2018 جىلعا ارنالعان ۇلتتىق بٸرىڭعاي تەستٸ سۇراقتارى 50 پايىزعا جاڭاردى. بۇل تۋرالى بٷگٸن ٷكٸمەت ٷيٸندە ٶتكەن باسپاسٶز مەسليحاتىندا ۇلتتىق تەستٸلەۋ ورتالىعىنىڭ ديرەكتورى رامازان ەلٸمقۇلوۆ ايتتى, دەپ حابارلايدى قازاقپارات تٸلشٸسٸ.
«اعىمداعى جىلى ۇبت 15-شٸ رەت ٶتەيٸن دەپ وتىر. وسى ۋاقىتتىڭ ارالىعىندا شامامەن 1,5 ملن تٷلەك ۇلتتىق بٸرىڭعاي تەستٸلەۋگە قاتىستى. قازٸرگٸ ۋاقىتتا 2018 جىلدىڭ ۇبت-سىنا دايىندىق شتاتتىق رەجٸمدە جٷرگٸزٸلٸپ جاتىر. بارلىق اۋديتورييا دايىن. ٶزدەرٸڭٸزدە بٸلەتٸندەي, بيىل ونىڭ فورماتى ٶزگەرمەيدٸ. ٷش مٸندەتتٸ پەن بولادى: قازاقستان تاريحىنان 20, ساۋاتتى وقۋدان 20 جەنە ماتەماتيكالىق ساۋاتتىلىقتان 20 جەنە تاڭداپ الىنعان 2 پەننەن 30 سۇراقتان», - دەدٸ ول.
ورتالىق باسشىسىنىڭ ايتۋىنشا, بٷگٸندە رەسپۋبليكالىق اپەللياتسييالىق كوميسسييانىڭ مٷشەلەرٸ ٸرٸكتەپ الىنعان. وعان 54 ادام كٸرٸپ وتىر.
«اپەللياتسييا تەتٸگٸ دە ساقتالادى, ەشقانداي ٶزگەرٸس جوق. ياعني, ۇبت تاپسىرعان تٷلەك كەلەسٸ كٷنٸ ساعات 13:00-گە دەيٸن داۋ تۋدىرعان ساۋالعا بايلانىستى جەرگٸلٸكتٸ اپەللياتسييالىق كوميسسيياعا ٶتٸنٸم بەرە الادى. ودان كەيٸن ەگەر جەرگٸلٸكتٸ كوميسسييا داۋلاسۋعا سەبەپ بار دەپ شەشەتٸن بولسا, وندا ماتەريالداردى رەسپۋبليكالىق كوميسسيياعا بەرەدٸ», - دەدٸ ورتالىق باسشىسى.
ونىڭ دەرەگٸنشە, ٶتكەن جىلى 198 اپەللياتسييالىق شاعىم تٷسسە, ونىڭ 50 پايىزى تەحنيكالىق مەسەلەلەرگە قاتىستى بولعان. مازمۇنىنا قاتىستى 98 مەسەلە كٶتەرٸلٸپ, قاناعاتتاندىرىلعان.
«ٶتكەن جىلى ۇبت-نىڭ تەست تاپسىرمالارى 40 مىڭ بولسا, سونىڭ 98 سۇراعى, ياعني 0,02 پايىزى عانا داۋ تۋدىردى. ەلەمدٸك تەجٸريبەدە 1 پايىزعا دەيٸن جٸبەرٸلەدٸ. بٸز بۇل دۇرىس كٶرسەتكٸش دەپ سانايمىز. اعىمداعى جىلى تەست سۇراقتارىنىڭ بازاسى 50 پايىزعا جاڭاردى جەنە بيىلعى ۇبت-دا 80 مىڭ سۇراق بولادى», - دەدٸ ول.
