تٶرت كٷن بۇرىن جارىلىس بولعان ارىس قالاسىنداعى ٷيلەردٸڭ 85 پايىزىنىڭ تەرەزەسٸ شاعىلعان, ەسٸگٸ سىنىپ, شاتىرى زاقىمدانعان. بۇل تۋرالى بٷگٸن, 28 ماۋسىمدا تٷركٸستان وبلىسى تٶتەنشە جاعداي دەپارتامەنتٸنٸڭ باستىعى نۇرعالي جٷنٸسوۆ حابارلادى. ونىڭ سٶزٸنشە, 24 ماۋسىمدا 63 ٶرت جاعدايى تٸركەلٸپ, 26 ٷي ٶرتەنگەن.
28 ماۋسىمدا ارىس قالاسى اشىلدى. جۇما كٷنٸ تاڭعى 6.00-دەن باستاپ شىمكەنتتەگٸ قىرىقتان اسا ەۆاكۋاتسييالىق پۋنكتەن ارىستىقتاردى اۆتوبۋس ٷيلەرٸنە جەتكٸزدٸ.
تٷركٸستان وبلىسىنىڭ ەكٸمدٸگٸ بٷگٸن, 28 ماۋسىمدا ەكولوگييا مينيسترٸ ماعزۇم مىرزاعاليەۆتٸڭ "قالادا رادياتسييا جوق" دەگەن مەلٸمدەمەسٸن تاراتتى.
"اۋا تازا, سۋ مەن جەر لاستانباعان. ەكولوگييا, گەولوگييا جەنە تابيعي رەسۋرستار مينيسترٸ ارىس قالاسىنىڭ ەكولوگيياسى قاۋٸپسٸز ەكەنٸنە كەپٸلدٸك بەرەدٸ" دەيدٸ مينيستر مىرزاعاليەۆ.
تٷركٸستان وبلىسى ەكٸمٸنٸڭ كەڭەسشٸسٸ سەكەن قالقامانوۆ ٶزٸنٸڭ Facebook پاراقشاسىندا ارىستىقتار وتىرعان اۆتوبۋستار مەن سناريادتار قۇلاپ زاقىمدانعان ٷيلەردٸڭ ۆيدەوسىن جارييالادى.
كەشە, 27 ماۋسىمدا جٷزدەگەن ارىستىق كٶشەگە شىعىپ, "ٷيٸمٸزگە قايتۋدان قورقامىز, باسقا جەردەن باسپانا نە جەر بەرٸڭدەر" دەگەن. نارازىلىق كٷشەيگەن تۇستا تٷركٸستان وبلىسىنىڭ ەكٸمٸ ٶمٸرزاق شٶكەەۆ جارىلىس بولعان قالانىڭ 28 ماۋسىم كٷنٸ تاڭعى 8.00-دە اشىلاتىنىن حابارلاعان.
ەسكە سالا كەتەيٸك, 24 ماۋسىم كٷنٸ تاڭەرتەڭ ارىستاعى ەسكەري وق-دەرٸ قويماسىندا الدىمەن ٶرت شىعىپ, كەيٸن جارىلىستار بولعان. دەنساۋلىق ساقتاۋ مينيسترلٸگٸنٸڭ دەرەگٸنشە, جارىلىستان ٷش ادام مەرت بولىپ, 160-تان استام ادام زارداپ شەككەن.
