەنە جۇمىسپەن قامتۋدى ساقتاۋ بويىنشا شارالار قاراستىرىلعان. ٷستٸمٸزدەگٸ جىلدىڭ قىركٷيەك ايىندا تٷزەتۋلەردٸڭ ەكٸنشٸ پاكەتٸ بٶلەك زاڭ جوباسى تٷرٸندە دەپۋتاتتاردىڭ قاراۋىنا ەنگٸزٸلەتٸن بولادى.
مينيستردٸڭ مەلٸمەتٸنشە, ٶنەركەسٸپتٸ دامىتۋ قورىن قۇرۋ, وففتەيك-كەلٸسٸمشارتتار جاساۋ, جوعارى بٶلٸنٸستٸ ٶنٸمدەردٸ ەكسپورتتاۋ كەزٸندە كٶلٸك شىعىندارىنىڭ 80-نا دەيٸن ٶتەۋ جوسپارلانۋدا. بۇل رەتتە ٶڭدەۋشٸ كەسٸپورىندار قور ارقىلى 3%-دان اسپايتىن مٶلشەرلەمەمەن نەسيە الا الادى. ليزينگتٸك قارجىلاندىرۋ ارقىلى جوعارى تەحنولوگييالىق قۇيۋ زاۋىتىن, جٷك اۆتوموبيلدەرٸنٸڭ جەتەكشٸ كٶپٸرلەرٸنٸڭ باستى بەرٸلٸستەرٸنٸڭ رەدۋكتورلارىن ٶندٸرۋ زاۋىتىن جەنە اۆتوموبيل شينالارىن ٶندٸرۋ زاۋىتىن سالۋ سيياقتى جوبالار ٸسكە اسىرىلادى.
اۋىل شارۋاشىلىعى تاۋارىن ٶندٸرۋشٸلەر ٷشٸن فورۆاردتىق كەلٸسٸمشارتتاردى ەنگٸزۋ جەنە «ەگٸس دالاسىنان سٶرەگە دەيٸن» قاعيداتى بويىنشا قارجىلاندىرۋ تەتٸگٸن ەنگٸزۋ اگرارلىق ٶنٸمدٸ تۇراقتى ساتىپ الۋدى جەنە ٶتكٸزۋدٸ قامتاماسىز ەتۋگە مٷمكٸندٸك بەرەدٸ.
«ەگٸس دالاسىنان سٶرەگە دەيٸن» پيلوتتىق جوباسىن جامبىل, تٷركٸستان جەنە الماتى وبلىستارىندا ٸسكە اسىرۋ جوسپارلانعان. ول ٷشٸن بارلىق قاجەتتٸ دايىندىق جۇمىستارى جٷرگٸزٸلۋدە», - دەدٸ ر.دەلەنوۆ.
سونداي-اق مينيستر ٶز سٶزٸندە «5-10-20» جەڭٸلدەتٸلگەن نەسيەلەۋ بويىنشا پيلوتتىق جوبانى ٸسكە قوسۋ, «جۇمىسپەن قامتۋ جول كارتاسى» نىساندارىنىڭ قۇرىلىسى بارىسىندا وتاندىق قۇرىلىس ماتەريالدارىن ساتىپ الۋدى قامتاماسىز ەتۋ, مەملەكەتتٸك قىزمەتتەردٸ تسيفرلاندىرۋ بويىنشا جول كارتاسىن جەنە «ەڭبەك» مەملەكەتتٸك باعدارلاماسى شەڭبەرٸندە جۇمىسپەن قامتۋعا جەردەمدەسۋدٸ مەملەكەتتٸك قولداۋ شارالارىن ٸسكە قوسۋ, «ەلەكتروندىق ٷكٸمەت» ۆەب-پورتالى ارقىلى جۇمىسسىزداردى تٸركەۋ مەرزٸمٸن قىسقارتۋ, شوب سۋبەكتٸلەرٸن نەسيەلەۋ پروتسەدۋرالارىن جەڭٸلدەتۋگە توقتالدى.
