ۋچاسكەلٸك مەديتسينا قىزمەتكەرلەرٸنە كۆي اۋرۋلارىن ٷيدە ەمدەگەنٸ ٷشٸن 3 بازالىق لاۋازىمدىق جالاقى مٶلشەرٸندە قوسىمشا اقى تٶلەنەدٸ. بۇل تۋرالى بٷگٸن ٷكٸمەت وتىرىسىندا قر دەنساۋلىق ساقتاۋ مينيسترٸ اجار عينييات ايتتى, دەپ حابارلايدى قازاقپارات.
«امبۋلاتورييالىق ناۋقاستاردىڭ سانىنىڭ ٶسكەنٸن ەسكەرە وتىرىپ, دەنساۋلىق ساقتاۋ مينيسترلٸگٸ ٶڭٸرلەردٸڭ جەرگٸلٸكتٸ اتقارۋشى ورگاندارىمەن بٸرلەسٸپ, مەديتسينالىق-سانيتارييالىق العاشقى كٶمەك دەڭگەيٸندە ۋاقتىلى مەديتسينالىق كٶمەكتٸ نىعايتۋ جەنە ۇيىمداستىرۋ بويىنشا ٸس-شارالار قابىلداۋدا», - دەدٸ ول.
مينيستردٸڭ دەرەگٸنشە, قازٸرگٸ ۋاقىتتا ەلٸمٸز بويىنشا 3 054 موبيلدٸ دەرٸگەرلٸك بريگادا جۇمىس ٸستەيدٸ, رەزەرۆتە 1 622 بريگادا بار. كۆي-مەن اۋىراتىن ناۋقاستاردى امبۋلاتورييالىق ەمدەۋگە ۋچاسكەلٸك مەديتسينا قىزمەتكەرلەرٸ كەڭٸنەن تارتىلۋدا.
شۇعىل مەديتسينالىق كٶمەكتٸ 1 486 جەدەل مەديتسينالىق جەردەم بريگاداسى كٶرسەتەدٸ, رەزەرۆتە 150-ٸ جاساقتالعان.
قازٸر كۆي كەزٸندە مەديتسينالىق كٶمەك كٶرسەتۋگە بارلىعى 40 مىڭعا جۋىق مەديتسينا قىزمەتكەرٸ تارتىلعان.
رەزەرۆتە 4 556 مەديتسينالىق قىزمەتكەر بار, ونىڭ 1217-ٸ - دەرٸگەر.
«مەديتسينالىق-سانيتارييالىق العاشقى كٶمەك ۇيىمدارى قىزمەتكەرلەرٸنٸڭ جۇمىسىن ىنتالاندىرۋ ماقساتىندا موبيلدٸ بريگادالاردىڭ قايتا شىعۋىن, مٸندەتتٸ ەلەۋمەتتٸك مەديتسينالىق ساقتاندىرۋ ارقىلى ٷيدەگٸ ستاتسيونارلاردى كەڭەيتۋ جەنە بەلسەندٸ اشۋعا قوسىمشا اقى تٶلەۋ بويىنشا ٸس-شارالار قابىلداندى. سونداي-اق, ۋچاسكەلٸك مەديتسينا قىزمەتكەرلەرٸنە كۆي اۋرۋلارىن ٷيدە ەمدەگەن ٷشٸن 3 بازالىق لاۋازىمدىق جالاقى مٶلشەرٸندە قوسىمشا اقى كٶزدەلگەن», - دەدٸ اجار عينييات.
