تۇتىنۋشىلار قۇقىعىن قورعاۋ بويىنشا بٸرىڭعاي پلاتفورما قۇرىلادى. بٸرىڭعاي جٷيە تۇتىنۋشىلارعا كەرٸ بايلانىس جاساۋعا مٷمكٸندٸك بەرەدٸ. بۇل تۋرالى AntikorLive باعدارلاماسىندا قر ساۋدا جەنە ينتەگراتسييا ۆيتسە-مينيسترٸ ەسەل جاناسوۆا ايتتى, دەپ حابارلايدى قازاقپارات.
«مەن بۇل مينيسترلٸككە كەلگەنٸمە 2 اي بولدى. مينيسترلٸك ستراتەگيياسىنىڭ تسيفرلىق تۇجىرىمداماسىن بەكٸتتٸك. جوبالىق كەڭسە قۇرىپ, توپ مٷشەلەرٸنە جوبالاردى باسقارۋ بويىنشا ەدٸستەردٸ ٷيرەتتٸك. بٸزدٸڭ جوبالار باعىت بويىنشا جۇمىس ٸستەيدٸ. ولار: ٸشكٸ ساۋدا, تەحنيكالىق رەتتەۋ جەنە تۇتىنۋشىلار قۇقىعىن قورعاۋ. ەر باعىت بويىنشا جەكەلەي جوبالار قولعا الىندى. مىسالى, كەيبٸر تۇتىنۋشى العان تاۋارىن دٷكەنگە 14 كٷن ٸشٸندە قايتارىپ بەرۋگە قۇقىلى ەكەنٸن بٸلمەيدٸ. قازٸرگٸ ۋاقىتتا وسى باعىت بويىنشا بٸرىڭعاي پلاتفورما قۇرىپ جاتىرمىز. بۇل پلاتفورما ارقىلى ازامات ارىز-شاعىمىن جازىپ, ول بويىنشا مەملەكەتتٸك ورگاندار جۇمىس ٸستەيتٸن بولادى. بٸرىڭعاي جٷيە تۇتىنۋشىلارعا كەرٸ بايلانىس جاساۋعا مٷمكٸندٸك بەرەدٸ. قازان ايىندا پيلوتتىق جوبا جٷزەگە اسىرىلادى. ونىڭ نەتيجەسٸن جىل سوڭىنا دەيٸن كٶرەتٸن بولامىز», - دەيدٸ قر ساۋدا جەنە ينتەگراتسييا ۆيتسە-مينيسترٸ ەسەل جاناسوۆا.
ول بۇل جوبانىڭ كەسٸپكەرلەر ٷشٸن قانداي پايداسى بار ەكەنٸن ايتتى.
«تۇتىنۋشىلاردىڭ ارىز-شاعىمىنان كەيٸن كەسٸپكەرلەر قىزمەت كٶرسەتۋ ساپاسىن ارتتىرادى. مىسالى, ساۋدا ٷيٸنٸڭ يەسٸ ول جەردە نە بولىپ جاتقانىن تولىق باقىلاۋدا ۇستاي الماۋى مٷمكٸن. ەندٸ حالىقپەن كەرٸ بايلانىس ارقىلى نە بولىپ جاتقانىن, زاڭ بويىنشا قالاي ەرەكەت جاساۋ كەرەكتٸگٸن تٷسٸنەتٸن بولادى. ياعني, قىزمەت كٶرسەتۋ ساپاسىن جاقسارتادى», - دەيدٸ ول.
