Qazirgi tańda 123 myńnan astam talapker 51 testileý pýnktinde UBT tapsyrdy dep habarlaidy "Ult aqparat" QR BǴM baspasóz qyzmetine silteme jasap.
Onyń ishinde 92 458 túlek testileýdi qazaq tilinde, 30 967 – orys tilinde, 263 – aǵylshyn tilinde tapsyrdy. Eń joǵary ball – 140.
224 túlek aýditoriiaǵa tyiym salynǵan zattardy alyp kirýge tyrysqany úshin UBT tapsyrý múmkindiginen aiyryldy. Testileý erejelerin buzǵany úshin aýditoriiadan 563 adam shyǵarylyp, olardyń testileý nátijeleri joiyldy.
QR BǴM Ulttyq testileý ortalyǵy talapkerlerdi tek óz kúshterine senip, akademiialyq adaldyq erejelerin múltiksiz saqtaýǵa shaqyrady. Sondai-aq árbir testilenýshiniń qimyl-qozǵalysy ahýaldyq ortalyqta «bir testilenýshi – bir kamera» qaǵidaty boiynsha baqylanatynyn eskertedi.
Testileýge kirgizý kezinde toǵyz túlektiń dene qyzýy kóterilgen. Olar UBT-ny basqa kúni bólek tapsyrady.
