مەملەكەتتٸك ەلەۋمەتتٸك ساقتاندىرۋ قورىنىڭ ٶكٸلدەرٸ جۇمىسسىز قالۋعا بايلانىستى تٶلەمدەرگە قاتىستى مەسەلەنٸ تٷسٸندٸردٸ, دەپ حابارلايدى قازاقپارات.
«تٶتەنشە جاعدايعا بايلانىستى جۇمىسىنان ايىرىلىپ قالعاندارعا بەرٸلەتٸن 42 500 تەڭگە تۋرالى كٶپتەگەن سۇراقتار كەلٸپ جاتىر. كارانتين جاعدايىندا جۇمىسكەرلەر ٷيدە وتىرادى, ال 42 500 تەڭگە بەرۋ مەسەلەسٸن جۇمىس بەرۋشٸ شەشەدٸ. جۇمىس بەرۋشٸ ٶتٸنٸش جازىپ, قولاستىندا جۇمىس ٸستەيتٸندەردٸڭ تٸزٸمٸن بەرەدٸ. ولاردىڭ قانشا ۋاقىت بويى جۇمىسسىز وتىرعاندارى, اتى-جٶنٸ, جسن جەنە تاعى دا باسقا قاجەتتٸ اقپاراتتار دا سول جەرگە جازىلادى», - دەيدٸ مەملەكەتتٸك ەلەۋمەتتٸك ساقتاندىرۋ قورى ەلەۋمەتپەن بايلانىس دەپارتامەنتٸنٸڭ ديرەكتورى گٷلباعيلا بولاتبەكوۆا ونلاي ٶتكەن بريفينگتە.
ونىڭ ايتۋىنشا, جۇمىس بەرۋشٸدەن كەلگەن قۇجاتتى الدىمەن جەرگٸلٸكتٸ جۇمىسپەن قامتۋ ورتالىعىنىڭ جانىنان قۇرىلعان شتاب قارايدى.
«ەل اراسىندا بٸرىڭعاي جيىنتىق تٶلەيتٸن تۇلعالار بار. مىسالى, ول ٷيدە جۇمىس ٸستەگەن نەمەسە جەكە تۇلعالارعا قىزمەت كٶرسەتكەن ازامات بولۋى مٷمكٸن. ٶز جۇمىسىن توقتاتقان تاكسيستەر, ٷي جيناۋشىلار دا بار. جيىنتىق تٶلەمدٸ ٷش ايدان كەم تٶلەمەگەن بولسا – ولار دا قۇجاتتارىن جيناپ, بٸزدەن 42 500 تەڭگە تٶلەم الۋىنا بولادى.
سونداي-اق, مٸندەتتٸ ەلەۋمەتتٸك جٷيەسٸ ەنگٸزٸلگەننەن باستاپ تٶلەنەتٸن تاعى بٸر تٶلەم – جۇمىسىنان ايىرىلۋىنا بايلانىستى تٶلەنەتٸن تٶلەم. بۇل ەلەۋمەتتٸك تٶلەم جۇمىسسىز رەتٸندە تٸركەلگەن ازاماتتارعا بەرٸلەدٸ. ەگەر سٸز جۇمىسىڭىزدان قىسقارتىلعان بوسلاڭىز نەمەسە ٶز ەركٸڭٸزبەن جۇمىستان شىققان بولساڭىز – جۇمىسپەن قامتۋ ورتالىعىنا جۇمىسسىز رەتٸندە تٸركەلٸپ, انىقتاما الىپ, بٸزدٸڭ قورعا ٶتٸنٸش بەرە وتىرىپ جۇمىسىنان ايىرىلۋ بويىنشا ەلەۋمەتتٸك تٶلەم الۋعا مٷمكٸندٸگٸڭٸز بار. بۇل ەلەۋمەتتٸك تٶلەمنٸڭ مٶلشەرٸ – سٸزدٸڭ سوڭعى ەكٸ جىلداعى ورتاشا ايلىعىڭىزدىڭ 40%-ى. بۇل تٶلەم بٸر ايدان التى ايعا دەيٸن تاعايىندالادى. وسى ەكٸ ەلەۋمەتتٸك تٶلەمدٸ شاتاستىرماۋلارىڭىزدى سۇرايمىز», - دەيدٸ ول.
