الماتى وبلىسىنىڭ ەكٸمٸ قانات بوزىمباەۆ جۋرناليستەرگە بريفينگ بارىسىندا 4 قاڭتاردا تالدىقورعانداعى الاڭدا نەلٸكتەن بىلاپىت سٶز ايتىپ جٸبەرگەنٸن تٷسٸندٸردٸ, - دەپ حابارلايدى Tengrinews.kz.
بوزىمباەۆتىڭ سٶزٸنشە, سول كٷنٸ ايتىلعان سٶز بارلىق ادامعا ارنالماعان, ايماق باسشىسىن ارانداتىپ جٸبەرگەندەرگە ايتىلعان سٶز.
"حالىق بٸر, بٸر جارىم ساعات كٶلەمٸندە تالاپتارىن ايتتى, ال مەن سٶيلەي باستاعان كەزدە بٸر-ەكٸ جٸگٸت - ارانداتۋشىلار ايعايلاي باستادى. مەن اشۋلانىپ, بٸرەۋٸنە ايعايلاپ جٸبەردٸم", - دەيدٸ ول.
وبلىس باسشىسى بٸردەن ميكروفوندى الىپ, حالىقتان كەشٸرٸم سۇراعانىن ايتادى. بوزىمباەۆتىڭ سٶزٸنشە, "حالىق ونى 100 پايىز كەشٸرگەن".
"مەن دە نەشە تٷرلٸ سٶز ەستٸدٸم. سوندىقتان بۇل جەردەن ٷلكەن پروبلەما شىعارۋدىڭ قاجەتٸ جوق. ول ٸسٸمە ٶكٸنبەيمٸن. باستىسى 4 قاڭتاردا قانتٶگٸس بولمادى. مەن سٶيلەدٸم, ايعايلاپ تا الدىم, ماعان دا ايعايلادى, بەرٸن تٷسٸندٸردٸم, مەدەنيەت سارايىنا اپارىپ تەحنيكا بەردٸم, ولارمەن بٸر سۋدى ٸشتٸم, قۇشاقتاستىق. باستىسى - ەشكٸم پوليتسييامەن جاعا جىرتىسپادى, قانتٶگٸس بولمادى. ال باسقا نەرسەگە نازار اۋدارمادىم", - دەدٸ بوزىمباەۆ.
