كٶكتەمگٸ تاسقىن سۋ باسقان تۇرعىن ٷيلەر. اقتٶبە, 16 سەۋٸر 2017 جىل.
اقتٶبەدە ٷيلەرٸن سۋ باسىپ, ەۆاكۋاتسييالانعان تۇرعىندار سانى 1174 ادامعا جەتتٸ, - دەپ حابارلادى بٷگٸن اقتٶبە وبلىستىق تٶتەنشە جاعدايلار دەپارتامەنتٸ.
سۋ باسۋعا قاتىستى ٶتكەن بريفينگتە دەپارتامەنت باستىعى باۋىرجان سىزدىقوۆ بٷگٸن تاڭەرتەڭگٸ ساعات 8-دەگٸ مەلٸمەت بويىنشا, بارلىعى 579 ٷي مەن اۋلانى سۋ باسىپ, 5 ٷي قۇلاعانىن,1174 ادام ەۆاكۋاتسييالانىپ, 69 ادام قۇتقارىلعانىن ايتتى.
كەشە اقتٶبەدە ەلەك ٶزەنٸنٸڭ تاسۋىنان نەگٸزٸنەن ٶزەن جاعالاۋىنداعى ساياجاي ۇجىمدارىنا قاراستى جٷزدەگەن ٷيدٸ سۋ باسىپ, قالادا تٶتەنشە جاعداي جارييالانعان. قۇتقارۋشىلار اقتٶبەدەگٸ تاعى بٸر ٶزەن - قارعالى ٶزەنٸنٸڭ دە تاسۋى مٷمكٸن ەكەنٸن ەسكەرتكەن.
سىزدىقوۆتىڭ سٶزٸنە قاراعاندا, قازٸر ٶزەندەردە سۋ دەڭگەيٸ كٶتەرٸلگەنٸ بايقالادى. مىسالى, ەلەك ٶزەنٸندە سۋ دەڭگەيٸ بٸر تەۋلٸكتە 60 سانتيمەترگە, قارعالى ٶزەنٸندە 72 سانتيمەترگە, سازدى ٶزەنٸندە 36,5 سانتيمەترگە كٶتەرٸلگەن, جٸڭٸشكە ٶزەنٸندە سۋ دەڭگەيٸ 50 سانتيمەترگە تٷسكەن.
ەۆاكۋاتسييالانعان تۇرعىنداردىڭ 502-سٸ قالاداعى مەكتەپتەردٸڭ بازاسىندا ۇيىمداستىرىلعان تٶرت ەۆاكۋاتسييالىق پۋنكتكە ورنالاستىرىلعان, 672-سٸ تۋىستارىنىڭ ٷيلەرٸنە ورنالاسقان.
تٶتەنشە جاعدايلار دەپارتامەنتٸنٸڭ اقپاراتىنا قاراعاندا, "سۋ تاسۋ قاۋپٸ بار ٶزەندەردٸڭ تٶمەنگٸ بٶلٸگٸندەگٸ 876 اۋلالار حابارلانىپ, 523 ادام ەۆاكۋاتسييالاۋدان باس تارتقان. وبلىس اۋماعىندا سۋ تاسقىنىنا قارسى 13 شتاب قۇرىلىپ, سەۋٸردٸڭ 15-ٸنە دەيٸن تۇرعىنداردان تٷسكەن 1834 ٶتٸنٸش بويىنشا, 3145 تەكشە مەتر ينەرتتٸ ماتەريالدار جەتكٸزٸلگەن, 205,8 مىڭ تەكشە مەتر سۋ سورىلىپ, 10050 قاپ تٶسەلگەن".
قۇتقارۋشىلار اقتٶبەنٸڭ ٸرگەسٸندەگٸ كٸرپٸشتٸ, كەلەشەك, ماحامبەت, قارعالى, زارەچنىي-2, جيليانكا ەلدٸ مەكەندەرٸندەگٸ جاعدايدىڭ ەلٸ دە كٷردەلٸ ەكەنٸن ايتادى.
