ەلوردا سوتى ۇلتتىق بٸرىڭعاي تەستٸلەۋ (ۇبت) كەزٸندە جالعان قۇجات جاسادى دەپ ايىپتالعان بٸلٸم بەرۋ ورتالىعىنىڭ باسشىسىنا قاتىستى ٷكٸم شىعاردى, دەپ حابارلايدى Sputnik قازاقستان.
نۇر-سۇلتان قالاسى الماتى اۋدانىنىڭ №2 اۋداندىق سوتى جالعان قۇجات جاسادى دەپ ايىپتالعان "140+1 بٸلٸم بەرۋ ورتالىعىنىڭ" باسشىسى نۇربەك قانايعا قاتىستى ٷكٸم شىعاردى.
"2021 جىلدىڭ جازىندا وقۋشىلارعا ۇبت-دان جوعارى بالل جيناپ بەرٸپ, بٸلٸم بەرۋ ورتالىعىنىڭ اتىن شىعارۋ ماقساتىندا كەڭسە تەحنيكاسىن پايدالانا وتىرىپ, تەستٸلەۋدەن ٶتٸپ جاتقان تٶرت مەكتەپ تٷلەگٸنٸڭ جەكە كۋەلٸكتەرٸندەگٸ فوتوسۋرەتتەردٸ ۇبت-عا دايىندالىپ جاتقان باسقا تۇلعالاردىڭ فوتوسۋرەتتەرٸنە اۋىستىرعان", - دەپ حابارلادى نۇر-سۇلتان قالالىق سوتىنىڭ باسپاسٶز قىزمەتٸ.
سوتتالۋشىنىڭ كٸنەسٸ كۋەلاردىڭ ايعاقتارىمەن, تەركٸلەنگەن كەڭسە جابدىقتارىمەن, جالعان قۇجاتتارمەن, جەكە كۋەلٸكتەردەگٸ فوتوسۋرەتتەردٸ اۋىستىرۋ تۋرالى سوت-تەحنيكالىق قورىتىندىلارمەن دەلەلدەندٸ.
سوت جازانى جەڭٸلدەتەتٸن شىن جٷرەكتەن ٶكٸنۋ سيياقتى مەن-جايلاردى نازارعا الدى.
نەتيجەسٸندە سوت قانايعا پروباتسييالىق باقىلاۋ ورناتا وتىرىپ, بٸر جىلعا باس بوستاندىعىن شەكتەۋ جازاسىن تاعايىندادى. ٷكٸم ەلٸ زاڭدى كٷشٸنە ەنگەن جوق.
ۇبت-دا بولعان داۋ
بيىل ماۋسىم ايىندا ەلەۋمەتتٸك جەلٸدە تۇرسىنبەك قاباتوۆتىڭ قىزى ٷشٸن ۇبت-نى باسقا ادام تاپسىردى دەگەن اقپارات تارادى. وسى اقپاراتتى جارييالاعان زاڭگەر ابزال قۇسپاننىڭ ايتۋىنشا, ۇبت-نى ەدەمٸ امانعاليدىڭ ورنىنا ۋنيۆەرسيتەتتٸڭ 2-كۋرسىندا گرانتتا وقيتىن ستۋدەنت تاپسىرعان.
نۇر-سۇلتان قالاسى پوليتسييا دەپارتامەنتٸ 13 ماۋسىم كٷنٸ بولعان وقيعانى راستادى. تەرگەۋ كەزٸندە جالعان جەكە كۋەلٸك جاساعان 22 جاستاعى كٷدٸكتٸ ۇستالدى. قىلمىستىق كودەكستٸڭ 385-بابى 1-بٶلٸگٸ بويىنشا قىلمىستىق ٸس قوزعالدى.
ارتىنان تۇرسىنبەك قاباتوۆتىڭ ٶزٸ ەلەۋمەتتٸك جەلٸدە ۆيدەو جارييالاپ, ٶزٸ دە, وتباسى دا الاياقتىق تۋرالى بٸلمەگەنٸن, بۇل تەستكە دايىندايتىن ورتالىقتىڭ ٸسٸ ەكەنٸن ايتتى.
