قازٸرگٸ تاڭدا 123 مىڭنان استام تالاپكەر 51 تەستٸلەۋ پۋنكتٸندە ۇبت تاپسىردى دەپ حابارلايدى "ۇلت اقپارات" قر بعم باسپاسٶز قىزمەتٸنە سٸلتەمە جاساپ.
ونىڭ ٸشٸندە 92 458 تٷلەك تەستٸلەۋدٸ قازاق تٸلٸندە, 30 967 – ورىس تٸلٸندە, 263 – اعىلشىن تٸلٸندە تاپسىردى. ەڭ جوعارى بالل – 140.
224 تٷلەك اۋديتوريياعا تىيىم سالىنعان زاتتاردى الىپ كٸرۋگە تىرىسقانى ٷشٸن ۇبت تاپسىرۋ مٷمكٸندٸگٸنەن ايىرىلدى. تەستٸلەۋ ەرەجەلەرٸن بۇزعانى ٷشٸن اۋديتورييادان 563 ادام شىعارىلىپ, ولاردىڭ تەستٸلەۋ نەتيجەلەرٸ جويىلدى.
قر بعم ۇلتتىق تەستٸلەۋ ورتالىعى تالاپكەرلەردٸ تەك ٶز كٷشتەرٸنە سەنٸپ, اكادەمييالىق ادالدىق ەرەجەلەرٸن مٷلتٸكسٸز ساقتاۋعا شاقىرادى. سونداي-اق ەربٸر تەستٸلەنۋشٸنٸڭ قيمىل-قوزعالىسى احۋالدىق ورتالىقتا «بٸر تەستٸلەنۋشٸ – بٸر كامەرا» قاعيداتى بويىنشا باقىلاناتىنىن ەسكەرتەدٸ.
تەستٸلەۋگە كٸرگٸزۋ كەزٸندە توعىز تٷلەكتٸڭ دەنە قىزۋى كٶتەرٸلگەن. ولار ۇبت-نى باسقا كٷنٸ بٶلەك تاپسىرادى.
