ٷكٸمەت وتىرىسىندا ۇلتتىق ەكونوميكا مينيسترلٸگٸنٸڭ سالىق جەنە كەدەن ساياساتى دەپارتامەنتٸنٸڭ ديرەكتورى ازامات ەمرين اكتسيزدٸڭ كٶتەرٸلۋٸنە بايلانىستى قازاقستاندا بەنزين قانشالىقتى قىمباتتايتىنىن ايتتى, – دەپ حابارلايدى «ۇلت اقپارات».
«قازٸرگٸ تاڭدا بەنزين باعاسىنىڭ اكتسيزٸ 8 تەڭگە, بەنزينٸڭ ليترٸ 150 تەڭگە بولىپ تۇر. بٸز اكتسيز ستاۆكاسىن 10 500 تەڭگەدەن 24 435 تەڭگەگە ارتتىردىق. وسىدان بارىپ, بەنزين ليترٸ 10 تەڭگەگە كٶتەرٸلەدٸ. ياعني, اكتسيز 8-دەن 18 تەڭگەگە كٶتەرٸلدٸ. وسىلايشا, باعا شامامەن 8 پايىزعا – 150-تەڭگەدەن 160 تەڭگەگە كٶتەرٸلەدٸ. بٸراق, بۇل رەتتە اكتسيزدٸڭ باعانى رەتتەۋشٸ جالعىز فاكتور ەمەس ەكەنٸن ەسكەرۋ كەرەك» دەدٸ ازامات ەمرين.
ول نارىقتىق ەكونوميكا جاعدايىندا سۇرانىس پەن ۇسىنىستىڭ بار ەكەنٸن تٷسٸندٸردٸ.
«مەنٸڭ ويىمشا, باعا تٸكەلەي 10 تەڭگەگە كٶتەرٸلمەيدٸ. مەسەلەن, 2015 جىلى بٸز باعانى 4,5 مىڭ تەڭگەدەن بٷگٸنگٸ 10,5 مىڭ تەڭگەگە كٶتەرگەن بولاتىنبىز. ال 2015 جىلى بەنزين باعاسى كٶتەرٸلمەدٸ» دەدٸ سپيكەر.
الايدا بۇل ٶزگەرٸستەردٸڭ ينفلياتسيياعا ەسەر ەتەرٸ انىق.
«بٸز ينفلياتسيياعا ىقپال ەتەتٸن ەسەردٸ تالداپ كٶردٸك. تۇتىنۋ باعالارىنىڭ يندەكسٸ تاۋارلاردىڭ 500 تٷرٸمەن ەسەپتەلەتٸنٸن بٸلەسٸزدەر. ولاردىڭ ٷشەۋٸ اي-93, اي-95, اي-98 بەنزيندەرٸ. ولاردىڭ ٷلەسٸ - 0,6 پايىزدى قۇرايدى. وسىعان بايلانىستى ينفلياتسيياعا سايىپ كەلگەندە 0,35 پايىزدىق ەسەر بولادى. ياعني, دەل ۇلتتىق بانك بولجاعان 4-6 پايىزدىق دەڭگەيدەن اسپايدى. قاۋلى جوباسى مەملەكەتتٸك ورگانداردىڭ ماقۇلداۋىنا جولداندى. سالالىق مەملەكەتتٸك ورگاندارمەن كەلٸسكەننەن كەيٸن شەشٸم ٷكٸمەت وتىرىسىنا جٸبەرٸلەدٸ. وندا ناقتى شەشٸم قابىلدانادى» دەدٸ مينيسترلٸك ٶكٸلٸ.
